യോഗ്യത ഒമ്പതാംക്ലാസ്​; ശാസ്ത്രജ്ഞൻ ചമഞ്ഞ് ജോലി വാഗ്ദാനം ചെയ്​ത്​ തട്ടിയത്​ ലക്ഷങ്ങൾ

കൊ​ടു​വ​ള്ളി: ശാ​സ്ത്ര​ജ്ഞ​ൻ ച​മ​ഞ്ഞ് ജോ​ലി വാ​ഗ്ദാ​നം ചെ​യ്ത് പ​ല​രി​ൽ​നി​ന്നു​ം ലക്ഷങ്ങൾ തട്ടിയയാളുടെ വിദ്യാഭ്യാസ യോഗ്യത ഒമ്പതാംക്ലാസ്​. പി​ടി​യി​ലാ​യ കോ​ട്ട​യം ച​ങ്ങ​നാ​ശ്ശേ​രി വാ​ഴൂ​ർ മ​ണ്ണ് പു​ര​യി​ട​ത്തി​ൽ പി.​ആ​ർ. അ​രു​ണി​നെ (36) കൊ​ടു​വ​ള്ളി പൊ​ലീ​സ് ക​സ്​​റ്റ​ഡി​യി​ൽ വാ​ങ്ങി ചോ​ദ്യം​ചെ​യ്തു. 

കേ​ന്ദ്ര സ​ർ​ക്കാ​ർ സ്ഥാ​പ​ന​മാ​യ ഡി​ഫ​ൻ​സ് റി​സ​ർ​ച്​ ആ​ൻ​ഡ് ഡെ​വ​ല​പ്മ​െൻറ് ഓ​ർ​ഗ​നൈ​സേ​ഷ​നിൽ (ഡി.​ആ​ർ.​ഡി.​ഒ) ശാസ്​ത്രജ്ഞനാണെന്ന വ്യാജേനയാണ്​ ഇയാൾ പ​ണ​വും സ്വ​ർ​ണ​വും ത​ട്ടി​യെ​ടു​ത്ത​ത്​.  ജൂ​ൺ ര​ണ്ടി​ന് ചൊ​വ്വാ​ഴ്ച​യാ​ണ് ചോ​ദ്യം​ചെ​യ്യ​ലി​നും തെ​ളി​വെ​ടു​പ്പി​നു​മാ​യി പൊ​ലീ​സ് ക​സ്​​റ്റ​ഡി​യി​ൽ വാ​ങ്ങി​യ​ത്.

ഒ​മ്പ​താം ക്ലാ​സ് വി​ദ്യാ​ഭ്യാ​സം മാ​ത്ര​മു​ള്ള ഇ​യാ​ൾ അ​ഖി​ലേ​ന്ത്യ എ​ൻ​ട്ര​ൻ​സ് പ​രീ​ക്ഷ​യി​ൽ 118ാം റാ​ങ്ക് ജേ​താ​വാ​ണെ​ന്നും എം.​ടെ​ക് ബി​രു​ദ​ധാ​രി​യാ​ണെ​ന്നും പ​റ​ഞ്ഞാ​ണ് ആ​ളു​ക​ളി​ൽ​നി​ന്ന് പ​ണം ത​ട്ടി​യെ​ടു​ക്കു​ന്ന​ത്. സം​ശ​യം തോ​ന്നാ​തി​രി​ക്കാ​ൻ കേ​ന്ദ്ര ഏ​ജ​ൻ​സി​യി​ൽ ജോ​ലി ചെ​യ്യു​ന്ന ശാ​സ്ത്ര​ജ്ഞ​​െൻറ വ്യാ​ജ തി​രി​ച്ച​റി​യ​ൽ കാ​ർ​ഡ് കാ​ണി​ച്ചാ​ണ് ആ​ളു​ക​ളെ പ​രി​ച​യ​പ്പെ​ടു​ന്ന​ത്. 

കി​ഴ​ക്കോ​ത്ത് മ​റി​വീ​ട്ടി​ൽ​താ​ഴം സ്വ​ദേ​ശി സു​കേ​ഷി​ൽ​നി​ന്ന് ജോ​ലി വാ​ഗ്ദാ​നം ചെ​യ്ത് ര​ണ്ട​ര പ​വ​ൻ സ്വ​ർ​ണ​വും കാ​ൽ ല​ക്ഷം രൂ​പ​യും ത​ട്ടി​യെ​ടു​ത്ത​തി​ൽ അ​രു​ൺ കു​ന്ദ​മം​ഗ​ല​ത്തെ സ്വ​കാ​ര്യ പ​ണ​മി​ട​പാ​ട് സ്ഥാ​പ​ന​ത്തി​ൽ പ​ണ​യ​പ്പെ​ടു​ത്തി​യ ര​ണ്ടു പ​വ​ൻ സ്വ​ർ​ണം പൊ​ലീ​സ് ക​ണ്ടെ​ടു​ത്തു.  

