പാർട്ടി കോടതിയുണ്ടെങ്കിൽ ‘മാഡ’ത്തിന് എന്താണ് ജോലി; ജോ​സ​ഫൈ​നോട് കെ. മുരളീധരൻ

കോഴിക്കോട്: പാ​ർ​ട്ടി ഒ​രേ​സ​മ​യം കോ​ട​തി​യും പൊ​ലീ​സ് സ്​​റ്റേ​ഷ​നു​മാ​ണെ​ന്ന കേ​ര​ള വ​നി​താ ക​മീ​ഷ​ൻ അ​ധ്യ​ക്ഷ എം.​സി. ജോ​സ​ഫൈ​ന്‍റെ പ്രസ്താവനയെ രൂക്ഷമായി വിമർശിച്ച് കോൺഗ്രസ് നേതാവ് കെ. മുരളീധരൻ എം.പി. ജോ​സ​ഫൈ​ന്‍ പറഞ്ഞത് പോലെയാണെങ്കിൽ മാഡത്തിന് എന്താണ് ജോലിയെന്ന് മുരളീധരൻ ചോദിച്ചു. ഇത്രയും ശമ്പളവും വാങ്ങി ഒരു വനിത കമീഷന്‍റെ ആവശ്യമുണ്ടോ? മുമ്പ് വി.എസ് അച്യു‌‌‌താനന്ദന്‍റെ സ്വന്തം ആളായിരുന്നു. ഇപ്പോ മുഖ്യമന്ത്രിയോട് സ്നേഹക്കൂടുതലുണ്ടെന്നും മുരളീധരൻ ചൂണ്ടിക്കാട്ടി.
            
അവർ ഇതുവരെ എത്ര തെരഞ്ഞെടുപ്പിൽ മത്സരിച്ചുവെന്നു ചോദിച്ചാൽ പെട്ടെന്ന് ഓർമ വരില്ല. പക്ഷേ എത്ര തെരഞ്ഞെടുപ്പ് ജയിച്ചു എന്നു ചോദിച്ചാൽ കൃത്യമായ ഓർമ കാണും. ഒറ്റ തെരഞ്ഞെടുപ്പ് പോലും ജയിക്കാൻ കഴിയാത്തയാളെ ഉന്നതസ്ഥാനത്ത് ശമ്പളവും കൊടുത്ത് പിടിച്ചിരുത്തുമ്പോൾ അതിനു വേണ്ടത്ര സോപ്പിടുന്നതു മനസിലാക്കാം. സോപ്പിട്ടോ, പക്ഷേ വല്ലാതെ പതപ്പിക്കരുതെന്നും കെ. മുരളീധരൻ പറഞ്ഞു.

ചൈന അടക്കമുള്ള കമ്യൂണിസ്റ്റ് രാഷ്ട്രങ്ങൾ ജനാധിപത്യത്തിലേക്ക് കടന്നുവരുന്ന കാലമാണിത്. അപ്പോഴാണ് ഉന്നതസ്ഥാനത്തിരിക്കുന്ന പൊതുപ്രവർത്തക ഇത്തരമൊരു പ്രസ്താവന നടത്തുന്നത്. ഇതാണ് നിലപാടെങ്കിൽ വനിത കമീഷന്‍റെ പല നടപടികളും ചോദ്യം ചെയ്യപ്പെടും.

കേന്ദ്ര വനിത കമീഷൻ ബി.ജെ.പിയുടെ ചട്ടുകമാണ്. സംസ്ഥാനത്തും ഇതേതരത്തിലേക്ക് മാറുകയാണ്. ഇതുപോലെയാണ് പ്രവർത്തനങ്ങളെങ്കിൽ കമീഷൻ, വനിതാ വിരുദ്ധ കമീഷനായി മാറും. തെറ്റുപറ്റിയെന്നും നാക്കുപിഴയാണെന്നും തുറന്നു പറയാൻ ജോസഫൈൻ തയാറാവണം. അല്ലെങ്കിൽ ധാർ‍മിക ഉത്തരവാദിത്തം ഏറ്റെടുത്ത് സ്ഥാനമൊഴിയണം. ഇത്തരം ജൽപനങ്ങൾ നടത്തുന്നവരെ നിയന്ത്രിക്കാൻ മുഖ്യമന്ത്രി മുൻകൈ എടുക്കണമെന്നും മുരളീധരൻ വാർത്താസമ്മേളനത്തിൽ ആവശ്യപ്പെട്ടു.

ത​​ന്‍റെ പാ​ർ​ട്ടി​ക്ക് (സി.​പി.​എം) സ്വ​ന്ത​മാ​യി കോ​ട​തി സം​വി​ധാ​ന​മു​ണ്ടെ​ന്നും പാ​ർ​ട്ടി ഒ​രേ​സ​മ​യം കോ​ട​തി​യും പൊ​ലീ​സ് സ്​​റ്റേ​ഷ​നു​മാ​ണെ​ന്ന എം.​സി. ജോ​സ​ഫൈ​ന്‍റെ പ്രതികരണമാണ് വിവാദമായത്. സി.​പി.​എം പാ​ല​ക്കാ​ട്​ ജി​ല്ല സെ​ക്ര​േ​ട്ട​റി​യ​റ്റം​ഗ​വും എം.​എ​ൽ.​എ​യു​മാ​യ പി.​കെ. ശ​ശിക്കെ​തി​രാ​യ പീ​ഡ​ന​പ​രാ​തി​യെ​ക്കു​റി​ച്ച് പ്ര​തി​ക​രി​ക്ക​വെ​യാ​യി​രു​ന്നു വ​നി​താ ക​മീ​ഷ​ൻ അ​ധ്യ​ക്ഷ​യു​ടെ പ​ര​സ്യ​പ്ര​സ്താവന. 

താ​ൻ വ​നി​താ ക​മീ​ഷ​നം​ഗ​മാ​ണെ​ങ്കി​ലും സി.​പി.​എ​മ്മി​ലൂ​ടെ വ​ള​ർ​ന്നു​വ​ന്ന​യാ​ളാ​ണ്. എ​ല്ലാ​ത്തി​നും രാ​ഷ്​​ട്രീ​യ​നി​റം കൊ​ടു​ക്ക​രു​ത്. പാ​ർ​ട്ടി അ​ന്വേ​ഷി​ക്ക​ട്ടെ എ​ന്ന് പ​രാ​തി​ക്കാ​ർ പ​റ​ഞ്ഞാ​ൽ പി​ന്നെ വ​നി​താ ക​മീ​ഷ​ൻ അ​ന്വേ​ഷി​ക്കേ​ണ്ട കാ​ര്യ​മി​ല്ല. പി.​കെ. ശ​ശി​ക്കെ​തി​രെ വ​നി​താ ക​മീ​ഷ​ൻ കേ​സെ​ടു​ത്തെ​ങ്കി​ലും പ​രാ​തി​ക്കാ​രി​യു​ടെ കു​ടും​ബം പാ​ർ​ട്ടി​യു​ടെ അ​ന്വേ​ഷ​ണം മ​തി​യെ​ന്ന നി​ല​പാ​ടാ​ണ് സ്വീ​ക​രി​ച്ച​തെ​ന്നും ജോ​സ​ഫൈ​ൻ പറഞ്ഞിരുന്നു.