മുന്നണിമാറ്റം: ജെ.ഡി.യു തീരുമാനം ജനുവരി 12ന്​

തിരുവനന്തപുരം: മുന്നണിമാറ്റം സംബന്ധിച്ച്​ ജെ.ഡി.യുവി​​െൻറ അന്തിമതീരമാനം ജനുവരി 12ന്​ ഉണ്ടാവുമെന്ന്​ സൂചന. ജനുവരി 11,12 തിയതികളിൽ പാർട്ടി സംസ്ഥാന കൗൺസിൽ നടക്കുന്നുണ്ട്​. ഇൗ യോഗത്തിലായിരിക്കും മുന്നണിമാറ്റം സംബന്ധിച്ച ജെ.ഡി.യുവി​​െൻറ അന്തിമതീരുമാനം ഉണ്ടാവുക.

മുന്നണിമാറ്റത്തിനായി ചില നിബന്ധനങ്ങൾ ജെ.ഡി.യു മുന്നോട്ട്​ വെച്ചിട്ടുണ്ടെന്നാണ്​ റിപ്പോർട്ട്​. ഒരു രാജ്യസഭ സീറ്റും, ലോക്​സഭ സീറ്റും വേണമെന്നാണ്​ ജെ.ഡി.യുവി​​െൻറ ആവശ്യം. ഇക്കാര്യത്തിലെ ഇടതുമുന്നണിയുടെ നിലപാട്​ കൂടി പുറത്ത്​ വന്ന ശേഷം മാത്രമേ മുന്നണിമാറ്റം സംബന്ധിച്ച്​ അന്തിമ തീരുമാനം ഉണ്ടാവ​ുകയുള്ളു.

ജെ.ഡി.യുവിലെ കൃഷ്​ണികുട്ടി വിഭാഗം നേരത്തെ തന്നെ ഇടതുമുന്നണിയിലെത്തിയിരുന്നു. ഇപ്പോൾ ഇടത്​മുന്നണിയിലുള്ള ജെ.ഡി.എസുമായി ലയിക്കാതെ സ്വതന്ത്ര പാർട്ടിയായി നിൽക്കാനാണ്​ ജെ.ഡി.യുവി​​െൻറ തീരുമാനം. അനൗദ്യോഗിക ചർച്ചകൾ ഇക്കാര്യവുമായി ബന്ധപ്പെട്ട്​  ഇടതുമുന്നണിയുമായി ജെ.ഡി.യു നടത്തിയിട്ടുണ്ട്​.