തു​ട​രെ വ​ധ​ശി​ക്ഷ വി​ധി​ച്ച ജഡ്ജിക്ക്​ സ്ഥലംമാറ്റം; ശി​ക്ഷ വി​ധി​ച്ച​ത് ഷാ​രോ​ൺ വ​ധ​ക്കേ​സിലെ ഗ്രീ​ഷ്മ അ​ട​ക്കം എ​ട്ട്​ മാ​സ​ത്തി​നി​ടെ നാ​ല്​ കു​റ്റ​വാ​ളി​ക​ൾ​ക്ക്

തി​രു​വ​ന​ന്ത​പു​രം: തു​ട​രെ വ​ധ​ശി​ക്ഷ വി​ധി​ച്ച ജ​ഡ്ജി എ.​എം. ബ​ഷീ​റി​ന് സ്ഥ​ലം​മാ​റ്റം. പാ​റ​ശ്ശാ​ല ഷാ​രോ​ൺ വ​ധ​ക്കേ​സി​ലെ മു​ഖ്യ​പ്ര​തി ഗ്രീ​ഷ്മ അ​ട​ക്കം എ​ട്ട്​ മാ​സ​ത്തി​നി​ടെ നാ​ല്​ കു​റ്റ​വാ​ളി​ക​ൾ​ക്കാ​ണ് വ​ധ​ശി​ക്ഷ വി​ധി​ച്ച​ത്. ആ​ല​പ്പു​ഴ എം.​എ.​സി.​ടി (മോ​ട്ടോ​ർ ആ​ക്‌​സി​ഡ​ന്‍റ്​ ക്ലെ​യിം​സ് ട്രൈ​ബ്യൂ​ണ​ൽ) കോ​ട​തി​യി​ലേ​ക്കാ​ണ് മാ​റ്റം. നെ​യ്യാ​റ്റി​ൻ​ക​ര അ​ഡീ​ഷ​ന​ൽ സെ​ഷ​ൻ​സ് ജ​ഡ്ജി​യാ​യി​രി​ക്കെ ര​ണ്ട്​ കൊ​ല​ക്കേ​സി​ലാ​യി നാ​ലു​പേ​രെ ബ​ഷീ​ര്‍ വ​ധ​ശി​ക്ഷ​ക്ക് വി​ധി​ച്ചി​രു​ന്നു. സാ​ധാ​ര​ണ സ്ഥ​ലം​മാ​റ്റം എ​ന്നാ​ണ്​ വി​ശ​ദീ​ക​ര​ണം.

2024 മേ​യി​ൽ വി​ഴി​ഞ്ഞം മു​ല്ലൂ​ർ ശാ​ന്ത​കു​മാ​രി വ​ധ​ക്കേ​സി​ലാ​ണ് എ.​എം. ബ​ഷീ​ർ ആ​ദ്യം വ​ധ​ശി​ക്ഷ വി​ധി​ച്ച​ത്. സ്ത്രീ​യും മ​ക​നു​മ​ട​ക്കം മൂ​ന്ന്​ പേ​രെ​യാ​ണ്​ ശി​ക്ഷി​ച്ച​ത്. ഗ്രീ​ഷ്മ​ക്ക് കൂ​ടി തൂ​ക്കു​ക​യ​ർ വി​ധി​ച്ച​തോ​ടെ വ​ധ​ശി​ക്ഷ കാ​ത്ത് കേ​ര​ള​ത്തി​ലെ ജ​യി​ലി​ൽ ക​ഴി​യു​ന്ന ര​ണ്ട് സ്ത്രീ​ക​ൾ​ക്കും ശി​ക്ഷ വി​ധി​ച്ച​ത് ഒ​രേ ന്യാ​യാ​ധി​പ​നെ​ന്ന പ്ര​ത്യേ​ക​ത​യു​മാ​യി.

ന്യാ​യാ​ധി​പ​ൻ എ​ന്ന​തി​ന​പ്പു​റം സാ​ഹി​ത്യ​കാ​ര​നെ​ന്ന നി​ല​യി​ലും പ്ര​ശ​സ്ത​നാ​ണ് എ.​എം. ബ​ഷീ​ർ. കോ​ഴി​ക്കോ​ട് സ​ര്‍ക്കാ​ര്‍ ലോ ​കോ​ള​ജി​ല്‍ വി​ദ്യാ​ർ​ഥി​യാ​യി​രി​ക്കെ ര​ചി​ച്ച 'ഒ​രു പോ​രാ​ളി ജ​നി​ക്കു​ന്നു' ആ​ണ്​ ആ​ദ്യ ക​ഥാ​സ​മാ​ഹാ​രം.