നാടൻ ഭക്ഷണം, നിലവാരമുള്ള താമസം... കെ ഹോംസ് ആദ്യം നടപ്പാക്കുക നാല് സ്ഥലങ്ങളിൽ

തിരുവനന്തപുരം: സം​സ്ഥാ​ന സ​ർ​ക്കാ​ർ ബ​ജ​റ്റി​ൽ പ്ര​ഖ്യാ​പി​ച്ച​ കെ-​ഹോം​സ്​ ആദ്യം നടപ്പാക്കുക കേരളത്തിലെ പ്രധാന നാലു വിനോദ സഞ്ചാര കേന്ദ്രങ്ങളിൽ. കോവളം, കുമരകം, മൂന്നാര്‍, ഫോര്‍ട്ട്‌ കൊച്ചി എന്നീ കേന്ദ്രങ്ങളിലായിരിക്കും പദ്ധതി ആദ്യം നടപ്പാക്കുക.

ഈ നാല് കേന്ദ്രങ്ങളുടെയും 10 കി.മി ചുറ്റളവിലാണ് കെ-ഹോംസ് പദ്ധതി ആദ്യം നടപ്പാക്കുന്നത്. പ്രാ​രം​ഭ​ചെ​ല​വു​ക​ൾ​ക്ക്​ അ​ഞ്ചു​കോ​ടി​യാ​ണ്​ വ​ക​യി​രു​ത്തി​യ​ത്. സ​ഞ്ചാ​രി​ക​ൾ​ക്ക്​ മി​ത​മാ​യ നി​ര​ക്കി​ൽ താ​മ​സ​സൗ​ക​ര്യവും ഒ​രു​ക്കു​ക​യാ​ണ്​ പ​ദ്ധ​തി ല​ക്ഷ്യം. ​നിലവാരമുള്ള താമസവും നാടൻ ഭക്ഷണവുമാണ് പ്രധാന ആകർഷണം.

ഹോം​സ്​​റ്റേ ആ​രം​ഭി​ക്കു​ന്ന​തോ​ടെ വീ​ടു​ക​ളു​ടെ പ​രി​പാ​ല​ന​ത്തോ​ടൊ​പ്പം വീ​ട്ടു​കാ​ർ​ക്ക്​ വ​രു​മാ​ന​വു​മാ​വും. പെ​രു​കി​ക്കൊ​ണ്ടി​രി​ക്കു​ന്ന അ​ന​ധി​കൃ​ത ഹോം​സ്​​റ്റേ​ക​ൾ​ക്ക്​ ത​ട​യി​ടാ​ൻ കെ ഹോംസിന് ക​ഴി​​ഞ്ഞേ​ക്കും.

ആള്‍ത്താമസമില്ലാത്ത നല്ല സൗകര്യങ്ങളുള്ള വീടുകളാണ് ഇതിനായി ഉപയോഗിക്കുകയെന്ന് മന്ത്രി മുഹമ്മദ് റിയാസ് പറഞ്ഞു. 2,22,46,989 സഞ്ചാരികളാണ് 2024 ല്‍ കേരളത്തിലെത്തിയെന്നും ഇത് കോവിഡ് കാലത്തിനു മുമ്പുള്ളതിനേക്കാള്‍ 21 ശതമാനം വര്‍ധനവാണ്. മലബാറിലെ ടൂറിസം കേന്ദ്രങ്ങള്‍ക്ക് നല്‍കിയ പ്രാധാന്യവും ഈ നേട്ടത്തിന് പിന്നിലുണ്ടെന്നും മന്ത്രി അറിയിച്ചു.

തിരക്കേറിയ സ്ഥലങ്ങളിലേക്ക് പോകാന്‍ പലരും ഇപ്പോൾ താല്പര്യപ്പെടുന്നില്ല. തിരക്കില്ലാത്ത കേന്ദ്രങ്ങള്‍ക്കാണ് പലരും മുന്‍ഗണന നല്‍കുന്നത്. അതിനാൽ അറിയപ്പെടാത്ത ടൂറിസം സാധ്യതകള്‍ കണ്ടെത്തുന്നതിനായി തദ്ദേശ സ്വയംഭരണ സ്ഥാപനങ്ങളെ ഉള്‍പ്പെടുത്തി ഡെസ്റ്റിനേഷന്‍ ചലഞ്ച് ടൂറിസം വകുപ്പ് സംഘടിപ്പിച്ചു. ഇതിന്റെ ഭാഗമായി 40 കേന്ദ്രങ്ങള്‍ തെരഞ്ഞെടുക്കപ്പെട്ടുവെന്നും മന്ത്രി പറഞ്ഞു.