നേമത്ത്​ ശിവൻകുട്ടി അറിയാതെ സി.പി.എം-ബി.ജെ.പി സഖ്യം -കെ.മുരളീധരൻ

തിരുവനന്തപുരം: ത്രികോണ മത്സരം അ​രങ്ങേറുന്ന നേമം മണ്ഡലത്തിൽ സി.പി.എം-ബി.ജെ.പി രഹസ്യ ബന്ധമാരോപിച്ച്​ യു.ഡി.എഫ്​ സ്ഥാനാർഥി കെ.മുരളീധരൻ. എൽ.ഡി.എഫ്​ സ്ഥാനാർഥി ശിവൻകുട്ടി അറിയാതെയാണ്​ മാർകിസ്​റ്റ്​-ബി.ജെ.പി (മാ-ബി) ബന്ധമെന്നും മുരളീധരൻ പറഞ്ഞു.

ഇതിന്​ പകരമായി വട്ടിയൂർക്കാവിലും കഴക്കൂട്ടത്തും ബി.ജെ.പി സി.പി.എമ്മിനെ സഹായിക്കുമെന്നും മുരളീധരൻ മാധ്യമങ്ങളോട്​ പറഞ്ഞു. കോൺഗ്രസ്​ പ്രവർത്തകർ ബൂത്ത്​ തലം മുതൽ ഒറ്റക്കെട്ടാണെന്നും രാഹുൽ ഗാന്ധിയുടെ പ്രശംസ പ്രചോദനമായെന്നും മുരളീധരൻ പറഞ്ഞു.