പാർട്ടിയെ തകർക്കാൻ അനുവദിക്കില്ല -ജോസ്​ കെ. മാണി

കോട്ടയം: കെ.എം. മാണി കെട്ടിപ്പടുത്ത പാർട്ടിയെ തകർക്കാൻ ആരെയും അനുവദിക്കില്ലെന്ന്​ കേരള കോൺഗ്രസ്​ എം ​ൈവസ്​ ച െയർമാൻ ജോസ്​ കെ. മാണി എം.പി. ചിലർ സ്വാർഥതാൽപര്യങ്ങൾക്കുവേണ്ടി പാർട്ടിയെ ഇല്ലാതാക്കാൻ ശ്രമിക്കുകയാണെന്നും അദ്ദേഹം പാലായിൽ മാധ്യമപ്രവർത്തകരോട്​ പറഞ്ഞു.

സംസ്ഥാന കമ്മിറ്റി വിളിച്ചുചേർത്ത് ചെയർമാനെ തിരഞ്ഞെടുക്കണം. പാർട്ടി ഭരണഘടനയനുസരിച്ച് സംസ്ഥാന കമ്മിറ്റിക്കാണ് പരമാധികാരം. തെരഞ്ഞെടുപ്പെങ്കിൽ തെരഞ്ഞെടുപ്പ്, സമവായമെങ്കിൽ സമവായം. ഇതാണ്​ നിലപാടെന്നും ജോസ് കെ. മാണി വ്യക്തമാക്കി.

പാർട്ടി ഒറ്റക്കെട്ടായി മുന്നോട്ട് പോകും. ചില കേന്ദ്രങ്ങൾ വ്യാജവാർത്തകൾ പടച്ചുവിടുകയാണ്​. കത്ത് കൊടുത്തെന്ന് അവകാശപ്പെടുന്നവർ ആരേഖ പുറത്തുവിടുന്നില്ല. സ്പീക്കർക്ക് നൽകിയ കത്തുകൾ ഞങ്ങൾ പരസ്യമാക്കിയിട്ടുണ്ടെന്നും ജോസ്​ കെ. മാണി പറഞ്ഞു.