ത​ന്നെ ക്രമിനലെന്ന്​ വിളിച്ച മുഖ്യമന്ത്രി ജന്മനാ ക്രിമിനൽ -കെ.സുധാകരൻ

കണ്ണൂർ:  തന്നെ ക്രിമിന​െലന്ന്​ വിളിക്കുന്ന മുഖ്യമന്ത്രി പിണറായി വിജയൻ ജന്മനാ ക്രിമിനലാണെന്നും കണ്ണൂരിൽ കൊലപാതക രാഷ്​ട്രീയത്തിന്​ തുടക്കംകുറിച്ച നേതാവാണെന്നും കെ. സുധാകരൻ വാർത്തസമ്മേളനത്തിൽ ആരോപിച്ചു. ഞാൻ ഇന്നുവരെ  ഒരാൾ​ക്ക്​ നേരെയും പിച്ചാത്തിപോലും വീശിയിട്ടില്ല. എന്നാൽ, വാടിക്കൽ രാമകൃഷ്​ണ​െന വെട്ടിക്കൊന്നയാളാണ്​ പിണറായി.  അതി​​​​െൻറ രേഖകൾ മംഗലാപുരത്തെ  കോടതിയിലുണ്ട്​.  ‘‘മഞ്ഞമുണ്ടും നീലഷർട്ടും മാടിക്കുത്തി സ്വന്തം ​ൈകയിൽ വാളെടുത്ത്​ വെട്ടി’’യെന്നാണ്​ കുറ്റപത്രത്തിൽ  മൂന്നാംപ്രതിയായ  പിണറായിക്കെതിരായ സാക്ഷിമൊഴി.  

പിണറായി നേരിട്ട്​ കത്തികൊണ്ട്​ കുത്തിയ കണ്ടോത്ത്​ ഗോപി ഇന്നും ജീവിച്ചിരിപ്പുണ്ട്​. ഡി.സി.സി സെക്രട്ടറിയാണ്​ അദ്ദേഹം. ​തൊഴിലാളിജാഥ  പിരിച്ചുവിടാൻ  പിണറായി വിജ​യ​​​​െൻറ നേതൃത്വത്തിലുള്ള സംഘം ആക്രമിച്ചു. ഗോപിയെ കുത്തിവീഴ്​ത്തിയത്​ വിജയൻ നേരിട്ടാണ്​. ഗോപിയുടെ ​ദേഹത്ത്​  കുത്തേറ്റ മുറിവി​​​​െൻറ പാട്​ ഇപ്പോഴുമുണ്ട്​. അത്​ കാണിച്ചുതരാം. 26 വർഷം പിണറായി വിജയ​​​​െൻറ ബോഡിഗാർഡായിരുന്ന പിണറായിയിലെ ബാബുവുമായി  അകന്നപ്പോൾ അവനെ പാർട്ടിക്കാരെവെച്ച്​ കൊന്നു. ശേഷം മൃതദേഹം കാണാൻ പോകുന്നതിൽനിന്ന്​ പിണറായി വിജയൻ നാട്ടുകാരെ വിലക്കി.  കോൺഗ്രസുകാരെത്തിയാണ്​ കുഴികുത്തി മൃതദേഹം സംസ്​കരിച്ചത്​.  

ഗൺമാ​​​​െൻറ തോക്ക്​ വാങ്ങി സുധാകരൻ നാൽപാടി വാസുവിനെ വെടിവെച്ചുവെന്നാണ്​ മുഖ്യമന്ത്രി നിയമസഭയിൽ പറഞ്ഞത്​.  ജനക്കൂട്ടത്തെ  ഭയപ്പെടുത്തി പിരിച്ചുവിടാൻ ഗൺമാൻ ആളില്ലാത്ത ഭാഗത്തേക്ക്​ വെടിവെച്ചതാണ്​. മരത്തിന്​ ചുവട്ടിൽ വാസു നിൽക്കുന്നത്​ ഗൺമാൻ കണ്ടില്ല. വെടിവെച്ചത്​  അബദ്ധമാണെന്ന്​ മനസ്സിലാക്കിയ ഞാൻ അപ്പോൾതന്നെ ഗൺമാൻ ജോൺ ജോസഫി​​​​​െൻറ ചെകിടത്ത്​ അടിച്ചിട്ടുണ്ട്​.  നാൽപാടി വാസുവി​​​​െൻറ  സഹോദരൻ നൽകിയ സ്വകാര്യ അന്യായത്തിൽപോലും  ഞാൻ വെടിവെച്ചുവെന്ന്​ പറഞ്ഞിട്ടില്ല. പ്രോസിക്യൂഷൻ സാക്ഷികൾ പൊലീസിലും  കോടതിയിലും ​നൽകിയ മൊഴിയിലും സുധാകരൻ വെടിവെച്ചെന്ന്​ പറഞ്ഞിട്ടില്ല.  മുഖ്യമന്ത്രി പറയു​േമ്പാൾ ​ആധികാരികമായി രേഖവെച്ച്​ പറയണം. ​ തെളിവില്ലെങ്കിൽ നിയമസഭയെ തെറ്റിദ്ധരിപ്പിച്ചതിന്​ മാപ്പുപറയണം.

മുഖ്യമന്ത്രി പറയുന്ന നാലു കേസുകൾ നിഷേധിക്കുന്നില്ല. ​അതിൽ മൂന്നും കോൺഗ്രസുകാരെ ആക്രമിച്ചതിനുള്ള തിരിച്ചടി മാത്രമായിരുന്നു.  ഇ.പി. ജയരാജൻ വധശ്രമക്കേസിൽ ഞാൻ പ്രതിയല്ല. സംഭവം നടക്കു​േമ്പാൾ  ആന്ധ്രയിൽ ഇടതുപക്ഷവുമായി സഖ്യത്തിലായിരുന്ന ടി.ഡി.പി സർക്കാറായിരുന്നു. അവർ അന്വേഷിച്ചാണ്​ എന്നെ ഒഴിവാക്കിയത്​. ജയരാജന്​ ​ വെടിയേറ്റിട്ടില്ല. ശരീരത്തിൽ ഉണ്ട​യുമായി ജീവിക്കുന്നുവെന്ന്​ പറയുന്നത്​ കള്ളമാണ്​. ​ഉണ്ടയുണ്ടെങ്കിൽ ​മെഡിക്കൽ ബോർഡ്​ മുമ്പാകെ  തെളിയിക്കണമെന്ന  എ​​​​െൻറ വെല്ലുവിളി ഇതുവരെ ഇ.പി. ജയരാജൻ സ്വീകരിച്ചിട്ടില്ല -സുധാകരൻ പറഞ്ഞു.