പാലാ നഗരസഭയിലെ സംഘർഷം വ്യക്തിപരമെന്ന് ജോസ് കെ. മാണി

കോട്ടയം: പാലാ നഗരസഭയിലെ സംഘർഷം വ്യക്തിപരമെന്ന് കേരള കോൺഗ്രസ് എം ചെയർമാൻ ജോസ് കെ. മാണി. പ്രശ്നം ബുധനാഴ്ച തന്നെ പരിഹരിച്ചിരുന്നു. നിയമസഭ തെരഞ്ഞെടുപ്പിനെ ഇത് ബാധിക്കില്ല. പാലായിൽ സി.പി.എമ്മും കേരളാ കോൺഗ്രസ് എം ഒറ്റക്കെട്ടാണെന്നും ജോസ് കെ. മാണി മാധ്യമങ്ങളോട് പറഞ്ഞു.

തെ​ര​ഞ്ഞെ​ടു​പ്പി​ന്​ ദി​വ​സ​ങ്ങ​ൾ​ മാ​ത്രം ശേ​ഷി​ക്കെ, പാ​ലാ ന​ഗ​ര​സ​ഭ​യി​ല്‍ ഭ​ര​ണ​പ​ക്ഷ കൗ​ണ്‍സി​ല​ര്‍മാ​രു​ടെ ത​മ്മി​ൽ കഴിഞ്ഞ ദിവസം ഏറ്റുമുട്ടിയിരുന്നു. സി.​പി.​എം കൗ​ണ്‍സി​ല​ര്‍ അ​ഡ്വ.​ ബി​നു പു​ളി​ക്ക​ക്ക​ണ്ട​വും കേ​ര​ള കോ​ണ്‍ഗ്ര​സ് എം ​കൗ​ണ്‍സി​ല​റും ആ​രോ​ഗ്യ സ്ഥി​രം സ​മി​തി അ​ധ്യ​ക്ഷ​നു​മാ​യ ബൈ​ജു കൊ​ല്ലം​പ​റ​മ്പി​ലു​മാ​ണ്​ ഏ​റ്റു​മു​ട്ടി​യ​ത്.

നേ​ര​ത്തേ, ആ​രോ​ഗ്യ സ്ഥി​രം സ​മി​തി​ യോ​ഗ​ത്തി​ല്‍ ന​ഗ​ര​ത്തി​ലെ തി​യ​റ്റ​റി​െൻറ ലൈ​സ​ൻ​സ്​ പു​തു​ക്കാ​ൻ തീ​രു​മാ​നി​ച്ചി​രു​ന്നു. സ്ഥി​രം സ​മി​തി അം​ഗ​ം ബി​നു പു​ളി​ക്ക​ക്ക​ണ്ടം ഇ​തി​ൽ പ​െ​ങ്ക​ടു​ത്തി​രു​ന്നി​ല്ല. യോ​ഗം​ അ​റി​യി​ച്ചി​ല്ലെ​ന്ന്​ ബി​നു പ​റ​യു​േ​മ്പാ​ൾ വീ​ട്ടി​ൽ ക​ത്ത്​ ന​ൽ​കി​യ​താ​യാ​ണ്​ ബൈ​ജു​വി​ന്‍റെ വാ​ദം. കൗ​ൺ​സി​ൽ യോ​ഗം ആ​രം​ഭി​ച്ച​യു​ട​ൻ ഈ ​വി​ഷ​യം ബി​നു ഉ​ന്ന​യി​ച്ചു. ഒ​രാ​ളെ പ​ങ്കെ​ടു​പ്പി​ക്കാ​തെ യോ​ഗം ചേ​ര്‍ന്നാ​ല്‍ ഒ​ഴി​വാ​ക്ക​പ്പെ​ട്ട​യാ​ൾ പ​രാ​തി ഉ​ന്ന​യി​ക്കു​ന്ന പ​ക്ഷം ആ ​ക​മ്മി​റ്റി​യു​ടെ തീ​രു​മാ​ന​ത്തി​ന് സാ​ധു​ത ഉ​ണ്ടോ​യെ​ന്നാ​യി​രു​ന്നു ബി​നു​വി​ന്‍റെ ചോ​ദ്യം.

