'കൃഷ്ണദാസിനോട് ഇതൊന്നും പറയില്ലല്ലോ'; കെ. സുരേന്ദ്രന്‍റെ പുതിയ ശബ്ദരേഖ പുറത്തുവിട്ട് പ്രസീത

കണ്ണൂർ: ബി.ജെ.പി സംസ്ഥാന അധ്യക്ഷൻ കെ. സുരേന്ദ്രനുമായി നടത്തിയ ഫോൺ സംഭാഷണത്തിന്‍റെ കൂടുതൽ ശബ്ദരേഖകൾ പുറത്തുവിട്ട് ജെ.ആർ.പി സംസ്ഥാന ട്രഷറർ പ്രസീത അഴീക്കോട്. തിരുവനന്തപുരത്തെത്തിയ സി.കെ. ജാനുവിനെ കാണാനായി ഹോട്ടലിലേക്ക് വരുംമുമ്പ് സുരേന്ദ്രൻ ചെയ്ത കോളിലെ സംഭാഷണമാണ് പ്രസീത പുറത്തുവിട്ടത്. 'കാര്യങ്ങളൊന്നും കൃഷ്ണദാസിനോട് പറയില്ലല്ലോ' എന്ന് സുരേന്ദ്രൻ പ്രസീതയോട് ചോദിക്കുന്നുണ്ട്.

Also Read:'പൈസ ആറാം തീയതി ഞാന്‍ നേരിട്ട്‌ കൈയില്‍ കൊടുക്കാം...' -കെ. സുരേന്ദ്രനും പ്രസീത അഴീ​ക്കോടും തമ്മിലുള്ള ഫോൺ സംഭാഷണത്തിന്‍റെ പൂർണരൂപം

'എല്ലാം റെഡിയാക്കി ബാഗിൽ വെച്ചിട്ട് ഇന്നലെ മുതൽ അങ്ങോട്ടും ഇങ്ങോട്ടും കൊണ്ടുനടക്കുകയാണ്' എന്നും 'രാവിലെ ഒമ്പത് മണിയോടെ ഹോട്ടലിലെത്താമെന്നും' സുരേന്ദ്രൻ പറയുന്നുണ്ട്. ബി.ജെ.പിയിൽ എതിർചേരിയിലുള്ള നേതാവ് പി.കെ. കൃഷ്ണദാസ് ഈ ഇടപാടുകൾ അറിയരുതെന്നാണ് സുരേന്ദ്രൻ ലക്ഷ്യമിട്ടതെന്ന് വ്യക്തം.

Also Read:പി. ജയരാജനുമായി കൂടിക്കാഴ്ച നടത്തിയതിന്‍റെ തെളിവ് പുറത്തുവിടട്ടെ-സുരേന്ദ്രനെ വെല്ലുവിളിച്ച് പ്രസീത

എൻ.ഡി.എയിൽ ചേരാൻ സി.കെ. ജാനുവിന് കെ. സുരേന്ദ്രൻ 10 ലക്ഷം രൂപ നൽകിയെന്ന് വെളിപ്പെടുത്തിയാണ് പ്രസീത അഴീക്കോട് ആദ്യം ഫോൺ സംഭാഷണങ്ങൾ പുറത്തുവിട്ടത്. സു​രേ​ന്ദ്ര​നു​മാ​യും അ​ദ്ദേ​ഹ​ത്തി​ന്‍റെ പ്രൈ​വ​റ്റ് സെ​ക്ര​ട്ട​റി​യു​മാ​യും ന​ട​ത്തി​യ ഫോ​ൺ സം​ഭാ​ഷ​ണ​ം നേരത്തെ പുറത്തുവിട്ടിരുന്നു. പ്രസീതയാണ് ജാനുവിനൊപ്പം ഇടനിലക്കാരിയായി ഉണ്ടായിരുന്നത്.

Also Read:പ്രസീത‍യും ഞാനും കൂടിക്കാഴ്ച നടത്തിയോ എന്നത് അപ്രസക്തം, ഫോൺ വിളിയുടെ കാര്യത്തിൽ സുരേന്ദ്രൻ മറുപടി പറയട്ടെ -പി. ജയരാജൻ

ച​ര്‍​ച്ച​ക​ള്‍​ക്കാ​യി മാ​ര്‍​ച്ച് മൂ​ന്നി​ന് സു​രേ​ന്ദ്ര​ൻ ആ​ല​പ്പു​ഴ വ​രാ​ന്‍ പ​റ​യു​ന്ന​തും പി​ന്നീ​ട് തി​രു​വ​ന​ന്ത​പു​ര​ത്ത് എ​ത്തി​യ​ശേ​ഷ​മു​ള്ള സം​ഭാ​ഷ​ണ​വും നേരത്തെ പുറത്തുവിട്ട ശ​ബ്ദ രേ​ഖ​യി​ലു​ണ്ട്. ജാ​നു​വി​ന്‍റെ റൂം ​ന​മ്പ​ര്‍ ചോ​ദി​ച്ചാ​ണ് സു​രേ​ന്ദ്ര​ന്‍റെ പി​.എ വി​ളി​ച്ചി​രി​ക്കു​ന്ന​ത്. തിരുവനന്തപുരത്തെ ഹൊറൈസൺ ഹോട്ടലിലെ 503 ആം നമ്പർ റൂമിലാണ് പണം കൈമാറിയത്. പണം കൈമാറാൻ ഇടനിലക്കാരിയായി പ്രവർത്തിച്ചതെന്ന് പ്രസീത തന്നെയെന്ന് ഫോൺ സംഭാഷണങ്ങളിൽ വ്യക്തമാണ്.