ചെങ്കോൽ പ്രസ്താവന: ശശി തരൂരിന്​ കാര്യവിവരമുണ്ടെന്ന്​ കെ. സുരേന്ദ്രൻ

കൊല്ലം: പുതിയ പാർലമെന്‍റ്​ മന്ദിരത്തിൽ ചെങ്കോൽ സ്ഥാപിച്ചത്​ സംബന്ധിച്ച്​ അഭിപ്രായം പറഞ്ഞവരിൽ ശശി തരൂരിനെ പോലുള്ള കാര്യവിവരമുള്ളവരുമുണ്ടെന്ന്​ ബി.ജെ.പി സംസ്ഥാന പ്രസിഡന്‍റ്​ കെ. സുരേന്ദ്രൻ. മോദി സർക്കാറിന്‍റെ ഒമ്പതാം വാർഷികത്തോട് അനുബന്ധിച്ച്​ ബി.ജെ.പി കൊല്ലം ജില്ല കമ്മിറ്റിയുടെ ആഘോഷ പരിപാടികളുടെ ഉദ്​ഘാടനം നിർവഹിക്കുകയായിരുന്നു അദ്ദേഹം.

ഐ.എസ്​.ആർ.ഒയിൽ നേരത്തേ തന്നെ ഗണപതി ഹോമം നടത്തിയും നാളികേരം ഉടച്ചുമാണ്​ പദ്ധതികൾ തുടങ്ങുന്നത്​. ’24ലും ’29ലും മോദി തന്നെ രാജ്യം ഭരിക്കും, 50 കൊല്ലത്തേക്ക്​ ബി.ജെ.പിയെ പരാജയപ്പെടുത്താൻ കഴിയില്ലെന്നും സുരേന്ദ്രൻ കൂട്ടിച്ചേർത്തു.