കെ-ഫോൺ: പ്രതീക്ഷിച്ച വേഗമില്ലെന്ന്​ എ.ജി

തി​രു​വ​ന​ന്ത​പു​രം: കെ-​ഫോ​ൺ പ​ദ്ധ​തി പ്ര​തീ​ക്ഷി​ച്ച വേ​ഗം കൈ​വ​രി​ച്ചി​ല്ലെ​ന്ന്​ അ​ക്കൗ​ണ്ടന്റ് ജ​ന​റ​ലി​ന്റെ (എ.​ജി) വി​മ​ർ​ശ​നം. ഇ​ക്കാ​ര്യ​ത്തി​ൽ കെ-​ഫോ​ണി​നോ​ട്​ വി​ശ​ദീ​ക​ര​ണ​വും തേ​ടി​യി​ട്ടു​ണ്ട്. ബെ​ൽ ക​ൺ​സോ​ർ​ട്യ​ത്തി​ന്​ 109 കോ​ടി മു​ൻ​കൂ​ർ അ​നു​വ​ദി​ച്ച​തി​ൽ പ​ലി​ശ​യി​ന​ത്തി​ൽ സ​ർ​ക്കാ​റി​ന്​ 36 കോ​ടി​യു​ടെ ന​ഷ്ട​മു​ണ്ടാ​യെ​ന്ന ക​ണ്ടെ​ത്ത​ലി​ന്​ പി​ന്നാ​​ലെ​യാ​ണ്​ അ​ടു​ത്ത വി​മ​ർ​ശ​നം.

പ​ദ്ധ​തി​യു​ടെ മെ​ല്ലെ​പ്പോ​ക്കി​നും മോ​ശം പ്ര​ക​ട​ന​ത്തി​നും കാ​ര​ണം ക​രാ​ർ ക​മ്പ​നി​യു​ടെ വീ​ഴ്ച​ക​ളാ​ണെ​ന്നും എ.​ജി നി​രീ​ക്ഷി​ക്കു​ന്നു. കെ- ​ഫോ​ൺ സ​ർ​ക്കാ​റി​ന്റേ​താ​ണെ​ങ്കി​ലും ​സ​ർ​വി​സ്​ മു​ഴു​വ​നും സ്വ​കാ​ര്യ ക​മ്പ​നി​ക​ൾ​ക്കാ​ണ്. സ്വ​കാ​ര്യ ക​മ്പ​നി​ക്ക് കെ-​ഫോ​ൺ ന​ൽ​കി​യി​ട്ടു​ള്ള​ത് വി​പു​ല​മാ​യ അ​ധി​കാ​ര​ങ്ങ​ളു​മാ​ണ്.

പ​ദ്ധ​തി ന​ട​ത്തി​പ്പി​ന്റെ ചു​മ​ത​ല​യു​ള്ള പൊ​തു​മേ​ഖ​ല സ്ഥാ​പ​ന​മാ​യ ഭാ​ര​ത് ഇ​ല​ട്രോ​ണി​ക്സ് ഈ ​വ​ർ​ഷം ജ​നു​വ​രി 18 ന് ​ന​ട​ത്തി​യ അ​വ​ലോ​ക​ന യോ​ഗ​ത്തി​ലാ​ണ് വീ​ഴ്ച​ക​ൾ എ​ണ്ണി​പ്പ​റ​യു​ന്ന​ത്. 2022 ഡി​സം​ബ​റി​ൽ കെ- ​ഫോ​ൺ കൈ​വ​രി​ക്കേ​ണ്ട ല​ക്ഷ്യ​ങ്ങ​ളൊ​ന്നും നേ​ടാ​ൻ ക​ഴി​ഞ്ഞി​ട്ടി​ല്ല. 339 കി​ലോ​മീ​റ്റ​റി​ൽ ഇ​ടേ​ണ്ടി​യി​രു​ന്ന എ.​ഡി.​എ​സ്.​എ​സ്​ കേ​ബി​ളി​ട്ട​ത് 219 കി​ലോ​മീ​റ്റ​റി​ൽ മാ​ത്ര​മാ​ണ്. വീ​ഴ്ച​ക​ൾ പ്ര​ക​ട​മാ​ണെ​ന്നി​രി​ക്കെ വ​സ്തു​ത​ക​ളും വി​വ​ര​ങ്ങ​ളും ഉ​ൾ​പ്പെ​ടു​ത്തി ഇ​ക്കാ​ര്യ​ത്തി​ൽ വി​ശ​ദീ​ക​ര​ണം ന​ൽ​ക​ണ​മെ​ന്നാ​ണ്​ എ.​ജി​യു​ടെ നി​ർ​ദേ​ശം.

