ജയമാധവൻ നായരുടെ മരണം കൊലപാതകം; അന്വേഷണം കാര്യസ്ഥനിലേക്ക്

തി​രു​വ​ന​ന്ത​പു​രം: ക​ര​മ​ന കൂ​ട​ത്തി​ല്‍ കു​ടും​ബ​ത്തി​ലെ ജ​യ​മാ​ധ​വ​ന്‍ നാ​യ​രു​ടെ മ​ര​ണം കൊ​ല​പാ​ത​ക​മെ​ന്ന നി​ഗ​മ​ന​ത്തി​ല്‍ ജി​ല്ല ക്രൈം​ബ്രാ​ഞ്ച്. സ്വാ​ഭാ​വി​ക മ​ര​ണ​മ​ല്ലെ​ന്ന് ഫോ​റ​ൻ​സി​ക് പ​രി​ശോ​ധ​ന​യി​ൽ ക​ണ്ടെ​ത്തി​യ​തോ​ടെ കൊ​ല​ക്കു​റ്റം ചു​മ​ത്താ​ന്‍ അ​നു​മ​തി​തേ​ടി അ​ന്വേ​ഷ​ണ​സം​ഘം കോ​ട​തി​യി​ല്‍ റി​പ്പോ​ർ​ട്ട് ന​ല്‍കി.

ക​ര​മ​ന കൂ​ട​ത്തി​ല്‍ കു​ടും​ബ​ത്തി​ല്‍ 15 വ​ര്‍ഷ​ത്തി​നി​ടെ ന​ട​ന്ന ഏ​ഴ് ദു​രൂ​ഹ​മ​ര​ണ​ങ്ങ​ളി​ലെ അ​ന്വേ​ഷ​ണ​ത്തി​ലാ​ണ് നി​ര്‍ണാ​യ​ക വ​ഴി​ത്തി​രി​വ്. കേ​സു​മാ​യി ബ​ന്ധ​പ്പെ​ട്ട് കാ​ര്യ​സ്ഥ​ൻ ര​വീ​ന്ദ്ര​ൻ നാ​യ​രെ വീ​ണ്ടും ചോ​ദ്യം​ചെ​യ്യും.

കോ​ഴി​ക്കോ​ട് കൂ​ട​ത്താ​യി മോ​ഡ​ല്‍ കൊ​ല​പാ​ത​ക​മെ​ന്ന് സം​ശ​യ​മു​യ​ർ​ത്തു​ന്ന രീ​തി​യി​ലാ​ണ് ക​ര​മ​ന 'കൂ​ട​ത്തി​ല്‍' ത​റ​വാ​ട്ടി​ലെ മ​ര​ണ​ങ്ങ​ളും. ഗോ​പി​നാ​ഥ​ന്‍ നാ​യ​ര്‍, ഭാ​ര്യ സു​മു​ഖി​യ​മ്മ, മ​ക്ക​ളാ​യ ജ​യ​ശ്രീ, ജ​യ​ബാ​ല​കൃ​ഷ്ണ​ന്‍, ജ​യ​പ്ര​കാ​ശ്, ഗോ​പി​നാ​ഥ​ന്‍ നാ​യ​രു​ടെ ജ്യേ​ഷ്ഠ​ന്‍മാ​രാ​യ നാ​രാ​യ​ണ​പി​ള്ള​യു​ടെ​യും വേ​ലു​പി​ള്ള​യു​ടെ​യും മ​ക്ക​ളാ​യ ജ​യ​മാ​ധ​വ​ന്‍ നാ​യ​ർ, ഉ​ണ്ണി​കൃ​ഷ്ണ​ന്‍ നാ​യ​ര്‍ എ​ന്നി​വ​രാ​ണ് നി​ശ്ചി​ത ഇ​ട​വേ​ള​ക​ളി​ല്‍ ദു​രൂ​ഹ സാ​ഹ​ച​ര്യ​ത്തി​ല്‍ മ​രി​ച്ച​ത്. കു​ടും​ബ​ത്തി​ലെ അ​വ​സാ​ന ക​ണ്ണി​യാ​യ ജ​യ​മാ​ധ​വ​ന്‍ നാ​യ​രു​ടെ മ​ര​ണ​മാ​യി​രു​ന്നു ഒ​ടു​വി​ല​ത്തേ​ത്.

