ബ്ലാക്ക്​മെയിൽ വിവാദം: ഉമ്മൻ ചാണ്ടിയെ കസ്​റ്റഡിയിലെടുത്ത്​ ചോദ്യംചെയ്യണം -കെ. സുരേന്ദ്രൻ

കോഴിക്കോട്​:  മുൻമുഖ്യമന്ത്രി ഉമ്മൻ ചാണ്ടിയെ ബ്ലാക്ക്മെയ‌ിൽ ചെയ്ത്​ കാര്യം നേടിയത് ആരാണെന്ന്​ കണ്ടെത്താൻ അദ്ദേഹത്തെ കസ്​റ്റഡിയിലെടുത്ത്​ ​േചാദ്യം ചെയ്യണമെന്ന്​ ബി.ജെ.പി സംസ്ഥാന ജനറൽ ​െസക്രട്ടറി കെ. സുരേന്ദ്രൻ വാർത്തസമ്മേളനത്തിൽ ആവശ്യപ്പെട്ടു. ഗുരുതരമായ വെളിപ്പെടുത്തൽ ഉമ്മൻ ചാണ്ടി നടത്തിയിട്ടും മുഖ്യമന്ത്രിയോ പൊലീസോ വിഷയത്തിൽ ഒരു നടപടിയും സ്വീകരിക്കാത്തത് ദുരൂഹമാണ്. ഭീതിയോ പ്രീതിയോ കൂടാതെ ഭരണം നിർവഹിക്കുമെന്ന്​​ സത്യപ്രതിജ്ഞ ചെയ്ത മുൻ മുഖ്യമന്ത്രി ഭീതിക്കു പാത്രമായി ആർക്കാണ് പ്രീതി ചെയ്തുകൊടുത്തതെന്നു വെളിപ്പെടുത്തണം. ഉമ്മൻ ചാണ്ടി പറയാൻ തയാറല്ലെങ്കിൽ പറയിക്കാൻ സർക്കാർ തയാറാകണമെന്നും സുരേന്ദ്രൻ ആവശ്യപ്പെട്ടു.