Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകെ-റെയില്‍: എ.എ....

കെ-റെയില്‍: എ.എ. റഹീമി​‍െൻറ ജമാഅത്ത് വിമര്‍ശം ദുരുദ്ദേശ്യപരം -സോളിഡാരിറ്റി

text_fields
bookmark_border
കെ-റെയില്‍: എ.എ. റഹീമി​‍െൻറ ജമാഅത്ത് വിമര്‍ശം ദുരുദ്ദേശ്യപരം -സോളിഡാരിറ്റി
cancel

കോഴിക്കോട്: ജമാഅത്തെ ഇസ്​ലാമിയാണ്​ കെ. റെയിൽ പദ്ധതിക്ക് എതിരായ നിലപാടുകള്‍ക്ക് നേതൃത്വം നല്‍കുന്നതെന്ന ഡി.വൈ.എഫ്.ഐ സംസ്ഥാന സെക്രട്ടറി എ.എ റഹീമി​‍െൻറ പരാമര്‍ശം എതിര്‍പ്പുകളെ മറികടക്കാനുള്ള കുത്സിത ശ്രമമാണെന്ന്​ സോളിഡാരിറ്റി സംസ്​ഥാന വൈസ് ​പ്രസിഡൻറ് സി.ടി. സുഹൈബ് വാർത്തസമ്മേളനത്തിൽ പറഞ്ഞു. ശാസ്ത്രസാഹിത്യ പരിഷത്ത്, കേരള പരിസ്ഥിതി ഐക്യവേദി, സമരസമിതികള്‍ തുടങ്ങി വിവിധ കോണുകളില്‍നിന്ന് എതിര്‍പ്പുകള്‍ ഉയർന്നിട്ടുണ്ട്. ഇവരൊന്നും ജമാഅത്തുമായി ബന്ധമുള്ളവരല്ല.

റഹീമി​‍െൻറ ആരോപണം കുറച്ചുകാലമായി കേരളത്തില്‍ ഇടതുപക്ഷം വളര്‍ത്തിക്കൊണ്ടുവരുന്ന ധ്രുവീകരണ അജണ്ടയുടെ ഭാഗമാണ്. കെ. റെയിൽ വിഷയത്തിൽ ജമാഅത്തെ ഇസ്​ലാമിയോ സോളിഡാരിറ്റിയോ ഇതുവരെ നിലപാട് പറഞ്ഞിട്ടില്ല എന്നിരിക്കെ ജമാഅത്തിനെ പ്രതിസ്ഥാനത്ത് നിര്‍ത്തിയുള്ള കാമ്പയിന്‍ ദുരുദ്ദേശ്യപരമാണ്.

സര്‍ക്കാറി​െൻറ പരാജയവും കോര്‍പറേറ്റ് താല്‍പര്യവും മറച്ചുവെക്കാന്‍ സംഘ്പരിവാറിനെ തോല്‍പിക്കുന്നതരത്തില്‍ കേരളത്തില്‍ മുസ്​ലിം വിരുദ്ധത പ്രചരിപ്പിക്കുകയാണ്​ യുവജന നേതാവ്. ഈ യാഥാര്‍ഥ്യം തിരിച്ചറിഞ്ഞ് പൊതുസമൂഹം പ്രതികരിക്കണമെന്നും സോളിഡാരിറ്റി ആവശ്യപ്പെട്ടു. വാർത്തസമ്മേളനത്തിൽ സംസ്ഥാന സെക്രട്ടറിമാരായ ഒ.കെ. ഫാരിസ്, സി.കെ. ഷബീര്‍ എന്നിവരും പ​ങ്കെടുത്തു.

Show Full Article
TAGS:KRail AA Rahim jamaat e islami kerala 
News Summary - K-Rail: AA Rahim's Jamaat Criticism Malicious - Solidarity
Next Story