ഗവർണർ വിളിച്ചപ്പോൾ ഇരട്ടച്ചങ്ക​െൻറ ധൈര്യം ചോർന്നു -കെ. മുരളീധരൻ

തിരുവനന്തപുരം: സംസ്ഥാനത്ത്​ നടക്കുന്ന അക്രമസംഭവങ്ങളുമായി ബന്ധപ്പെട്ട് ഗവർണർ വിളിച്ചപ്പോൾ ഇരട്ടച്ചങ്ക​​െൻറ ധൈര്യം ചോർന്നുപോയെന്ന്​ കെ. മുരളീധരന്‍ എം.എൽ.എ. കേന്ദ്ര ആഭ്യന്തരമന്ത്രിയുടെയും ഗവർണറുടെയും ഫോൺ കാളിൽ മുട്ടുവിറച്ച മുഖ്യമന്ത്രി എങ്ങനെ ന്യൂനപക്ഷങ്ങളെ സംരക്ഷിക്കുമെന്നും മുരളീധരൻ പരിഹസിച്ചു. സി.പി.എം^-ബി.ജെ.പി അക്രമരാഷ്​ട്രീയത്തിനെതിരെ കെ.പി.സി.സി ആസ്​ഥാനത്ത്​ യു.ഡി.എഫ് സംഘടിപ്പിച്ച പ്രാർഥനാ യജ്​ഞത്തിൽ  സംസാരിക്കുകയായിരുന്നു അദ്ദേഹം.

സി.പി.എമ്മും ബി.ജെ.പിയും പരസ്​പരം സഹകരണ സംഘങ്ങളെപ്പോലെയാണ്​ കേരളത്തിൽ പ്രവർത്തിക്കുന്നത്​. എ.കെ.ജി  സ​െൻററിൽ പ്യൂൺമാരോട്​ സംസാരിക്കുന്നതുപോലെയാണ്​ പിണറായി വിജയൻ മാധ്യമപ്രവർത്തകരോട്​ സംസാരിക്കുന്നത്​. പാർട്ടി സെക്രട്ടറിയല്ലെന്ന്​ പിണറായി വിജയൻ ഒാർക്കുന്നത്​ നന്നായിരിക്കും. നിരോധനാജ്ഞ നീട്ടിക്കൊണ്ടുപോയാൽ ഞങ്ങളത്​ ലംഘിക്കും. പാർട്ടി  യോഗങ്ങളും പ്രതിഷേധ പരിപാടികളും സംഘടിപ്പിക്കേണ്ടതുണ്ടെന്നും മുരളീധരൻ ചൂണ്ടിക്കാട്ടി.