ജുമുഅക്ക്​ നേതൃത്വം നൽകി; ശ്രദ്ധാകേന്ദ്രമായി ജാമിത

വണ്ടൂർ (മലപ്പുറം): രാജ്യത്താദ്യമായി ജുമുഅ നമസ്​കാരത്തിന്​ നേതൃത്വം നൽകിയതിലൂടെ മുസ്​ലിം വനിത ശ്രദ്ധാകേന്ദ്രമായി. ഖുർആൻ സുന്നത്ത്​ സൊ​ൈസറ്റി ജനറൽ സെ​ക്രട്ടറി ജാമിതയാണ്​ വണ്ടൂർ ചെറുകോ​െട്ട സൊസൈറ്റി ഒാഫിസിൽ വെള്ളിയാഴ്​ച ഉച്ചക്ക്​ നടന്ന ജുമ​ുഅ ഖുതുബക്കും നമസ്​കാരത്തിനും നേതൃത്വം നൽകിയത്​. ചേകന്നൂർ മൗലവിയുടെ നേതൃത്വത്തിൽ സ്ഥാപിതമായ സംഘടനയാണ്​ ഖുർആൻ സുന്നത്ത്​ സൊസൈറ്റി. വിവിധ ജില്ലകളിൽ നിന്നെത്തിയ, സൊ​െസെറ്റി പ്രവർത്തകരായ മറ്റൊരു സ്​ത്രീയുൾപ്പെടെ 20ലധികം പേരാണ്​ പ​െങ്കടുത്തത്​. 

വിശ്വാസാചാരങ്ങളുമായി ബന്ധപ്പെട്ട്​ ആണിനോ പെണ്ണിനോ പ്രത്യേക വേർതിരിവ് ഖുർആനിൽ ഇല്ലെന്നും ഇതനുസരിച്ചാണ്​ സൊസൈറ്റി പ്രവർത്തിക്കുന്നതെന്നും ജാമിത പറഞ്ഞു. ജുമുഅക്ക്​ നേതൃത്വം നൽകിയതി​​​െൻറ പേരിൽ ഫോണിലൂടെയും അല്ലാതെയും തനിക്ക് ഭീഷണിയുണ്ടെന്നും അവർ പറഞ്ഞു. ​

വെള്ളിയാഴ്​ച വൈകീട്ട്​ വണ്ടൂരിൽ ചേർന്ന ഖുർആൻ സുന്നത്ത്​ സൊ​ൈസറ്റി പൊതുയോഗത്തിലും ജാമിത സംസാരിച്ചു. അധ്യാപികയും പ്രഭാഷകയുമായ ഇവർ, വീട്ടുതടങ്കലിലായ ഹാദിയയെ വൈക്കത്തെ വീട്ടിലെത്തി സന്ദർശിച്ചപ്പോൾ പുനർമതപരിവർത്തനത്തിന്​ ശ്രമിച്ചതായി ആരോപണമുയർന്നിരുന്നു. മുസ്​ലിം സ്​ത്രീക്ക്​ നീതി ലഭിക്കാൻ മതേതരമൂല്യങ്ങൾ ഉൾക്കൊള്ളുന്ന പൊതു സിവിൽ കോഡ്​ വേണമെന്നാണ് ജാമിതയുടെ നിലപാട്​. പുരുഷനിൽ അധിഷ്​ഠിതമാണ്​ മുസ്​ലിം വ്യക്​തിനിയമമെന്നും മുത്തലാഖ്​ നി​േരാധിച്ചതുകൊണ്ടുമാത്രം മുസ്​ലിം സ്​ത്രീകളുടെ പ്രശ്​നങ്ങൾ പരിഹരിക്കപ്പെടില്ലെന്നും അവർ പറഞ്ഞിരുന്നു.