സി.പി.എം ഇപ്പോൾ പറഞ്ഞത്​ ബി.ജെ.പി വർഷങ്ങളായി പറയുന്ന കാര്യം -കെ. സുരേന്ദ്രൻ

കാസർ​കോട്​: കേരളത്തിൽ ലവ്​ ജിഹാദ്​ ഉണ്ടെന്ന്​ സി.പി.എം ഇനിയെങ്കിലും സമ്മതിക്കണമെന്ന്​ ബി.ജെ.പി സംസ്​ഥാന പ്രസിഡൻറ്​ കെ. സുരേന്ദ്രൻ. പാലാ ബിഷപ്പി​െൻറ നാർക്കോട്ടിക്​ ജിഹാദ്​ പരാമർശത്തിൽ എതിർപ്പ് പ്രകടിപ്പിച്ചവരാണ് സി.പി.എം. എന്നിട്ട്,​ കാമ്പസുകളിൽ യുവതയെ തീവ്രവാദത്തിലേക്ക്​ നയിക്കുന്ന സംഘ​മുണ്ടെന്ന്​ ഇപ്പോൾ പറയുന്നു.

പെൺകുട്ടികളെ വശത്താക്കാൻ ഒരു സംഘമുണ്ടെന്നാണ്​ സി.പി.എം കുറിപ്പ്. ബി.ജെ.പി വർഷങ്ങളായി പറഞ്ഞുകൊണ്ടിരിക്കുന്ന കാര്യമാണിത്​. ഇൗ ഇരട്ടത്താപ്പ്​ സി.പി.എം അവസാനിപ്പിക്കണമെന്നും സുരേന്ദ്രൻ കാസർകോട്ട്​ മാധ്യമങ്ങളോട്​ പറഞ്ഞു.

ഇന്ധനവില ജി.എസ്​.ടിയിൽ ഉൾപ്പെടുത്തണമെന്ന ആവശ്യത്തിൽ കേരളത്തി​െൻറ നിലപാട്​ ജനവിരുദ്ധമാണ്​. പെട്രോളിയം ഉൽപന്നങ്ങൾ ജി.എസ്.ടിയിൽ ഉൾപ്പെടുത്തിയാൽ ജനങ്ങൾക്ക് കാര്യമായ പ്രയോജനം കിട്ടുമെന്നും സുരേന്ദ്രൻ കൂട്ടിച്ചേർത്തു.