ജനഗണമനയുടെ പകർപ്പാവകാശം ഉന്നയിച്ച്​ സോണി മ്യൂസിക്​

ആലപ്പുഴ: ഡോക്യുമ​െൻററി സിനിമയില്‍ ഇന്ത്യൻ ദേശീയ ഗാനമായ ‘ജനഗണമന’ ആലപിച്ചതിന്​ പകര്‍പ്പാവകാശലംഘനം ആരോപിച്ച്​  സോണി മ്യൂസിക് ഇന്ത്യ. രാജ്യാന്തര ശ്രദ്ധ നേടിയ ‘സാറാ താഹ തൗഫീക്ക്’എന്ന ഡോക്യുമ​െൻററിയുടെ  അണിയറ പ്രവർത്തകർക്ക്​  കാണാനായി   പ്രൈവറ്റ് ഫയല്‍ ആയി ചിത്രം യൂട്യൂബില്‍ അപ് ലോഡ് ചെയ്തപ്പോഴാണ്​ സോണി കോപ്പിറൈറ്റ്  അവകാശം ഉന്നയിച്ചതെന്ന് സംവിധായകൻ ശരത് കൊറ്റിക്കല്‍.

സോണി മ്യൂസിക് പോലൊരു  സ്വകാര്യ കമ്പനി എങ്ങനെയാണ് നമ്മുടെ രാജ്യത്തി​​െൻറ ദേശീയഗാനം ഉപയോഗിക്കുന്നതില്‍  പകര്‍പ്പാവകാശലംഘനം ഉയര്‍ത്തുന്നതെന്ന്​ ശരത് ചോദിക്കുന്നു. സോണിയുടെ അവകാശവാദം സമ്മതിച്ച്​ കൊടുക്കുകയാണെങ്കിൽ ​സർക്കാറുകളുടെ  പരിപാടികളിലെ ദേശീയഗാനാലാപനം പോലും സംപ്രേക്ഷണം ചെയ്യാനുള്ള അവകാശം  നഷ്​ടമാകുന്ന സ്​ഥിതിവരുമെന്ന്​ സംവിധായകൻ ശരത്​ ​‘മാധ്യമ’ത്തോട്​ പറഞ്ഞു. ഇത്​  ത​​െൻറ ചിത്രവുമായി ബന്ധപ്പെട്ട വിഷയം അല്ലെന്നും രാജ്യത്തി​​െൻറ ദേശീയഗാനത്തി​​െൻറ അവകാശത്തെ ചോദ്യം ചെയ്യുന്ന ഗൗരവമേറിയ വിഷയമാണെന്നും അദ്ദേഹം ‘മാധ്യമ’ത്തോട്​ പറഞ്ഞു.

മട്ടാഞ്ചേരി ജൂതത്തെരുവില്‍ ജീവിച്ചിരുന്ന പ്രായം കൂടിയ ജൂതവനിതയായിരുന്ന  സാറാ കോഹനെയും അവരുടെ ജീവിതത്തിലേക്ക് കടന്നുവന്ന താഹയുടെയും തൗഫീഖി​​​െൻറയും  ജീവിത കഥയാണ് ശരത് സംവിധാനം ചെയ്ത ഡോക്യുമ​െൻററി പറയുന്നത്​. ചിത്രത്തിൽ  സാറ ഉള്‍പ്പെടെ ദേശീയഗാനം ആലപിക്കുന്ന രംഗത്തിനാണ്​ സോണി കമ്പനി  യൂട്യൂബില്‍ കോപ്പിറൈറ്റ് ഉന്നയിച്ചിരിക്കുന്നത്. ഡോക്യുമ​െൻററിയുടെ ആഗോള തലത്തിലുള്ള ആദ്യപ്രദർശനം മാർച്ചിന്​ ഒന്നിന്​ ഇസ്രായേലില്‍ നടത്തിയപ്പോൾ സംവിധായകൻ വിശിഷ്​ടാതിഥിയായി പ​െങ്കട​ുത്തിരുന്നു. തൃശൂർ രാമ വർമപുരം സ്വദേശിയാണ്​ 29 കാരനായ ശരത്​ കൊറ്റിക്കൽ.

  നേരത്തേ തൃശൂർ പൂരത്തി​​െൻറ വാദ്യമേളങ്ങളുടെ ശബ്​ദലേഖന അവകാശം ഉന്നയിച്ച്​ ഇതേ പോലെ സോണി രംഗത്ത്​ വന്നിരുന്നു. അന്ന്​ ഓസ്​കർ അവാർഡ്​ ജേതാവായ റസൂൽ പൂക്കുട്ടി കമ്പനിക്ക്​ വേണ്ടി പൂരത്തി​​െൻറ ശബ്​ദം ലൈവ്റെക്കോഡിങ്ങ്​ നടത്തിയതിനെ തുടർന്നായിരുന്നു ഇത്​. പിന്നീട്​ ആരെങ്കിലും പൂരത്തി​​െൻറ ശബ്​ദം റെക്കോഡ്​ ചെയ്​ത്​ ഉപയോഗിക്കുന്ന വേളയിൽ സാ​ങ്കേതിക വിദ്യയിലൂടെ അത്​ കണ്ടെത്തി ചോദ്യം ചെയ്​തിരുന്നു.