കോഴിക്കടകളും തട്ടുകടകളും ചേര്‍ത്തതാണ് വ്യവസായ മന്ത്രിയുടെ കണക്ക് -കെ. സുധാകരന്‍

തി​രു​വ​ന​ന്ത​പു​രം: കോ​ഴി​ക്ക​ട​ക​ളും ത​ട്ടു​ക​ട​ക​ളും പൂ​ട്ടി​പ്പോ​യ ക​ട​ക​ളും വ​രെ ഉ​ള്‍പ്പെ​ടു​ത്തി​യാ​ണ് ചെ​റു​കി​ട സം​രം​ഭ​ങ്ങ​ളു​ടെ കാ​ര്യ​ത്തി​ല്‍ വ​ലി​യ മു​ന്നേ​റ്റ​മു​ണ്ടാ​യ​താ​യി പി​ണ​റാ​യി സ​ര്‍ക്കാ​ര്‍ അ​വ​കാ​ശ​പ്പെ​ടു​ന്ന​തെ​ന്ന് കെ.​പി.​സി.​സി പ്ര​സി​ഡ​ന്റ് കെ. ​സു​ധാ​ക​ര​ന്‍ എം.​പി. കേ​ന്ദ്ര​സ​ര്‍ക്കാ​ര്‍ 2020ല്‍ ​കൊ​ണ്ടു​വ​ന്ന ഉ​ദ്യം പ​ദ്ധ​തി​യി​ല്‍ ക​ട​ക​ളു​ടെ ര​ജി​സ്‌​ട്രേ​ഷ​ന്‍ ന​ട​ത്തി​യ​തോ​ടെ​യാ​ണ് സം​രം​ഭ​ങ്ങ​ളു​ടെ എ​ണ്ണ​ത്തി​ല്‍ വ​ര്‍ധ​ന​യു​ണ്ടാ​യ​ത്. പു​തു​താ​യി തു​ട​ങ്ങി​യ 2.9 ല​ക്ഷം സം​രം​ഭ​ങ്ങ​ളു​ടെ പ​ട്ടി​ക പു​റ​ത്തു​വി​ടാ​ന്‍ വ്യ​വ​സാ​യ മ​ന്ത്രി​യെ വെ​ല്ലു​വി​ളി​ക്കു​ന്നു. ഇ​തു സം​ബ​ന്ധി​ച്ച് നേ​രി​ട്ട്​ പ​രി​ശോ​ധ​ന ന​ട​ത്താ​ന്‍ മ​ന്ത്രി ത​യാ​റാ​ണോ​​?. കു​ടും​ബ​ശ്രീ സം​രം​ഭ​ങ്ങ​ള്‍ ര​ജി​സ്റ്റ​ര്‍ ചെ​യ്ത​പ്പോ​ള്‍ ത​ന്നെ വ​ലി​യ തോ​തി​ല്‍ എ​ണ്ണം കൂ​ടി. അ​ങ്ങ​നെ​യാ​ണ് സം​രം​ഭ​ങ്ങ​ളു​ടെ എ​ണ്ണം കു​തി​ച്ചു​ക​യ​റി​യ​ത്.

