കടന്നപ്പള്ളി: മന്ത്രിക്കസേരയിലെ ഒറ്റയാൾ ചെറുപ്പം

തി​രു​വ​ന​ന്ത​പു​രം: ലാ​ളി​ത്യ​വും ആ​ദ​ർ​ശ​വും കി​നി​യു​ന്ന ത​​ന്‍റെ വി​സ്​​മ​യ രാ​ഷ്​​ട്രീ​യ ജീ​വ​ച​രി​ത്ര​ത്തി​ൽ ഒ​ര​ധ്യാ​യം കൂ​ടി എ​ഴു​തി​ച്ചേ​ർ​ക്കാ​നൊ​രു​ങ്ങു​ക​യാ​ണ്​ ക​ട​ന്ന​പ്പ​ള്ളി രാ​മ​ച​ന്ദ്ര​നെ​ന്ന എ​ൺ​പ​തു​കാ​ര​ൻ. കെ.​ബി. ഗ​ണേ​ഷ്​​കു​മാ​റി​നെ പോ​ലെ ക​ട​ന്ന​പ്പ​ള്ളി​ക്കും മ​ന്ത്രി​ക്ക​​സേ​ര​യി​ൽ ഇ​ത്​ മൂ​ന്നാം ഊ​ഴ​മാ​ണ്. ആ​ദ​ർ​ശ​ങ്ങ​ളു​ടെ ക​രു​ത​ൽ ത​ട​ങ്ക​ലി​ലാ​ണ്​ എ​ന്നും ക​ട​ന്ന​പ്പ​ള്ളി​യു​ടെ രാ​ഷ്​​ട്രീ​യ ജീ​വി​തം. കോ​ൺ​ഗ്ര​സ്​ -എ​സ്​ എ​ന്ന രാ​ഷ്ട്രീ​യ പാ​ർ​ട്ടി​ക്കും ക​ള​ങ്ക​മേ​ശാ​ത്ത വി​ലാ​സ​വും ജാ​ത​ക​വു​മു​ണ്ടാ​യ​ത്​ അ​ങ്ങ​നെ. സ്വ​ത​വേ ശാ​ന്ത​മാ​ണ്​ ഭാ​വ​മെ​ങ്കി​ലും മീ​ശ​മു​ള​യ്ക്കാ​ത്ത പ്രാ​യ​ത്തി​ൽ അ​തി​കാ​യ​ക​രെ മു​ട്ടു​കു​ത്തി​ച്ച​തി​െ​ന്‍റ നാ​ൾ​വ​ഴി​ക​ളാ​ണ്​ ​മു​ഖം മ​റ​യ്ക്കു​ന്ന കൃ​താ​വ്​ പോ​ലെ ക​ട​ന്ന​പ്പ​ള്ളി​യു​ടെ രാ​ഷ്ട്രീ​യ ജീ​വി​ത​ത്തി​ലും പ​ട​ർ​ന്നു​കി​ട​ക്കു​ന്ന​ത്.

1971ലെ ​ലോ​ക്സ​ഭ തെ​ര​ഞ്ഞെ​ടു​പ്പാ​ണ്​ രം​ഗം. അ​തി​കാ​യ​നാ​യ എ.​കെ.​ജി​യു​ടെ മ​ണ്ഡ​ല​മാ​യ കാ​സ​ർ​കോ​ട്ട്​ 26കാ​ര​നാ​യ ക​ട​ന്ന​പ്പ​ള്ളി​ക്കാ​യി​രു​ന്നു സ്ഥാ​നാ​ർ​ഥി​യാ​കാ​ൻ ന​റു​ക്ക്. അ​ന്ന്​ കയ്യൂ​രും ക​രി​വ​ള്ളൂ​രും ഉ​ൾ​പ്പെ​ടു​ന്ന കാ​സ​ർ​കോ​ട്​ മ​ണ്ഡ​ല​ത്തി​ൽ എ​തി​ർ സ്​​ഥാ​നാ​ർ​ഥി സാ​ക്ഷാ​ൽ ഇ.​കെ. നാ​യ​നാ​ർ. എ.​കെ.​ജി 1967ൽ 1.19 ​ല​ക്ഷം വോ​ട്ടു​ക​ളു​ടെ ഭൂ​രി​പ​ക്ഷ​ത്തി​ൽ വി​ജ​യി​ച്ച മ​ണ്ഡ​ല​ത്തി​ൽ 1971ൽ ​ക​ട​ന്ന​പ്പ​ള്ളി നാ​യ​നാ​രെ അ​ട്ടി​മ​റി​ച്ചു.

അ​ങ്ങ​നെ വി​ദ്യാ​ർ​ഥി നേ​താ​വി​​​ന്‍റെ കു​പ്പാ​യ​മൂ​രും​മു​മ്പേ പാ​ർ​ലി​മെൻറി​ൽ.

അ​ന്ന്​ ​പാ​ർ​ല​മെ​ന്‍റ്​ മാ​ർ​ഷ​ലു​മാ​ർ മീ​ശ മു​ള​യ്​​ക്കാ​ത്ത പ​യ്യ​ൻ എം.​പി​യെ ത​ട​ഞ്ഞു​നി​ർ​ത്തി ​​ഐ.​ഡി കാ​ർ​ഡ്​ ചോ​ദി​ച്ച​ത്​ രാ​ഷ്​​ട്രീ​യം കൗ​തു​കം. 77ലെ ​തെ​ര​ഞ്ഞെ​ടു​പ്പി​ലും ഇ​തേ മ​ണ്ഡ​ല​ത്തി​ൽ​നി​ന്ന്​ വി​ജ​യം ആ​വ​ർ​ത്തി​ച്ചു.