ബിഷപ്പിനെതിരെ നടപടി വൈകുന്നതിൽ സി.പി.എം കേന്ദ്രനേതൃത്വത്തിന്​ പരാതി

കൊച്ചി: ലൈംഗിക പീഡനവിവാദത്തിൽ ജലന്ധർ ബിഷപ്​ ഫ്രാ​​േങ്കാ മുളക്കലിനെതിരെ നടപടി വൈകുന്നതിൽ സി.പി.എം കേന്ദ്രനേതൃത്വത്തിന്​ പരാതി. ജോയൻറ്​ ക്രിസ്​ത്യൻ കൗൺസിൽ പ്രസിഡൻറ്​ ഫെലിക്​സ്​ പുല്ലൂടനാണ്​ സി.പി.​എം ജനറൽ സെക്രട്ടറി സീതാറാം ​െയച്ചൂരിക്ക്​ പരാതി നൽകിയത്​. യെച്ചൂരി പരാതി സംസ്ഥാന സെക്രട്ടറി കോടിയേരി ബാലകൃഷ്​ണന്​ കൈമാറി.

കന്യാസ്​ത്രീ ​പൊലീസിന്​ പരാതി നൽകിയിട്ട്​ 75 ദിവസമായി. സംഭവത്തിൽ കന്യാസ്​ത്രീയുടെ ​മൊഴിയെടുക്കുക മാത്രമാണ്​ പൊലീസ്​ ചെയ്​തത്​. സാക്ഷികളടക്കമുള്ളവരെ വശത്താക്കാൻ ബിഷപ്​ പണവും സ്വാധീനവും ഉപയോഗപ്പെടുത്തുകയാണ്​. കന്യാസ്​ത്രീയുടെ ഡ്രൈവറെ സ്വാധീനിച്ച്​ ​കൊലപ്പെടുത്താനും ശ്രമം നടന്നിരുന്നു. സ്വാധീനിക്കാൻ ശ്രമിച്ചവരെക്കുറിച്ച്​ ഡ്രൈവർ പൊലീസിൽ മൊഴിനൽകിയിട്ടും നടപടി​യൊന്നുമായിട്ടില്ല.

കന്യാസ്​ത്രീ പീഡനത്തിന്​ ഇരയായതിന്​ തെളിവുണ്ടെന്നാണ്​ പൊലീസ്​ കോടതിയിൽ അറിയിച്ചത്​. എന്നാൽ, കുറ്റവാളിയെ സംരക്ഷിക്കുന്ന സമീപനമാണ്​​ പൊലീസ്​ ഭാഗത്തുനിന്ന്​ ഉണ്ടാവുന്നതെന്ന്​ പരാതിയിൽ പറയുന്നു. മുൻകൂർ ജാമ്യംപോലും എടുക്കാതെ ബിഷപ്​ സ്വതന്ത്രനായി നടക്കുകയാണ്​. ൈലംഗികാതിക്രമ കേസുകളിൽ ഇരക്കൊ​പ്പമെന്ന സംസ്ഥാന സർക്കാറി​െൻറ പ്രഖ്യാപിത നയത്തിന്​ വിരുദ്ധനടപടികളാണ്​ പൊലീസിൽനിന്ന്​ ഉണ്ടാകുന്നത്​. ​വിഷയത്തിൽ അടിയ​ന്തര നടപടിയെടുക്കാൻ മുഖ്യമന്ത്രിക്ക്​ പാർട്ടി നിർദേശം നൽകണമെന്നും കത്തിൽ ആവശ്യപ്പെടുന്നു.