കൂടത്തായിയിൽ ജോളിക്ക് സയനൈഡ്, ഗ്രീഷ്​മക്ക് ആയുധം തുരിശ്

കോ​ഴി​ക്കോ​ട്​: കേ​ര​ളം ഞെ​ട്ടി​യ കൂ​ട​ത്താ​യി കൂ​ട്ട​ക്കൊ​ല​ക്കേ​സി​ൽ പ്ര​തി ജോ​ളി ഭ​ക്ഷ​ണ​ത്തി​ൽ സ​യ​നൈ​ഡ് ന​ൽ​കി കു​ടും​ബാം​ഗ​ങ്ങ​ളെ വ​ധി​ച്ചു​വെ​ന്ന കേ​സി​നോ​ടു സാ​മ്യ​മു​ള്ള​താ​ണ് പാ​റ​ശ്ശാ​ല​യി​ൽ ​ഗ്രീ​ഷ്മ സു​ഹൃ​ത്ത് ഷാ​രോ​ൺ രാ​ജി​നെ പാ​നീ​യ​ത്തി​ൽ കോ​പ്പ​ർ സ​ൾ​ഫേ​റ്റ് (തു​രി​ശ്) ന​ൽ​കി കൊ​ന്ന സം​ഭ​വം.

മാ​റാ​ട് കൂ​ട്ട​ക്കൊ​ല, ടി.​പി. ച​ന്ദ്ര​ശേ​ഖ​ര​ൻ വ​ധം തു​ട​ങ്ങി​യ പ്ര​മാ​ദ കേ​സു​ക​ൾ പ​രി​ഗ​ണി​ച്ച എ​ര​ഞ്ഞി​പ്പാ​ലം പ്ര​ത്യേ​ക സെ​ഷ​ൻ​സ് കോ​ട​തി​യി​ൽ കേ​സ് ഇ​പ്പോ​ഴും വി​ചാ​ര​ണ​യു​ടെ പ്രാ​ഥ​മി​ക ഘ​ട്ട​ത്തി​ലാ​ണ്. ജോ​ളി ക​ണ്ണൂ​ർ ജ​യി​ലി​ൽ വി​ചാ​ര​ണ​ത്ത​ട​വി​ലും. മു​ഖ്യ​പ്ര​തി പൊ​ന്നാ​മ​റ്റം ജോ​ളി​യാ​മ്മ ജോ​സ​ഫ്​ എ​ന്ന ജോ​ളി (48) ആ​ദ്യ ഭ​ർ​ത്താ​വ്​ റോ​യ്​ തോ​മ​സ​ട​ക്കം ആ​റു​പേ​രെ വി​വി​ധ ഘ​ട്ട​ങ്ങ​ളി​ലാ​യി സ​യ​നൈ​ഡ് ന​ൽ​കി കൊ​ല​പ്പെ​ടു​ത്തി​യെ​ന്നാ​ണ് കേ​സ്.

റോ​യ്​ തോ​മ​സി​ന്‍റെ​യും ജോ​ളി​യു​ടെ ര​ണ്ടാ​മ​ത്തെ ഭ​ർ​ത്താ​വി​ന്‍റെ ആ​ദ്യ ഭാ​ര്യ സി​ലി​യു​ടെ​യും മ​ര​ണ​കാ​ര​ണം സ​യ​നൈ​ഡ് ഉ​ള്ളി​ൽ ചെ​ന്നാ​ണെ​ന്ന് ക​ണ്ടെ​ത്തി​യി​രു​ന്നു. ബാ​ക്കി നാ​ലു​പേ​രു​ടെ മൃ​ത​ദേ​ഹാ​വ​ശി​ഷ്ട​ങ്ങ​ൾ വി​ശ​ദ പ​രി​ശോ​ധ​ന​ക്കു ഹൈ​ദ​രാ​ബാ​ദി​ലെ കേ​ന്ദ്ര ഫോ​റ​ൻ​സി​ക്​ ലാ​ബി​ലേ​ക്ക് അ​യ​ച്ചി​ട്ടു​ണ്ട്.

കു​റ്റ​പ​ത്രം സ​മ​ർ​പ്പി​ച്ച​ത്​ 2020 ജ​നു​വ​രി 25നാ​ണ്. സ​യ​നൈ​ഡ്​ ന​ൽ​കി​യെ​ന്ന്​ ആ​​രോ​പ​ണ​മു​യ​ർ​ന്ന സ്വ​ർ​ണ​പ്പ​ണി​ക്കാ​ര​ൻ പ്ര​ജി​കു​മാ​ർ, ജ്വ​ല്ല​റി ജീ​വ​ന​ക്കാ​ര​ൻ മ​ഞ്ചാ​ടി​യി​ൽ എം.​എ​സ്. മാ​ത്യു എ​ന്നി​വ​രാ​ണ് കേ​സി​ൽ മ​റ്റു പ്ര​തി​ക​ൾ.

ആ​റു​ കൊ​ല​പാ​ത​ക​ക്കേ​സു​ക​ളും ജോ​ളി ജ​യി​ലി​ൽ ആ​ത്മ​ഹ​ത്യാ​ശ്ര​മം ന​ട​ത്തി​യെ​ന്ന കേ​സു​മെ​ല്ലാം വി​ചാ​ര​ണ കാ​ത്തു​കി​ട​ക്കു​ന്നു. കേ​സ് വാ​ദി​ക്കാ​ൻ സ്പെ​ഷ​ൽ പ​ബ്ലി​ക് പ്രോ​സി​ക്യൂ​ട്ട​റെ​യും അ​ഡീ​ഷ​ന​ൽ പ​ബ്ലി​ക് പ്രോ​സി​ക്യൂ​ട്ട​റെ​യും സ​ർ​ക്കാ​ർ നി​യ​മി​ച്ചി​ട്ടു​ണ്ട്.

ജോ​ളി​ക്കു​വേ​ണ്ടി അ​ഡ്വ. ബി.​എ. ആ​ളൂ​രാ​ണ് ഹാ​ജ​രാ​വു​ന്ന​ത്. 2020 ആ​ഗ​സ്റ്റി​ൽ തു​ട​ങ്ങി​യ വി​ചാ​ര​ണ ന​ട​പ​ടി​ക​ൾ വി​വി​ധ കാ​ര​ണ​ങ്ങ​ളാ​ൽ നീ​ണ്ടു പോ​വു​ക​യാ​യി​രു​ന്നു.

പ്ര​തി​ക​ൾ​ക്ക്​ കു​റ്റ​പ​ത്രം വാ​യി​ച്ചു​കേ​ൾ​പ്പി​ക്കു​ന്ന​തി​നു​ മു​മ്പു​ള്ള വാ​ദം​കേ​ൾ​ക്ക​ലാ​ണ്​ ഇ​പ്പോ​ൾ ന​ട​ക്കു​ന്ന​ത്.