പ​ദ്ധ​തി ന​ട​ത്തി​പ്പി​ന് 1351 കോ​ടി രൂ​പ​യു​ടെ ക​രാ​റാ​ണ് ഉ​റ​പ്പി​ച്ച​ത്. ഇ​തി​ൽ​നി​ന്ന് പ​ത്തു​ശ​ത​മാ​നം തു​ക മൊ​ബി​ലൈ​സേ​ഷ​ൻ അ​ഡ്വാ​ൻ​സാ​യി ബെ​ൽ ക​ൺ​സോ​ർ​ട്യ​ത്തി​ന്​ ന​ൽ​കി​യ​താ​യി​രു​ന്നു നേ​ര​ത്തേ എ.​ജി 36 കോ​ടി​യു​ടെ ന​ഷ്ട​കാ​ര​ണ​മാ​യി ചൂ​ണ്ടി​ക്കാ​ട്ടി​യ​ത്. 2013ലെ ​സ്റ്റോ​ർ പ​ർ​ച്ചേ​സ് മാ​ന്വ​ല​നു​സ​രി​ച്ച് മൊ​ബി​ലൈ​സേ​ഷ​ൻ അ​ഡ്വാ​ൻ​സ് പ​ലി​ശ​യു​ള്ള തു​ക​യാ​ണ്.

പ​ലി​ശ ഒ​ഴി​വാ​ക്കി​ന​ൽ​ക​ണ​മെ​ങ്കി​ൽ, ക​രാ​ർ ന​ൽ​കി​യ സ്ഥാ​പ​ന​ത്തി​ന്റെ ബോ​ർ​ഡ് യോ​ഗ​ത്തി​ന്റെ അ​നു​മ​തി വേ​ണ​മെ​ന്നാ​ണ് സെ​ൻ​ട്ര​ൽ വി​ജി​ല​ൻ​സ് ക​മീ​ഷ​ന്റെ വ്യ​വ​സ്ഥ. കെ-​ഫോ​ണി​ന്റെ ടെ​ൻ​ഡ​റി​ലാ​ക​ട്ടെ മൊ​ബി​ലൈ​സേ​ഷ​ൻ അ​ഡ്വാ​ൻ​സി​നെ​ക്കു​റി​ച്ച് പ​റ​ഞ്ഞി​രു​ന്നു​മി​ല്ല. തു​ക ഇ​തു​വ​രെ തി​രി​ച്ചു​പി​ടി​ച്ചി​ല്ലെ​ന്നും ജൂ​ൺ എ​ട്ടി​ന് കെ.​എ​സ്.​ടി.​ഐ.​എ​ല്ലി​ന് ന​ൽ​കി​യ ക​ത്തി​ൽ എ.​ജി ചൂ​ണ്ടി​ക്കാ​ട്ടി​യി​ട്ടു​ണ്ട്. മൊ​ബി​ലൈ​സേ​ഷ​ൻ അ​ഡ്വാ​ൻ​സ് ന​ൽ​കു​ന്നെ​ങ്കി​ൽ, തു​ക​യു​ടെ 110 ശ​ത​മാ​നം ബാ​ങ്ക് ഗാ​ര​ന്റി വേ​ണ​മെ​ന്ന വി​ജി​ല​ൻ​സ് ക​മീ​ഷ​ൻ നി​ർ​ദേ​ശം പാ​ലി​ച്ചി​ല്ലെ​ന്നും ചൂ​ണ്ടി​ക്കാ​ട്ടി​യി​ട്ടു​ണ്ട്.