തനിക്കില്ലാത്ത പ്രയാസം മാധ്യമങ്ങൾക്ക് വേണ്ടെന്ന് കടകംപള്ളി സുരേന്ദ്രൻ; ‘ബംഗാളിലെ പാർട്ടിയാവാൻ കേരളമില്ല’

തിരുവനന്തപുരം: പാർട്ടി കാലാകാലങ്ങളിൽ ഏൽപ്പിച്ച ഉത്തരവാദിത്വം ഏറെ സത്യസന്ധതയോടെയും ത്യാഗമനോഭാവത്തോടെയും ഏറ്റെടുത്ത ആളാണ് താനെന്ന് കടകംപളളി സുരേ​ന്ദ്രൻ. നാളിതുവരെയുള്ള സമ്മേളനങ്ങളിൽ നിന്നും വ്യത്യസ്തമായ ഒന്നാണ് കൊല്ലം സമ്മേളനം. വിഭാഗീയ പൂർണമായും ഇല്ലാതായ സമ്മേളനം.

എല്ലാവരും ​ഒറ്റക്കെട്ടായി പാർട്ടിക്കൊപ്പം നിന്ന സമ്മേളനം. ഒരു കുറ്റ​വും മാധ്യമങ്ങൾക്ക് കാണാൻ കഴിഞ്ഞില്ല. എന്നെ ഉപയോഗിച്ച് പാർട്ടിയെ ആക്രമിക്കാൻ അനുവദിക്കില്ല. എനിക്ക് അർഹിക്കുന്നതിലേറെ പാർട്ടി തന്നു​വെന്ന് വി​ശ്വസിക്കുന്നതായാളാണെന്ന​ും കടകംപള്ളി പറഞ്ഞു.

എന്നെ സി.പി.എം സംസ്ഥാന സെക്രട്ടറിയേറ്റിലെടുത്തില്ല എന്നതിൽ ഒരു ശതമാനം പ്രയാസ​മില്ലെന്നും കടകംപളളി പറഞ്ഞു. ​ഫേസ് ബുക്കിൽ പ്രൈഫൽ ചിത്രം മാറ്റിയതിൽ യാതൊരു ദുരുദ്ദേശ്യവുമില്ല. ഫേസ് ബുക്ക് കൈകാര്യം ചെയ്യുന്നത് ഞാൻ നേരിട്ടല്ല.

സി.പി.എം വലിയ മാറ്റത്തി​െന്റ പാതയിലാണ്. ബംഗാളിലെ അനുഭവം വലിയ പാഠമാണ്. അവിടെ, 35 വർഷത്തോളം തുടർച്ചയായി അധികാരത്തിലിരുന്ന പാർട്ടി ഒരു സുപ്രഭാതത്തിൽ തകർന്ന​ു​േ​പായത് നവീകരണ പ്രക്രിയക്ക് വിധേയമാകാത്തത് കൊണ്ടാണ്. 90,95ഉം വയസുള്ളവരാണ് നേതൃത്വത്തിലും ഭരണത്തിലും ഉണ്ടായിരുന്നത്.

ആ അനുഭവത്തിൽ നിന്നാണ് പാർട്ടി 75 വയസ് എന്ന മാനദണ്ഡം വെച്ചത്. പുതിയ രക്തം നേതൃതലത്തിലേക്ക് വരണം. ആരോഗ്യ മന്ത്രി വീണ​ ജോർജ് സംസ്ഥാന കമ്മിറ്റിയിൽ നിർബന്ധമാണ്. കാരണം, അത്, ആരോഗ്യവകുപ്പിനും പാർട്ടിക്കും ഗുണം ചെയ്യുമെന്നും കടകംപളളി പറഞ്ഞു. പാർട്ടി വിരുദ്ധരാണ് തനിക്കെതിരെ ഗൂഡാലോചന നടത്തുന്നത്. അതിൽ നിന്നും മാധ്യമങ്ങൾ മാറി നിൽക്കണമെന്നും കടകംപള്ളി പറഞ്ഞു.