രഹനയുമായി കൂടിക്കാഴ്​ച നടത്തിയിട്ടില്ലെന്ന്​ കെ. സുരേന്ദ്രൻ

തിരുവനന്തപുരം: രഹ്​ന ഫാത്തിമയും കെ. സുരേന്ദ്രനും കൂടിക്കാഴ്​ച നടത്തിയെന്ന രശ്​മി നായരുടെ ആരോപണം തള്ളി ബി.ജെ.പി നേതാവ്​ സുരേന്ദ്രൻ. രഹന ഫാത്തിമയുമായി യാതൊരു ബന്ധവുമില്ലെന്നും ഇത്തരത്തിലുള്ള ആരോപണങ്ങൾ തെറ്റാണെന്നും സുരേന്ദ്രൻ പ്രതികരിച്ചു.

ശബരിമല പ്രവേശനത്തിന് തയ്യാറായി വന്ന രഹന ഫാത്തിമ കെ സുരേന്ദ്രനുമായി പലതവണ കൂടിക്കാഴ്ച നടത്തിയതായി ചുംബനസമര നായിക രശ്മി നായർ ആരോപിച്ചിരുന്നു. മംഗലാപുരത്തു വെച്ചായിരുന്നു കൂടിക്കാഴ്ചയെന്ന്​ അവർ ഫേസ്ബുക്ക്​ പോസ്റ്റിലൂടെയാണ്​ വ്യക്​തമാക്കിയത്​. ശബരിമല വിഷയത്തിൽ ഒരു വർഗീയ കലാപം സൃഷ്ടിക്കുവാനുള്ള ഗൂഡാലോചനയുടെ ഭാഗമാണ് രഹനയുടെ പ്രവർത്തികളെന്നും രശ്മി പറഞ്ഞിരുന്നു.