ഇടത്​ സ്​ഥാനാർഥികൾക്കെതിരെ ഗുരുതര ആരോപണവുമായി കെ. സുധാകരന്‍

കണ്ണൂർ: കണ്ണൂരി​െല മൂന്നുപഞ്ചായത്തുകളിലെ ഇടതുസ്​ഥാനാർഥികൾക്കെതിരെ ഗുരുതര ആരോപണവുമായി കോൺഗ്രസ്​ നേതാവ്​ കെ. സുധാകരൻ. കഴിഞ്ഞ തെരഞ്ഞെടുപ്പിൽ മൂന്ന്​ കള്ളവോട്ട്​ വരെ ചെയ്​തവരാണ്​ ഇവിടെ സ്​ഥാനാർഥിക​ളെന്ന്​ സുധാകരൻ ആരോപിച്ചു. ഇതിൻെറ ദൃശ്യങ്ങൾ പുറത്തുവിടുമെന്നും കോടതിയെ സമീപിക്കുമെന്നും അദ്ദേഹം വ്യക്​തമാക്കി.

കഴിഞ്ഞ തെരഞ്ഞെടുപ്പില്‍ കള്ളവോട്ട് ചെയ്തവരെല്ലാം ഇന്ന് സ്ഥാനാര്‍ഥികളാണ്. ഒരു വോട്ടല്ല; മൂന്ന് വോട്ടുകള്‍ വരെ ചെയ്​ത ആളുകളാണ് ഇപ്പോള്‍ സ്ഥാനാര്‍ഥികളായി മത്സരിക്കുന്നത്. ഇവരുടെ കൈകളിലേക്ക്​ പഞ്ചായത്ത്​ ഭരണം പോയാലുള്ള അവസ്​ഥ എന്തായിരിക്കും? -സുധാകരൻ വാർത്താ സമ്മേളനത്തിൽ ചോദിച്ചു.

കള്ളവോട്ടും അക്രമവും കാണിക്കാതെ കണ്ണൂരിൽ എൽ.ഡി.എഫിന്​ ജയിക്കാനാവില്ല.​ ഇത്തവണത്തെ തദ്ദേശ തെരഞ്ഞെടുപ്പിലെങ്കിലും കള്ളവോട്ടും അക്രമവും നിർത്തിവെക്കാൻ മുഖ്യമന്ത്രി അണികളോട്​ ആഹ്വാനം ചെയ്യണം. അല്ലെങ്കിൽ അടുത്ത തെരഞ്ഞെടുപ്പിൽ എല്ലാ പാർട്ടിക്കാരെയും ഉൾപ്പെടുത്തി ജനകീയ കർമസേന രൂപവത്​കരിച്ച്​ കള്ളവോട്ടിനെ നേരിടും.

അക്രമത്തിന്‍റെയും അരാജകത്വത്തിന്‍റെയും ഭീതി പരത്തി ആളുകളെ വരുതിക്ക് നിര്‍ത്തിക്കൊണ്ടാണ് ജില്ലയിലെ ഭൂരിഭാഗം തെരഞ്ഞെടുപ്പുകളേയും സി.പി.എം അഭിമുഖീകരിക്കുന്നത്. അക്രമമില്ലാതെ കള്ളവോട്ട് ചെയ്യാതെ തെരഞ്ഞെടുപ്പിനെ നേരിടാന്‍ തന്‍റേടമുണ്ടെങ്കില്‍ പിണറായി വിജയന്‍ അണികളോട് പറയണം.

കള്ളവോട്ട്​ കാരണം ഇന്നു വരെ സ്വന്തമായി വോട്ട് ചെയ്യാന്‍ സാധിക്കാത്തവരുണ്ട്. അത് ഒരു ജനാധിപത്യ സംവിധാനത്തിന്‍റെ ഏറ്റവും പരിതാപകരമായ സാഹചര്യമാണ്. ഭയാനകമായ ഒരു രാഷ്ട്രീയ സംഭവമാണ്. കണ്ണൂരിലല്ലാതെ വേറെ എവിടെയെങ്കിലും ഇതുണ്ടാകുമോ എന്നറിയില്ല. അപമാനത്തിന്‍റെ നീര്‍ച്ചുഴിയിലാണ് കണ്ണൂരിന്‍റെ ജനാധിപത്യമെന്നും കെ. സുധാരന്‍ പറഞ്ഞു.