കെ.എന്‍ രാമചന്ദ്രനെ വിട്ടയച്ചു

കൊൽക്കത്ത: സി.പി.ഐ.എം.എല്‍ റെഡ്സ്റ്റാര്‍ ജനറല്‍ സെക്രട്ടറി കെ.എന്‍ രാമചന്ദ്രനെ വിട്ടയച്ചു. കേന്ദ്ര ഇൻറലിജൻസി​​െൻറ കസ്​റ്റഡിയിലായിരുന്ന രാമചന്ദ്രനെ പശ്​ചിമ ബംഗാൾ അതിർത്തി കടത്തിവിട്ടു. നിലവിൽ പശ്​ചിമ ബംഗാളിൽ നിർത്താനാകില്ലെന്ന നിർദേശത്തെ തുടർന്നാണ്​ അതിർത്തി കടത്തിയത്​. ബംഗാളിലെ കര്‍ഷക പ്രക്ഷോഭത്തില്‍ പങ്കെടുക്കാന്‍ പോയ രാമചന്ദ്രൻ ഇന്നലെ വൈകിട്ട്​ കൊല്‍ക്കത്ത റെയില്‍വെ സ്റ്റേഷനില്‍  ഇറങ്ങിയെങ്കിലും പിന്നീട് കാണാതാവുകയായിരുന്നു.

കെ.എന്‍ രാമചന്ദ്രനെ കാണാനില്ല എന്നുകാട്ടി സി.പി.ഐ.എം.എല്‍ റെഡ്സ്റ്റാര്‍ പശ്ചിമ ബംഗാള്‍ സംസ്ഥാന കമ്മിറ്റിയും നോട്ടീസ് പുറത്തിറക്കിയിരുന്നു. കഴിഞ്ഞ ദിവസം ഭംഗോറിലെ ഭൂമി ഒഴിപ്പിക്കലിനിടെയുണ്ടായ സംഘർഷത്തിൽ വെടിയേറ്റ്​ മരിച്ച രണ്ടുപേരെ സ്ഥലം സന്ദര്‍ശിക്കാനും രക്തസാക്ഷികളുടെ കുടുംബങ്ങളെ കാണാനും എത്തിയതായിരുന്നു കെ.എന്‍ രാമചന്ദ്രന്‍. സി.പി. ഐ ( എം. എല്‍) റെഡ് സ്റ്റാര്‍ അഖിലേന്ത്യാ സെക്രട്ടറിയും കോട്ടയം സ്വദേശിയുമാണ് ഇദ്ദേഹം.