ചെ​യ​ര്‍മാ​നും സെ​ക്ര​ട്ട​റി​യും ഒ​ഴു​ക്ക​ന്‍മ​ട്ടി​ല്‍ മ​റു​പ​ടി പ​റ​ഞ്ഞു. കൃ​ത്യ​മാ​യ മ​റു​പ​ടി പ​റ​ഞ്ഞ​ശേ​ഷം കൗ​ണ്‍സി​ല്‍ യോ​ഗം തു​ട​ര്‍ന്നാ​ല്‍ മ​തി​യെ​ന്ന് ബി​നു നി​ല​പാ​ടെ​ടു​ത്തു. ഇ​തോ​ടെ, കൗ​ൺ​സി​ൽ ആ​ദ്യം ന​ട​ക്ക​ട്ടെ​യെ​ന്നും ബി​നു​വി​െൻറ ചോ​ദ്യ​ത്തി​നു​ത്ത​രം അ​ത്​ ക​ഴി​ഞ്ഞു​മ​തി​യെ​ന്ന വാ​ദ​വു​മാ​യി ബൈ​ജു എ​ഴു​ന്നേ​റ്റു. ബി​നു​വും ബൈ​ജു​വും ക​സേ​ര​യി​ല്‍ നി​ന്ന് എ​ഴു​ന്നേ​റ്റ് നേ​ർ​ക്കു​നേ​രേ​യെ​ത്തി. വാ​ക്‌​പോ​ര്​ തു​ട​രു​ന്ന​തി​നി​ടെ ബി​നു ൈബ​ജു​വി​െൻറ മു​ഖ​ത്ത്​ അ​ടി​ച്ചു. ബൈ​ജു​വും തി​രി​ച്ച​ടി​ച്ചു. ഇ​തോ​ടെ ഇ​രു​വ​രെ​യും പി​ടി​ച്ചു​മാ​റ്റി വീ​ണ്ടും സീ​റ്റി​ലി​രു​ത്തി.

കൗ​ണ്‍സി​ല്‍യോ​ഗം ക​ഴ​ി​ഞ്ഞ്​ പു​റ​ത്തേ​ക്കി​റ​ങ്ങു​ന്ന​തി​നി​ടെ​യും ഇ​രു​വ​രും ത​മ്മി​ൽ സം​ഘ​ർ​ഷ​മു​ണ്ടാ​യി. ഹാ​ളി​നു​സ​മീ​പം​ നി​ന്ന ത​ന്നെ ബി​നു അ​ടി​ച്ച്​ താ​െ​ഴ​യി​ട്ട​താ​യി ബൈ​ജു ആരോപിച്ചു. അ​ടി​യേ​റ്റ ബൈ​ജു കൗ​ണ്‍സി​ല്‍ ഹാ​ളി​ലെ ക​സേ​ര​ക​ള്‍ക്കി​ട​യി​ലേ​ക്ക് തെ​റി​ച്ചു​വീ​ണു. ബൈ​ജു​വി​െൻറ നി​ല​വി​ളി​കേ​ട്ട് മു​നി​സി​പ്പ​ല്‍ ഉ​ദ്യോ​ഗ​സ്ഥ​രും മ​റ്റ് കൗ​ണ്‍സി​ല​ര്‍മാ​രും പാ​ഞ്ഞെ​ത്തി. കൗ​ൺ​സി​ല​ർ​മാ​ർ ക​സേ​ര​യി​ൽ പി​ടി​ച്ചി​രു​ത്തി​െ​യ​ങ്കി​ലും ബൈ​ജ​​ു അ​ല​റി​ക്ക​ര​ഞ്ഞു. പാ​ലാ പൊ​ലീ​സും എ​ത്തി. സം​ഭ​വ​ത്തെ​ത്തു​ട​ര്‍ന്ന് സി.​പി.​എം- കേ​ര​ള കോ​ൺ​ഗ്ര​സ് എം ​പ്ര​വ​ര്‍ത്ത​ക​ര്‍ ഇ​രു​ചേ​രി​യാ​യി തി​രി​ഞ്ഞ്​ ത​ടി​ച്ചു ​കൂ​ടി​യെ​ങ്കി​ലും നേ​താ​ക്ക​ൾ ഇ​ട​പെ​ട്ട്​ സ്ഥി​തി​ഗ​തി​ക​ള്‍ ശാ​ന്ത​മാ​ക്കുകയായിരുന്നു.