ബിഷപ്പിനെ രണ്ടു ദിവസത്തിനകം ചോദ്യംചെയ്യും –ജലന്ധർ ഡി.സി.പി

ന്യൂഡൽഹി: കന്യാസ്​ത്രീയെ പീഡിപ്പിച്ച കേസിൽ ജലന്ധർ ബിഷപ്​ ഫ്രാ​േങ്കാ മുളക്കലിനെ രണ്ടു ദിവസത്തിനകം ചോദ്യംചെയ്യുമെന്ന്​ ജലന്ധർ ഡി.സി.പി ഗ​ുർമീത്​ സിങ്​​ പറഞ്ഞു. ചോദ്യംചെയ്യലിൽനിന്ന്​ ലഭിക്കുന്ന വിവരങ്ങളുടെ അടിസ്​ഥാനത്തിലാണ്​ അറസ്​റ്റ്​ തീരുമാനിക്കുകയെന്നും അന്വേഷണത്തിന്​ നേതൃത്വം നൽകുന്ന കേരള പൊലീസാണ്​ അക്കാര്യം തീരുമാനിക്കേണ്ടതെന്നും ജലന്ധർ ഡി.സി.പി അറിയിച്ചു.

പഞ്ചാബ്​ പൊലീസിനോട്​ രണ്ട​ു​ ദിവസം മുമ്പാണ്​ കേരള പൊലീസ്​ അന്വേഷണത്തിനും ബിഷപ്പിനെ ചോദ്യംചെയ്യാനും സഹായം തേടിയത്​. അതിനുമുമ്പ്​  ക്രമസമാധാനപാലനത്തി​​​െൻറ ഭാഗമായി സുരക്ഷ ഉറപ്പാക്കാനായി ജലന്ധർ ബിഷപ്പി​​​െൻറ ആസ്​ഥാനത്ത്​ പഞ്ചാബ്​ പൊലീസ്​ പോയിരുന്നു. ആ സമയത്ത്​ ബിഷപ്​​ ഫ്രാ​േങ്കാ മുളക്കലിനെ കാണുകയും സംസാരിക്കുകയും ചെയ്​തു. അന്വേഷണവുമായി സഹകരിക്കാമെന്നും കേസിൽ നിരപരാധിയാണെന്നുമാണ്​ അന്ന്​ അദ്ദേഹം പറഞ്ഞത്​ -ഗ​ുർമീത്​ സിങ്​​ പറഞ്ഞു.

മിഷനറീസ്​ ഒാഫ്​ ജീസസിലെ കന്യാസ്​ത്രീകളെ നാലു​ മണിക്കൂർ കേരള പൊലീസ്​ ചോദ്യംചെയ്​തുവെന്നും ഗുർമീത്​ പറഞ്ഞ​ു. ജലന്ധർ ക​േൻറാൺമ​​െൻറിനകത്തുള്ള പള്ളിയിൽ വിളിച്ചുവരുത്തിയാണ്​ മദർ ജനറലിനെയും വിവിധ ഭാഗങ്ങളിൽനിന്ന്​ വിളിച്ചുവരുത്തിയ കന്യാസ്​ത്രീകളെയും ശനിയാഴ്​ച ചോദ്യംചെയ്​തത്​. 

ഞായറാഴ്​ച പഞ്ചാബ്​ പൊലീസി​​​െൻറ സഹായത്തോടെ ജലന്ധർ പാസ്​റ്റർ ഹാളിലെത്തിയ കേരള പൊലീസ്​ രണ്ടു​ വൈദികരുടെ മൊഴിയെടുക്കുകയും തെളിവുകൾ ശേഖരിക്കുകയും ചെയ്​തു.  ‘ഇടയനോടൊപ്പം ഒരു ദിനം’ എന്ന പേരിൽ ഇൗ പാസ്​റ്റർ ഹാളിൽ നടത്തിയ പരിപാടിക്കായി മുമ്പ്​ ബിഷപ്​​ ​വന്നപ്പോൾ കന്യാസ്​ത്രീകളോട്​ ആത്​മീയ കാര്യങ്ങളല്ലാത്തവ സംസാരിച്ചുവെന്ന്​ പരാതിയുണ്ടായിരുന്നു. അതിൽ പിന്നീട്​ തുടർനടപടിയുണ്ടായിരുന്നില്ല. ആ പരാതിയുമായി ബന്ധപ്പെട്ട നിജസ്​ഥിതി അറിയാനും അതുമായി തെളിവുകൾ ശേഖരിക്കാനുമാണ്​ ഞായറാഴ്​ച കേരള പൊലീസ്​ ജലന്ധർ പാസ്​റ്റർ ഹാളിലെത്തിയത്​. അതിനുശേഷം കന്യാസ്​ത്രീയുടെ ബന്ധുവായ അമൃത്​സറിലുള്ള പുരോഹിത​​​െൻറ​ മൊഴിയുമെടുത്തു.