എൽ.ഡി.എഫ്​ പരാജയത്തിനു​ ശബരിമലയും കാരണമായി -ജനതാദൾ എസ്​

കോട്ടയം: ലോക്​സഭ തെര​ഞ്ഞെടുപ്പിലെ ​എൽ.ഡി.എഫ്​ പരാജയത്തിനു​ ശബരിമലയും കാരണമായതായി ജനതാദൾ എസ്​ സംസ്​ഥാന സെക്രട്ടറി ജനറൽ ജോർജ് തോമസ്. ബി.ജെ.പി മുതലെടുപ്പിനു​ ശ്രമിച്ചപ്പോൾ കോൺഗ്രസ്​​ ഇതിനോട്​ ചേർന്നുനിന്നു. ഇതി​​െൻറ ഗുണം വലിയതോതിൽ കോൺഗ്രസിനു​ ലഭിച്ചു. ഇത്തരത്തിൽ വോട്ട്​ ഏകീകരണത്തിന്​ ഇടയാക്കുന്ന നടപടിയിൽനിന്ന്​ വിട്ടുനിൽക്കണമായിരുന്നു​െവന്നും അദ്ദേഹം പറഞ്ഞു.

തോൽവിക്കുള്ള വിവിധ ഘടകങ്ങളിൽ ഒന്നുമാത്രമാണിത്​. എൽ.ജെ.ഡിയുമായി ലയിക്കാൻ തീരുമാനമോ, നീക്കമോ ഇല്ല. മന്ത്രി കൃഷ്ണൻകുട്ടി വീരേന്ദ്രകുമാറുമായി നടത്തുന്ന കൂടിക്കാഴ്ച വ്യക്തിപരമാണ്​. എൽ.ജെ.ഡിയൊരു ദേശീയ കക്ഷി ആണെന്ന് അവര്‍ അവകാശപ്പെടുമ്പോള്‍ പ്രാദേശിക സഖ്യം സാധ്യമാകില്ല.

മന്ത്രി കൃഷ്ണന്‍കുട്ടിയുടെ കൂടിക്കാഴ്ചകളെ ലയനവുമായി ബന്ധിപ്പിക്കേണ്ടതില്ല. ദേശീയതലത്തിലാണ്​ യോജിപ്പ്​ വേണ്ടതെന്നും ജോർജ് തോമസ് പറഞ്ഞു.