വഖഫ് ബില്ലിലെ ചില വ്യവസ്ഥകളോട് യോജിപ്പെന്ന് ജോസ് കെ. മാണി; ‘അമുസ് ലിം അംഗത്തെ കൗൺസിലിൽ ഉൾപ്പെടുത്തിയത് അംഗീകരിക്കുന്നില്ല’

തിരുവനന്തപുരം: വഖഫ് ബില്ലിലെ ചില വ്യവസ്ഥകളോട് യോജിപ്പെന്ന് കേരള കോൺ​ഗ്രസ് എം ചെയർമാൻ ജോസ് കെ. മാണി. മുനമ്പത്തെ മുൻനിർത്തിയാണ് വഖഫ് ബില്ലിലെ ചില വ്യവസ്ഥകളെ അംഗീകരിക്കുന്നതെന്നും ജോസ് കെ. മാണി വ്യക്തമാക്കി.

വഖഫ് ബോർഡിലും ട്രൈബ്യൂണലിലും നീതി കിട്ടിയില്ലെങ്കിൽ കോടതിയിൽ പോകാമെന്ന വ്യവസ്ഥയെ സ്വാഗതം ചെയ്യുന്നുവെന്നും ആ വ്യവസ്ഥ മുനമ്പത്തിന് പ്രതീക്ഷ നൽകുന്നതാണെന്നും ജോസ് കെ. മാണി ചൂണ്ടിക്കാട്ടി.

അമുസ് ലിം അംഗത്തെ വഖഫ് കൗൺസിലിൽ ഉൾപ്പെടുത്തിയതിനെ അംഗീകരിക്കാനാവില്ലെന്നും ജോസ് കെ. മാണി ചൂണ്ടിക്കാട്ടി.