2017 ഏ​പ്രി​ല്‍ ര​ണ്ടി​നാ​ണ് ക​ര​മ​ന​യി​ലെ വീ​ട്ടി​ല്‍ ജ​യ​മാ​ധ​വ​നെ മ​രി​ച്ച നി​ല​യി​ൽ ക​ണ്ടെ​ത്തി​യ​ത്. ത​ല​യ്ക്കേ​റ്റ പ​രി​ക്കാ​ണ് മ​ര​ണ​കാ​ര​ണ​മെ​ന്നാ​യി​രു​ന്നു പോ​സ്​​റ്റ്​​മോ​ർ​ട്ടം റി​പ്പോ​ർ​ട്ട്.

ക​ട്ടി​ലി​ൽ​നി​ന്ന് വീ​ണ് അ​ബോ​ധാ​വ​സ്ഥ​യി​ലാ​യി​രു​ന്ന ജ​യ​മാ​ധ​വ​ൻ നാ​യ​രെ ഓ​ട്ടോ​യി​ൽ ആ​ശു​പ​ത്രി​യി​ലെ​ത്തി​ച്ച​പ്പോ​ള്‍ മ​രി​ച്ചെ​ന്നാ​യി​രു​ന്നു കാ​ര്യ​സ്ഥ​ൻ ര​വീ​ന്ദ്ര​ൻ നാ​യ​ർ പൊ​ലീ​സി​ന് ന​ൽ​കി​യ മൊ​ഴി.

തി​രു​വ​ന​ന്ത​പു​രം ന​ഗ​ര​ത്തി​ല്‍ 100 കോ​ടി വി​ല​മ​തി​ക്കു​ന്ന കെ​ട്ടി​ട​ങ്ങ​ളും വ​സ്തു​ക്ക​ളു​മാ​ണ് കു​ടും​ബ​ത്തി​നു​ള്ള​ത്. ജ​യ​മാ​ധ​വ​ന്‍ നാ​യ​രു​ടെ മ​ര​ണ​ശേ​ഷം ഈ ​സ്വ​ത്തു​ക്ക​ള്‍ ര​വീ​ന്ദ്ര​ന്‍ നാ​യ​രും അ​ക​ന്ന ബ​ന്ധു​ക്ക​ളും ചേ​ര്‍ന്ന് പ​ങ്കി​ട്ടെ​ടു​ത്ത​തോ​ടെ ദു​രൂ​ഹ​ത വ​ര്‍ധി​ച്ചു.

നാ​ട്ടു​കാ​ര​നാ​യ അ​നി​ല്‍കു​മാ​റിെൻറ പ​രാ​തി​യി​ൽ തു​ട​ര​ന്വേ​ഷ​ണം ജി​ല്ല ക്രൈം​ബ്രാ​ഞ്ച് ഏ​റ്റെ​ടു​ത്തു. മ​ര​ണ​ത്തി​ന് മു​മ്പ് സ്വ​ത്തു​ക്ക​ള്‍ വി​ൽ​ക്കാ​ൻ ജ​യ​മാ​ധ​വ​ൻ ത​നി​ക്ക് അ​നു​മ​തി​പ​ത്രം ന​ൽ​കി​യെ​ന്നും ര​വീ​ന്ദ്ര​ൻ പ​റ​ഞ്ഞി​രു​ന്നു. എ​ന്നാ​ൽ ഈ ​മൊ​ഴി ശ​രി​യ​ല്ലെ​ന്ന് സ്ഥാ​പി​ക്കു​ന്ന തെ​ളി​വു​ക​ളാ​ണ് അ​ന്വേ​ഷ​ണ​സം​ഘ​ത്തി​ന് ല​ഭി​ച്ച​ത്. ര​വീ​ന്ദ്ര​നെ വീ​ണ്ടും ചോ​ദ്യം​ചെ​യ്യു​ന്ന​തി​നും തെ​ളി​വ് ശേ​ഖ​ര​ണ​ത്തി​നും ശേ​ഷ​മാ​യി​രി​ക്കും പ്ര​തി ചേ​ര്‍ക്കു​ന്ന​തി​ല്‍ തീ​രു​മാ​ന​മെ​ടു​ക്കു​ക.