Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകെ. സുധാകരന്‍റേത്...

കെ. സുധാകരന്‍റേത് കുറ്റസമ്മതം; സേവറി നാണുവിന്‍റെ കുടുംബത്തെ സഹായിക്കുമെന്ന് സി.പി.എം

text_fields
bookmark_border
mv jayarajan
cancel

കണ്ണൂർ: സേവറി നാണുവിന്‍റെ കുടുംബത്തിന് നീതി കിട്ടാൻ സി.പി.എം സഹായം ചെയ്യുമെന്ന് ജില്ലാ സെക്രട്ടറി എം.വി. ജയരാജൻ. നാണുവിനെ കൊന്നവരെ സുധാകരന് അറിയാം. കൊച്ചിയിൽ നടത്തിയ വാർത്താസമ്മേളനത്തിലെ സുധാകരന്‍റെ വാക്കുകളിൽ നിന്ന് ഇത് വ്യക്തമാണെന്നും ജയരാജൻ പറഞ്ഞു.

സേവറി നാണു, നാൽപാടി വാസു വധക്കേസുകളിൽ കുറ്റസമ്മതമാണ് സുധാകരൻ നടത്തിയത്. സേവറി നാണു മരിക്കാനിടയായ ബോംബാക്രമണം ആസൂത്രിതമാണ്. കൊലപാതകങ്ങളിൽ സുധാകരന്‍റെ പങ്ക് ജനം തിരിച്ചറിഞ്ഞതാണ്. പുനരന്വേഷണം നടത്തണമെന്ന നാണുവിന്‍റെ കുടുംബത്തിന്‍റെ ആവശ്യം ന്യായമാണെന്നും ജയരാജൻ വ്യക്തമാക്കി.

സുധാകരന്‍റെ കാലത്ത് ഡി.സി.സി ഒാഫീസ് ബോംബ് നിർമാണശാലയായിരുന്നു. അന്ന് കൊലയാളികൾ ഡി.സി.സി ഒാഫീസിൽ നിന്നാണ് പോയത്. കണ്ണൂർ ഡി.സി.സി ഒാഫീസ് സെക്രട്ടറിയായിരുന്ന പ്രശാന്ത് ബാബുലിന്‍റെ വെളിപ്പെടുത്തൽ നിർണായകമാണെന്നും എം.വി. ജയരാജൻ വാർത്താസമ്മേളനത്തിൽ ചൂണ്ടിക്കാട്ടി.

Show Full Article
TAGS:K. Sudhakaran MV Jayarajan Sevari Nanu Murder Case 
News Summary - K. Sudhakaran confesses; CPM will help get justice - MV Jayarajan
Next Story