അന്നദാനം നടത്തുന്നത്​ ​ദേവസ്വം ബോർഡ്​: തന്ത്രിമാർ ജീവനക്കാരെന്ന്​ മന്ത്രി

തിരുവനന്തപുരം: ശബരിമല തന്ത്രിമാർ ദേവസ്വം ജീവനക്കാർ മാത്രമാണെന്നും അവർക്ക്​ ഭരണപരമായ കാര്യങ്ങളിൽ ഇടപെടാൻ അനുമതിയില്ലെന്നും ദേവസ്വം മന്ത്രി കടകംപള്ളി സുരേന്ദ്രൻ. തന്ത്രി ദേവസ്വം ബോര്‍ഡി​​​െൻറ 6000 ജീവനക്കാരില്‍ ഒരാള്‍ മാത്രമാണ്. അവരുടെ അവകാശ അധികാരങ്ങള്‍ ദേവസ്വം ബോര്‍ഡ് മാന്വലി​​​െൻറ നാലാം അധ്യായത്തില്‍ കൃത്യമായി പറയുന്നുണ്ട്​. പാരമ്പര്യമായി വരുന്നവരും നിയമിക്കുന്നവരും തന്ത്രിമാരില്‍ പെടും. ശാന്തിക്കാരുടേതുപോലെ ഉത്തരവാദിത്വം നിറവേറ്റേണ്ടവരാണ് അവരും. ക്ഷേത്രതന്ത്രം കൈകാര്യം ചെയ്യുമ്പോള്‍ തന്ത്രിമാർ ദേവസ്വം ബോര്‍ഡി​​​െൻറ നിയന്ത്രണത്തിന് വിധേയമായിരിക്കും. ബോര്‍ഡ് പുറപ്പെടുവിക്കുന്ന ചട്ടങ്ങള്‍ക്ക് അവർ വിധേയരാണെന്നും മന്ത്രി നിയമസഭയിൽ പറഞ്ഞു.

ശബരിമലയിൽ യുവതീപ്രവേശനമുണ്ടായാൽ നടയടക്കുമെന്ന പ്രസ്​താവനയിൽ തന്ത്രിയുടെ വിശദീകരണം ദേവസ്വം ബോർഡ്​ പരിശോധിച്ചു വരികയാണ്​. ബോർഡിന്​്​ തന്ത്രിയോട്​ വിശദീകരണം ചോദിക്കാൻ അവകാശമുണ്ട്​. അതിനനുസരിച്ചാണ്​ വിശദീകരണം തേടിയതെന്നും മന്ത്രി പറഞ്ഞു. നിയമസഭയില്‍ പി.സി ജോര്‍ജ് എം.എല്‍.എയുടെ ചോദ്യത്തിന് മറുപടി പറയുകയായിരുന്നു മന്ത്രി.

ഒരു സംഘടനയുടേയും നേതൃത്വത്തിലല്ല ശബരിമലയിൽ അന്നദാനം നടത്തുന്നത്​. പമ്പയിലും നിലയ്​ക്കലിലും അന്നദാനം നടത്തുന്നത് ദേവസ്വം ബോർഡ്​ തന്നെയാണ്​. അന്നദാനത്തിനായുള്ള വസ്​തുവകകളും ധനസഹായവും എല്ലാ തരത്തിലുള്ള സംഘടനകളും നൽകാറുണ്ട്​. അന്നദാനത്തിന്​ കുമ്മനത്തി​​​െൻറ പാർട്ടി സഹായം തന്നാലും സ്വീകരിക്കുമെന്നും കടകംപള്ളി പറഞ്ഞു. പ്രതിപക്ഷ നേതാവ്​ രമേശ്​ ചെന്നിത്തലയുടെ ചോദ്യത്തിന്​ മറുപടി നൽകുകയായിരുന്നു അദ്ദേഹം.