വയനാട്ടിൽ കെ. സുരേന്ദ്രന്‍; ബി.ജെ.പിയുടെ അഞ്ചാംഘട്ട സ്ഥാനാർഥി പട്ടിക പുറത്ത്

ന്യൂഡൽഹി: ബി.ജെ.പിയുടെ അഞ്ചാംഘട്ട സ്ഥാനാർഥി പട്ടിക പുറത്തിറങ്ങി. വയനാട്ടിൽ രാഹുൽ ഗാന്ധിക്കെതിരെ ബി.ജെ.പി. സംസ്ഥാന അധ്യക്ഷൻ കെ. സുരേന്ദ്രൻ മത്സരിക്കും. എറണാകുളത്ത് കെ.എസ് രാധാകൃഷ്ണനാണ് സ്ഥാനാർഥി. ആലത്തൂരിൽ ഡോ. ടി.എൻ സരസുവും കൊല്ലത്ത് ജി കൃഷ്ണകുമാറും മത്സരിക്കും.

111 പേരടങ്ങുന്ന സ്ഥാനാർഥി പട്ടികയാണ് പ്രഖ്യാപിച്ചത്. ഇതോടെ കേരളത്തിലെ 20 മണ്ഡലങ്ങളിലും എൻഡിഎക്കു സ്ഥാനാർഥികളായി.