Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightവഖഫ്​ വിഷയത്തിൽ സമസ്​ത...

വഖഫ്​ വിഷയത്തിൽ സമസ്​ത സമരത്തിനില്ലെന്ന്​ ജിഫ്രി തങ്ങൾ

text_fields
bookmark_border
വഖഫ്​ വിഷയത്തിൽ സമസ്​ത സമരത്തിനില്ലെന്ന്​ ജിഫ്രി തങ്ങൾ
cancel

വഖഫ്​ വിഷയത്തിൽ നിലപാട്​ മയപ്പെടുത്തി സമസ്​ത. സമസ്​ത സമരത്തിനില്ലെന്നും ഒരു പാർട്ടിയോടും അകലമില്ലെന്നും ജിഫ്രി മുത്തുകോയ തങ്ങൾ പറഞ്ഞു.

സമസ്​ത നേരത്തെയും സമരം പ്രഖ്യാപിച്ചി​ട്ടില്ലെന്ന്​ ജിഫ്രി മുത്തു കോയ തങ്ങൾ പറഞ്ഞു. പ്രതിഷേധ പ്രമേയം പാസാക്കാനും മുഖ്യമന്ത്രിയുമായി ചർച്ച ചെയ്യാനുമാണ്​ സമസ്​ത തീരുമാനിച്ചത്​. അതിനിടെ വിഷയം സംസാരിച്ചു തീർക്കണമെന്ന്​ മുഖ്യമന്ത്രി ഇങ്ങോണ്ട്​ ആവശ്യപ്പെടുകയായിരുന്നു. മാന്യമായാണ്​ മുഖ്യമന്ത്രി ഇടപെട്ടത്​. തുടർ നടപടികൾ മരവിപ്പിച്ചുവെന്നും മറ്റു കാര്യങ്ങൾ ആലോചിച്ച്​ തീരുമാനിക്കാമെന്നുമാണ്​ മുഖ്യമന്ത്രി പറഞ്ഞതെന്നും ജിഫ്രി തങ്ങൾ പറഞ്ഞു.

സമസ്​തയെ സംബന്ധിച്ചിടത്തോളം സമരം എന്നൊരു സംഗതിയില്ലെന്നും ജിഫ്രി തങ്ങൾ മാധ്യമങ്ങളോട്​ പറഞ്ഞു. ലീഗിന്‍റെ റാലി രാഷ്​ട്രീയ റാലിയാണെന്നും അതിൽ പ​െങ്കടുക്കുന്നത്​ ലീഗുകാരാണ്​ തീരുമാനിക്കേണ്ടതെന്നും തങ്ങൾ പറഞ്ഞു. പൊതുകോർഡിനേഷൻ കമ്മിറ്റിയെന്നത്​ സമസ്​തക്കില്ലെന്നും അത്​ ആവശ്യം വരു​േമ്പാൾ തങ്ങൻമാരൊക്കെ വിളിക്കു​േമ്പാൾ കൂടി ചർച്ച ചെയ്യാമെന്നും ജിഫ്രി തങ്ങൾ പറഞ്ഞു. മുസ്​ലിം കോഡിനേഷൻ കമ്മിറ്റിയുടെ തുരുമാനം സംബന്ധിച്ച മാധ്യമപ്രവർത്തകരുടെ ചോദ്യത്തോടെ പ്രതികരിക്കുകയായിരുന്നു ജിഫ്രി തങ്ങൾ.

വഖഫ്​ നിയമനം പി.എസ്​.സിക്ക്​ വിട്ട വിഷയത്തിൽ സംസ്​ഥാന സർക്കാറിനെതിരെ ഡിസംബർ ഒമ്പതിന്​ മുസ്​ലിം ലീഗ്​ സമ​രം പ്രഖ്യാപിച്ച സാഹചര്യത്തിലാണ്​ ജിഫ്രി മുത്തുകോയ തങ്ങളുടെ പ്രതികരണം. മുസ്​ലിം സംഘടനകളുടെ കോഡിനേഷൻ കമ്മിറ്റി വിളിച്ചു കൂട്ടുകയും പിന്തുണ ഉറപ്പാക്കുകയും ചെയ്​ത ശേഷമാണ്​ വഖഫ്​ വിഷയത്തിൽ മുസ്​ലിം ലീഗ്​ സമരം ആസൂത്രണം ചെയ്​തത്​. ശേഷം, പ്രബല കക്ഷിയായ സമസ്​ത നാടകീയമായി പിൻമാറുകയായിരുന്നു. മുഖ്യമന്ത്രി നേരിട്ട്​ ചർച്ചക്ക്​ വിളിച്ചതോടെയാണ്​ സമസ്​ത നിലപാട്​ മയപ്പെടുത്തിയത്​. മുഖ്യമന്ത്രി പിണറായി വിജയന്‍റെയും എൽ.ഡി.എഫിന്‍റെയും രാഷ്​ട്രീയ വിജയമായാണ്​ സമസ്​തയുടെ പിൻമാറ്റം വിലയിരുത്തപ്പെടുന്നത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:samasthawaqf boardWaqfSayyid Muhammad Jifri Muthukkoya Thangal
News Summary - jifri tangal says about samastha in waqf protest
Next Story