കി​ഴ​ക്കോ​ത്ത് മ​റി​വീ​ട്ടി​ൽ​താ​ഴ​ത്ത് അ​രു​ൺ താ​മ​സി​ച്ച സ്വ​കാ​ര്യ ക്വാ​ർ​ട്ടേ​ഴ്‌​സി​ലും എ​ത്തി​ച്ച് പൊ​ലീ​സ് തെ​ളി​വെ​ടു​ത്തു. ഇ​വി​ടെ​നി​ന്ന്​ ഒ​രു ലാ​പ്​​ടോ​പ്, നാ​ല് യു.​എ​സ്.​ബി, മൂ​ന്ന് മൊ​ബൈ​ൽ ഫോ​ൺ, തി​രി​ച്ച​റി​യ​ൽ കാ​ർ​ഡ് എ​ന്നി​വ​യും ക​ണ്ടെ​ടു​ത്തു. ബി.​എ​സ്.​എ​ൻ.​എ​ൽ സ്ഥാ​പ​ന​ത്തി​ല​ട​ക്കം ജോ​ലി വാ​ഗ്ദാ​നം ന​ൽ​കി 15 ല​ക്ഷം രൂ​പ ത​ട്ടി​യെ​ടു​ത്തെ​ന്ന പ​രാ​തി​യി​ൽ മ​ല​പ്പു​റം താ​നൂ​ർ പൊ​ലീ​സ് സ്​​റ്റേ​ഷ​നി​ൽ കേ​സു​ണ്ട്. താ​നൂ​ർ പൊ​ലീ​സ് അ​രു​ണി​നെ ക​സ്​​റ്റ​ഡി​യി​ൽ വാ​ങ്ങി ചോ​ദ്യം​ചെ​യ്യും. കാ​ക്കൂ​രി​ലും സ​മാ​ന​മാ​യ രീ​തി​യി​ൽ 12 ല​ക്ഷം രൂ​പ​യും വ​യ​നാ​ട് സ്വ​ദേ​ശി​യി​ൽ​നി​ന്ന്​ മൂ​ന്നു ല​ക്ഷം രൂ​പ​യും ത​ട്ടി​യെ​ടു​ത്തി​ട്ടു​ണ്ട്. 

സം​സ്ഥാ​ന​ത്തി​ന് അ​ക​ത്തും പു​റ​ത്തും നി​ര​വ​ധി ത​ട്ടി​പ്പു​ക​ൾ ന​ട​ത്തി​യി​ട്ടു​ണ്ടെ​ങ്കി​ലും ആ​രും പ​രാ​തി​യു​മാ​യി വ​ന്നി​ട്ടി​ല്ലെ​ന്ന് പൊ​ലീ​സ് പ​റ​ഞ്ഞു. 

കോ​ഴി​ക്കോ​ട് ജി​ല്ല​യി​ലെ കി​ഴ​ക്കോ​ത്ത് മ​റി​വീ​ട്ടി​ൽ​താ​ഴ​ത്ത് സ്വ​കാ​ര്യ ക്വാ​ർ​ട്ടേ​ഴ്‌​സി​ൽ ത​നി​ച്ചു​താ​മ​സി​ക്കു​ന്ന ഇ​യാ​ളു​ടെ പെ​രു​മാ​റ്റ​ത്തി​ൽ സം​ശ​യം​തോ​ന്നി ദി​വ​സ​ങ്ങ​ളാ​യി കൊ​ടു​വ​ള്ളി പൊ​ലീ​സി​​െൻറ​യും കേ​ന്ദ്ര ഏ​ജ​ൻ​സി​ക​ളു​ടെ​യും നി​രീ​ക്ഷ​ണ​ത്തി​ലാ​യി​രു​ന്ന അ​രു​ണി​നെ മാ​ർ​ച്ച് 21നാ​ണ് കൊ​ടു​വ​ള്ളി പൊ​ലീ​സ് പി​ടി​കൂ​ടു​ന്ന​ത്. മ​റി​വീ​ട്ടി​ൽ​താ​ഴം സ്വ​ദേ​ശി സു​കേ​ഷി​ൽ​നി​ന്ന് ജോ​ലി വാ​ഗ്ദാ​നം ചെ​യ്ത് ര​ണ്ട​ര പ​വ​ൻ സ്വ​ർ​ണ​വും കാ​ൽ ല​ക്ഷം രൂ​പ​യും, മ​റി​വീ​ട്ടി​ൽ​താ​ഴം ലോ​ഹി​താ​ക്ഷ​നി​ൽ​നി​ന്ന് കാ​ൽ ല​ക്ഷം രൂ​പ​യും ഇ​യാ​ൾ ത​ട്ടി​യെ​ടു​ത്തി​രു​ന്നു.

സ​മൂ​ഹ​മാ​ധ്യ​മ​ങ്ങ​ൾ വ​ഴി ഉ​യ​ർ​ന്ന വി​ദ്യാ​ഭ്യാ​സ യോ​ഗ്യ​ത​യു​ള്ള​വ​രു​മാ​യി ബ​ന്ധ​പ്പെ​ട്ടും ഇ​യാ​ൾ സാ​മ്പ​ത്തി​ക ത​ട്ടി​പ്പ് ന​ട​ത്തി​യ​താ​യി സൂ​ച​ന​യു​ണ്ട്. മ​റി​വീ​ട്ടി​ൽ​താ​ഴ​ത്ത് താ​മ​സി​ച്ചു​വ​രു​ന്ന​തി​നി​ടെ വി​വാ​ഹി​ത​നാ​കാ​നും ശ്ര​മം ന​ട​ന്നി​രു​ന്നു. അ​രു​ണി​നെ ബു​ധ​നാ​ഴ്ച വൈ​കീ​ട്ട് താ​മ​ര​ശ്ശേ​രി കോ​ട​തി​യി​ൽ ഹാ​ജ​രാ​ക്കി.