Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകാസ്റ്റിങ് കൗച്ച്,...

കാസ്റ്റിങ് കൗച്ച്, വിവേചനം; സിനിമ മേഖലയിലെ സ്​ത്രീകളുടെ പ്രശ്നങ്ങൾ തുറന്നുകാട്ടി ഹേമ കമീഷൻ

text_fields
bookmark_border
കാസ്റ്റിങ് കൗച്ച്, വിവേചനം; സിനിമ മേഖലയിലെ സ്​ത്രീകളുടെ പ്രശ്നങ്ങൾ തുറന്നുകാട്ടി ഹേമ കമീഷൻ
cancel

തിരുവനന്തപുരം: സിനിമ മേഖലയിൽ സ്​ത്രീകൾ​ വിവേചനം നേരിടുന്നതായി ജസ്​റ്റിസ്​ കെ. ഹേമ കമീഷൻ​. സ്​ത്രീകൾക്ക്​ വേതനത്തിലും അവസരങ്ങളിലും വിവേചനവും അപ്രഖ്യാപിത വിലക്കും നിലനിൽക്കുന്നു. സിനിമ മേഖലയിലെ പ്രശ്​നങ്ങൾ പരിഹരിക്കാൻ ട്രൈബ്യൂണൽ സ്​ഥാപിക്കണമെന്നും ശക്തമായ നിയമം കൊണ്ടുവരണമെന്നും കമീഷൻ ശിപാർശ ചെയ്​തു. ജ. ഹേമക്ക്​ പുറമെ നടി ടി. ശാരദ, റവന്യൂ മുൻ സെക്രട്ടറി കെ.ബി. വത്സലകുമാരി എന്നിവരടങ്ങിയ കമീഷൻ റിപ്പോർട്ട്​ മുഖ്യമന്ത്രി പിണറായി വിജയന്​ സമർപ്പിച്ചു. 300 പേജുള്ള റിപ്പോർട്ടിനൊപ്പം ഒാഡിയോ ക്ലിപ്പ്​, പെൻഡ്രൈവ്​, വാട്ട്സ്​​ആപ്​ സന്ദേശം അടക്കം ചില ​ഡിജിറ്റൽ തെളിവുകളും കൈമാറി.

അവസരത്തിന്​ കിടപ്പറ പങ്കിടാൻ ആവശ്യപ്പെട്ടുവെന്നതടക്കം വെളിപ്പെടുത്തൽ കമീഷൻ മുമ്പാകെ ചിലർ നടത്തി. ഇൗ രംഗത്ത്​ കടന്നുവരുന്ന സ്ത്രീകള്‍ ലൈംഗിക പീഡനത്തിനിരയാകുന്ന അനുഭവങ്ങൾ തെളിവ്​ സഹിതം റിപ്പോര്‍ട്ട്​ വ്യക്തമാക്കുന്നു. മലയാള സിനിമ വ്യവസായത്തില്‍ കാസ്​റ്റിങ്​ കൗച്ച് ഉണ്ട്. ചലച്ചിത്രമേഖലകളില്‍ എത്തിപ്പെടുന്നതിന് പലപ്പോഴും ലൈംഗിക ആവശ്യങ്ങള്‍ നിറവേറ്റിക്കൊടുക്കേണ്ട ദുരനുഭവങ്ങളുണ്ടായവരുമുണ്ട്. ഇവർ പലപ്പോഴും പൊലീസില്‍ പരാതിപ്പെടാറില്ല. ചിത്രീകരണസ്ഥലങ്ങളില്‍ സ്ത്രീകള്‍ മനുഷ്യാവകാശ ലംഘനങ്ങൾ​ നേരിടുന്നു. ശുചിമുറി, വസ്ത്രം മാറ്റാനുള്ള ഇടം തുടങ്ങിയവയുടെ അഭാവമുണ്ട്​. സൈബര്‍ ഇടങ്ങളിലും സൈബര്‍ മാര്‍ഗങ്ങള്‍ ഉപയോഗിച്ചും അക്രമങ്ങള്‍ ഉണ്ടാകുന്നു. അശ്ലീല പദപ്രയോഗങ്ങൾ ഉണ്ടാകുന്നതായും റിപ്പോര്‍ട്ടില്‍ ചൂണ്ടിക്കാട്ടുന്നു.

സിനിമാ മേഖലയിൽ സ്​ത്രീകൾ മാത്രമല്ല പുരുഷന്മാരും പ്രശ്​നങ്ങൾ നേരിടുന്നുണ്ട്​. ഇവയെല്ലാം പരിഹരിക്കാൻ ജില്ല ജഡ്​ജിയുടെ നേതൃത്വത്തിൽ ​ട്രൈബ്യൂണൽ സ്​ഥാപിക്കണം. നിയന്ത്രണങ്ങള്‍ പാലിക്കാത്തവര്‍ക്കും കുറ്റം ചെയ്യുന്നവര്‍ക്കും പിഴ ചുമത്തുന്നതിനും വ്യവസായത്തില്‍നിന്ന്​ വിലക്കുകള്‍ ഉള്‍പ്പെടെ ഏര്‍പ്പെടുത്തുന്നതിനും നടപടി വേണം.
നടി അക്രമിക്കപ്പെട്ടതിന്​ പിന്നാലെ ഡബ്ല്യു.സി.സി സംഘടന മുഖ്യമന്ത്രിക്ക്​ നൽകിയ നിവേദനത്തി​​​െൻറ അടിസ്​ഥാനത്തിലാണ്​ കമീഷനെ നിയമിച്ചത്​. രണ്ടുവർഷത്തോളം വിശദമായ തെളിവെടുപ്പും മൊഴിയെടുപ്പും നടത്തിയശേഷമാണ്​ റിപ്പോർട്ട്​ തയാറാക്കിയത്​. സിനിമയുടെ ചുമതലയുള്ള മന്ത്രി എ.കെ. ബാലനുമായും കമീഷൻ അംഗങ്ങൾ കൂടിക്കാഴ്​ച നടത്തി.

.

Show Full Article
TAGS:justice hema commission malayalam film industry 
News Summary - justice hema commission
Next Story