മൃദുഹിന്ദുത്വം എന്നൊന്നില്ല; അത്തരം ചർച്ചകൾ നടത്തുന്നത് സി.പി.എം -കെ. മുരളീധരൻ

തിരുവനന്തപുരം: ന്യൂനപക്ഷത്തോടൊപ്പം ഭൂരിപക്ഷ സമുദായത്തെയും ഒപ്പം നിർത്തണമെന്ന കോൺഗ്രസ് മുതിർന്ന നേതാവ് എ.കെ. ആന്‍റണിയുടെ പ്രസ്താവനയെ പിന്തുണച്ച് കെ. മുരളീധരൻ എം.പി. മൃദുഹിന്ദുത്വം എന്നൊന്നില്ല. രാഹുൽ ഗാന്ധി ക്ഷേത്രങ്ങളിൽ പോകുന്നതിനെ തെറ്റായി വ്യാഖ്യാനിക്കുന്നത് ഹിന്ദുത്വത്തെ ബി.ജെ.പിക്ക് വിട്ടു കൊടുക്കുന്നതിന് തുല്യമാണെന്നും മുരളീധരൻ പറഞ്ഞു.

അത്തരം ചർച്ചകൾ കേരളത്തിൽ ഉണ്ടാക്കുന്നത് സി.പി.എം ആണ്. ന്യൂനപക്ഷ പ്രീണനം, മൃദുഹിന്ദുത്വം എന്നീ വാക്കുകൾ യാഥാർഥ്യങ്ങൾക്ക് നിരക്കാത്തതാണ്. മൃദുഹിന്ദുത്വം എന്ന വിമർശനം ഒരിക്കൽ പോലും മുസ് ലിം ലീഗ് നടത്തിയിട്ടില്ലെന്നും കെ. മുരളീധരൻ വ്യക്തമാക്കി.

ഇ.പി ജയരാജനെതിരായ അനധികൃത സ്വത്ത് സമ്പാദന ആരോപണങ്ങളിൽ അന്വേഷണം വേണമെന്ന് കെ. മുരളീധരൻ ആവശ്യപ്പെട്ടു. സി.പി.എമ്മിലെ തർക്കമായി ആരോപണത്തെ കാണാൻ സാധിക്കില്ല. ജയരാജൻ മന്ത്രിസ്ഥാനം ദുരുപയോഗം ചെയ്തെന്നും മുരളീധരൻ ആരോപിച്ചു.

വി​ശ്വാ​സി​ക​ൾ അ​മ്പ​ല​ത്തി​ല്‍ പോ​യാ​ലും തി​ല​ക​ക്കു​റി ചാ​ര്‍ത്തി​യാ​ലും മൃ​ദു​ഹി​ന്ദു​ത്വ​മെ​ന്ന്​ വി​ശേ​ഷി​പ്പി​ച്ചാ​ൽ അ​തു​ ന​രേ​ന്ദ്ര മോ​ദി​യെ സ​ഹാ​യി​ക്കു​ന്ന​താ​യി​രി​ക്കു​മെ​ന്നാണ് എ.​കെ. ആ​ന്‍റ​ണി പറഞ്ഞത്. കോ​ണ്‍ഗ്ര​സി​ന്‍റെ 138-ാം സ്ഥാ​പ​ക ദി​നാ​ഘോ​ഷം കെ.​പി.​സി.​സി ആ​സ്ഥാ​ന​ത്ത് ഉ​ദ്ഘാ​ട​നം ചെ​യ്യവെ​യാണ് ആന്‍റണിയുടെ പരാമർശം. ഭൂ​രി​പ​ക്ഷ, ന്യൂ​ന​പ​ക്ഷ സ​മു​ദാ​യ​ങ്ങ​ളെ ഒ​പ്പം നി​ര്‍ത്തി​യെ​ങ്കി​ല്‍ മാ​ത്ര​മേ വ​രു​ന്ന തെ​ര​ഞ്ഞെ​ടു​പ്പി​ല്‍ മോ​ദി​യെ അ​ധി​കാ​ര​ത്തി​ല്‍ നി​ന്ന് താ​ഴെ​യി​റ​ക്കാ​ന്‍ ക​ഴി​യു​ക​യു​ള്ളൂ​വെ​ന്നും അ​ദ്ദേ​ഹം​ ചൂണ്ടിക്കാട്ടി.

ബി.​ജെ.​പി വീ​ണ്ടും അ​ധി​കാ​ര​ത്തി​ലെ​ത്തി​യാ​ല്‍ ഭ​ര​ണ​ഘ​ട​ന ​ത​ന്നെ ഇ​ല്ലാ​താ​ക്കു​ക​യും രാ​ജ്യ​ത്തി​ന്‍റെ അ​ഖ​ണ്ഡ​ത​യും ബ​ഹു​സ്വ​ര​ത​യും ത​ക​ര്‍ക്കു​ക​യും ചെ​യ്യും. മ​ത​ത്തി​ന്‍റെ പേ​രി​ല്‍ ജ​ന​ങ്ങ​ളെ ഭി​ന്നി​പ്പി​ച്ച ബ്ര​ട്ടീ​ഷു​കാ​രു​ടെ അ​തേ ത​ന്ത്ര​മാ​ണ് ബി.​ജെ.​പി​യും പ​യ​റ്റു​ന്ന​ത്. ഈ ​ഘ​ട്ട​ത്തി​ൽ പൈ​തൃ​കം മാ​ത്രം പ​റ​ഞ്ഞ്​ കോ​ൺ​ഗ്ര​സി​ന്​ മു​ന്നോ​ട്ടു​പോ​യി​ട്ട്​ കാ​ര്യ​മി​ല്ല. സ​മൂ​ഹ​ത്തി​ലെ വി​വി​ധ വി​ഭാ​ഗ​ങ്ങ​ളി​ലെ ജ​ന​ങ്ങ​ളു​ടെ സ്വ​പ്ന​ങ്ങ​ൾ യാ​ഥാ​ർ​ഥ്യ​വ​ത്​​ക​രി​ക്കു​ന്ന വി​ധം പാ​ർ​ട്ടി മാ​റ​ണ​മെ​ന്നും ആ​ന്‍റ​ണി ചൂണ്ടിക്കാട്ടിയിരുന്നു.