ഉ​മ്മ​ന്‍ ചാ​ണ്ടി സ​ര്‍ക്കാ​റി​ന്റെ കാ​ല​ത്ത് 2016ല്‍ ​എം.​എ​സ്.​എം.​ഇ സ​ര്‍വേ​യി​ല്‍ കേ​ര​ളം ഒ​ന്നാ​മ​താ​യി​രു​ന്നു. ഐ.​ടി വ​ള​ര്‍ച്ച​യു​ടെ കാ​ര്യ​ത്തി​ലും പൊ​ങ്ങ​ച്ച​ത്തി​ല്‍ ക​വി​ഞ്ഞൊ​ന്നു​മി​ല്ല. കേ​ര​ള​ത്തി​ന്റെ ഐ.​ടി ക​യ​റ്റു​മ​തി 24000 കോ​ടി രൂ​പ​യു​ടേ​താ​ണെ​ങ്കി​ല്‍ ക​ര്‍ണാ​ട​ക​ത്തി​ന്റേ​ത് 4.11 ല​ക്ഷം കോ​ടി​യും തെ​ല​ങ്കാ​ന​യു​ടെ​ത് ര​ണ്ടു ല​ക്ഷം കോ​ടി​യു​മാ​ണ്. ത​മി​ഴ്‌​നാ​ടി​ന്റേ​ത് 1.7 ല​ക്ഷം കോ​ടി​യും. പ്ര​ധാ​ന​മ​ന്ത്രി ന​രേ​ന്ദ്ര മോ​ദി യു​വ​സം​രം​ഭ​ക​രെ വാ​ര്‍ത്തെ​ടു​ക്കു​ന്ന സ്റ്റാ​ര്‍ട്ട​പ്​ പ​ദ്ധ​തി​ക്ക് തു​ട​ക്ക​മി​ട്ട​ത് 2016 ലാ​ണെ​ങ്കി​ല്‍ മു​ഖ്യ​മ​ന്ത്രി ഉ​മ്മ​ന്‍ ചാ​ണ്ടി അ​ത് 2011ല്‍ ​തു​ടങ്ങി. സം​രം​ഭ​ക​രെ ത​ല്ലി​യോ​ടി​ക്കു​ക​യും ക​മ്പ്യൂ​ട്ട​ര്‍ ത​ല്ലി​പ്പൊ​ളി​ക്കു​ക​യും ചെ​യ്ത ച​രി​ത്ര​മു​ള്ള സി.​പി.​എം മ​നം​മാ​റ്റം ന​ട​ത്തി​യാ​ല്‍ സ്വാ​ഗ​തം ചെ​യ്യും. എ​ന്നാ​ല്‍, വീ​മ്പി​ള​ക്ക​രു​തെ​ന്ന് സു​ധാ​ക​ര​ന്‍ പ​റ​ഞ്ഞു.

കേരളത്തിലെ വ്യവസായ രംഗത്തെ അനുമോദിച്ച് ഇംഗ്ലീഷ് പത്രത്തില്‍ പ്രസിദ്ധീകരിച്ച ശശി തരൂരിന്‍റെ ലേഖനത്തിനെതിരെ രൂക്ഷ വിമർശനമാണ് പ്രതിപക്ഷ നേതാവ് വി.ഡി. സതീശൻ, കെ. മുരളീധരൻ അടക്കമുള്ളവർ നടത്തിയത്. കമ്യൂണിസ്റ്റ് പാര്‍ട്ടി നയിക്കുന്ന മുന്നണിയുടെ നേതൃത്വത്തിലുള്ള സര്‍ക്കാര്‍ ഈ നേട്ടങ്ങള്‍ സൃഷ്ടിക്കുന്നത് ആശ്ചര്യകരമാണെന്നും സംരംഭക മുന്നേറ്റത്തിലും സുസ്ഥിര വളര്‍ച്ചയിലും കേരളം രാജ്യത്ത് വേറിട്ട മാതൃകയായി നിലകൊള്ളുകയാണെന്നുമാണ് തരൂരിന്‍റെ ലേഖനത്തില്‍ പറയുന്നത്.

അതേസമയം, ശശി തരൂരിനെതിരെ രൂക്ഷ വിമർശനം നടത്തിയ പ്രതിപക്ഷ നേതാവ് ലേഖനത്തിലെ അവകാശവാദങ്ങൾ തള്ളി. എന്ത് വിവരങ്ങളുടെ അടിസ്ഥാനത്തിലാണ് അദ്ദേഹം പറഞ്ഞതെന്ന് അറിയില്ലെന്ന് വി.ഡി സതീശൻ തുറന്നടിച്ചു. കേരളം വ്യവസായ സൗഹൃദമല്ലെന്നും ഒരുപാട് മെച്ചപ്പെട്ട് വരേണ്ടതുണ്ടെന്നും അദ്ദേഹം വ്യക്തമാക്കി.

ശശി തരൂർ പറഞ്ഞത് കേരളത്തിലെ കോൺഗ്രസിന്‍റെ നിലപാടല്ലെന്നാണ് കെ. മുരളീധരൻ പ്രതികരിച്ചത്. തരൂരിന്‍റേത് കേരളത്തിലെ കോൺഗ്രസുകാർക്ക് അംഗീകരിക്കാൻ സാധിക്കുന്ന നിലപാടല്ല. ശശി തരൂർ ദേശീയ നേതാവും വിശ്വപൗരനുമാണ്. ഒരു സാധാരണ പ്രവർത്തകൻ എന്ന നിലയിൽ തരൂരിന്‍റെ പ്രസ്താവനയെ വിലയിരുത്താൻ താൻ ആളല്ലെന്നും കെ. മുരളീധരൻ പരിഹസിച്ചു.