ജോൺസൺ മാഷി​െൻറ ഭാര്യയുടെ​ ചികിത്സക്ക്​ മൂന്ന്​ ലക്ഷം സഹായം

തിരുവനന്തപുരം: സംഗീത സംവിധായകൻ ജോൺസൺ മാഷി​​​െൻറ ഭാര്യക്ക്​ മൂന്ന്​ ലക്ഷം രൂപ അടിയന്തര ചികിത്സ ധനസഹായം അനുവദിക്കാൻ മുഖ്യമന്ത്രി പിണറായി വിജയൻ നിർദേശം നൽകി. മുഖ്യമന്ത്രിയുടെ ദുരിതാശ്വാസനിധിയിൽനിന്നാണ് ധനസഹായം അനുവദിച്ചത്. രക്താർബുദ ചികിത്സയിൽ കഴിയുന്ന റാണി ജോൺസൺ രോഗാവസ്ഥ വിവരിച്ച് കഴിഞ്ഞ ദിവസം മുഖ്യമന്ത്രിക്ക് കത്തയച്ചിരുന്നു. ഈ കത്ത് അപേക്ഷയായി പരിഗണിച്ചാണ് ചികിത്സാ സഹായം അനുവദിച്ചത്.