ജനതാ കർഫ്യൂവിന്​ ഐക്യദാർഢ്യവുമായി കേരളം

കോഴിക്കോട്​: കോവിഡ്​ 19 പടർന്നു പിടിക്കുന്ന സാഹചര്യത്തിൽ മുൻകരുതലിൻെറ ഭാഗമായി പ്രധാനമന്ത്രി നരേന്ദ്രമോദി ആഹ്വാനം ചെയ്​ത ജനതാ കർഫ്യുവിന്​ ഐക്യദാർഢ്യവുമായി കേരളം. ജനങ്ങൾ പൊതുവെ ജനതാ കർഫ്യുവിനോട്​ പൂർണമായും സഹകരിക്കുന്ന കാഴ്​ചയാണ്​ റോഡുകളിൽ കാണാനാവുന്നത്​.

കടക​മ്പോളങ്ങൾ അടച്ചിട്ടും പുറത്തിറങ്ങാതെയും വ്യാപാരികളടക്കമുള്ളവർ കർഫ്യൂവിനൊപ്പം നിൽക്കുകയാണ്​. ഓ​ട്ടോറിക്ഷകളോ ടാക്​സികളോ നിരത്തിലിറങ്ങിയില്ല. കെ.എസ്​.ആർ.ടിസി ഉൾപ്പെടെയുള്ള പൊതുഗതാഗത സംവിധാനങ്ങളും നിരത്തിലിറങ്ങാതെ കർഫ്യൂവിനോട്​ സഹകരിക്കുകയാണ്​.

വള​രെ വിരളമായി ചില സ്വകാര്യ വാഹനങ്ങൾ റോഡിലിറങ്ങുന്നുണ്ടെങ്കിലും നഗര ഗ്രാമ പ്രദേശങ്ങൾ ഒഴിഞ്ഞു കിടക്കുന്ന കാഴ്​ചയാണുള്ളത്​. രാവിലെ ഏഴ്​ മുതൽ രാത്രി ഒമ്പത്​ വരെയാണ്​ കർഫ്യു.