Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightജി.എസ്​.ടി:...

ജി.എസ്​.ടി: ജൻഒൗഷധിയിലും മരുന്നുക്ഷാമം

text_fields
bookmark_border
ജി.എസ്​.ടി: ജൻഒൗഷധിയിലും മരുന്നുക്ഷാമം
cancel

മലപ്പുറം: ജി.എസ്​.ടിയുണ്ടാക്കിയ ആശയക്കുഴപ്പം ജൻഒൗഷധി സ്​റ്റോറുകളെയും പ്രതികൂലമായി ബാധിച്ചു. സംസ്ഥാനത്തെ 247 സ്​റ്റോറുകളിൽ പല അവശ്യമരുന്നുകൾക്കും കടുത്ത ക്ഷാമമുണ്ട്​. വൻതോതിൽ വിറ്റഴിക്കപ്പെടുന്ന ജീവിതശൈലി ​േരാഗങ്ങൾക്കുള്ള മരുന്നുകൾക്കാണ്​ ക്ഷാമമനുഭവപ്പെടുന്നത്​. ജി.എസ്​.ടിയിലേക്കുള്ള മാറ്റത്തിനുള്ള കാലതാമസം മൂലം ബില്ലിങ്​ തടസ്സപ്പെട്ടതാണ്​ ലഭ്യതക്ക്​ തടസ്സമായത്​. ഗുണനിലവാരമി​ല്ലെന്ന്​ കണ്ടെത്തിയ ചില മരുന്നുകൾ തിരിച്ചയച്ചത്​ ​പ്രതിസന്ധിക്ക്​ കാരണമായി. സിംലയിലെ സ്വകാര്യകമ്പനിയുടെ മരുന്നുകളാണിത്​. സാധാരണക്കാർക്ക്​ കുറഞ്ഞ നിരക്കിൽ അലോപ്പതി മരുന്നുകൾ ലഭ്യമാക്കുക ലക്ഷ്യമിട്ട്​ കേന്ദ്രസർക്കാർ നടപ്പാക്കുന്ന പദ്ധതിയാണ്​ ജൻഒൗഷധി. 

 ബ്രാൻഡ്​ നാമം ഇല്ലാത്ത (ജനറിക്​) മരുന്നുകളാണ്​ ജൻഒൗഷധി വഴി വിലകുറച്ച്​ നൽകുന്നത്​. 520 തരം ജീവൻരക്ഷ മരുന്നുകളും 152 സർജിക്കൽ ഉപകരണങ്ങളും 50 മുതൽ 70 ശതമാനം വരെ വിലക്കുറവിലാണ്​ വിൽക്കുന്നത്​. തദ്ദേശസ്ഥാപനങ്ങളുടെ സഹകരണത്തോടെ ജൻഒൗഷധി സ്​റ്റോറുകൾ തുടങ്ങാൻ കുടുംബശ്രീ കഴിഞ്ഞമാസം കരാർ ഒപ്പിട്ടിരുന്നു. പൊതുജനങ്ങൾക്കിടയിൽ ജൻഒൗഷധിക്ക്​ സ്വീകാര്യത വർധിച്ചുവരുന്നതിനിടയിലാണ്​ മരുന്നുലഭ്യത തടസ്സപ്പെട്ടിരിക്കുന്നത്​. ജൂലൈ 15നകം ​​പ്രശ്​നം പരിഹരിക്കുമെന്ന്​ അധികൃതർ ഉറപ്പ്​ നൽകിയിട്ടുണ്ടെങ്കിലും കാലതാമസം ഉണ്ടാകുമെന്ന ആശങ്ക ശക്​തമാണ്​.  
 

Show Full Article
TAGS:jan aushadhi kerala news malayalam news madhyamam 
News Summary - jan aushadhi, kerala news, malayalam news, madhyamam
Next Story