ഫ്രാ​േങ്കാ മുളക്കലിനെതിരെ നടപടിക്കൊരുങ്ങി വത്തിക്കാൻ

കോട്ടയം: ലൈംഗിക പീഡനക്കേസിൽ ആരോപണ വിധേയനായ ബിഷപ്പ്​ ഫ്രാ​​േങ്കാ മുളക്കലിനെതിരെ നടപടിയെടുക്കാൻ വത്തിക്കാൻ ഒരുങ്ങുന്നു. ഇന്നോ നാളെയോ അദ്ദേഹത്തെ ചുമതലയിൽ നിന്നും മാറ്റി നിർത്തുന്ന ഉത്തരവ്​ വരുമെന്നാണ്​ സൂചന. കേസുമായി ബന്ധപ്പെട്ട വിശദാംശങ്ങൾ കർദിനാൾ മാർ ജോർജ്​ ആലഞ്ചേരി അടക്കമുള്ള സഭ നേതൃത്വത്തോട്​ വത്തിക്കാൻ തേടിയിരുന്നു. ഇവരുടെ റിപ്പോർട്ടും ബിഷപ്പിന്​ എതിരാണ്​. ബുധനാഴ്​ച ബിഷപ്പ്​ പ്രത്യേക അന്വേഷണ സംഘത്തിന്​ മുമ്പാകെ ഹാജരാകുന്നതിന്​ മു​േമ്പ പദവിയിൽ നിന്നും മാറ്റി മുഖം രക്ഷിക്കാനാണ്​ സഭ ഉ​േദ്ദശിക്കുന്നത്​.

ബിഷപ്പിനെതിരെ കുരുക്ക്​ മുറുകിയ സാഹചര്യത്തിൽ സഭക്ക്​ മറ്റ്​ മാർഗങ്ങളില്ല. ബിഷപ്പി​െന ചോദ്യം ചെയ്യാൻ അന്വേഷണ കമ്മിറ്റിക്ക്​ മുമ്പാകെ ഇൗ മാസം 19ന്​ രാവിലെ 10 മണിക്ക് ഹാജരാകണമെന്ന്​ ആവശ്യപ്പെട്ട്​ പൊലീസ്​ നോട്ടീസ്​ അയച്ചിരുന്നു.​

ചോദ്യം ചെയ്യലിന്​ ശേഷം അറസ്റ്റുണ്ടായേക്കുമെന്ന സൂചന പുറത്തുവന്നതിനാൽ ബിഷപ്പ്​ മുൻകൂർ ജാമ്യാപേക്ഷ സമർപ്പിക്കാനും സാധ്യതയുണ്ട്​. അതിനിടെ കന്യാസ്​ത്രീകളുടെ സമരം എട്ടാം ദിവസത്തിലേക്ക്​ കടന്നു. ബിഷപ്പിനെ ​അറസ്റ്റ്​ ചെയ്യണമെന്ന ഉറച്ച നിലപാടിലാണ്​ അവർ ഇപ്പോഴും സമരം തുടരുന്നത്​. സിറോ മലബാര്‍ സഭയിലെ കൂടുതല്‍ വൈദികരും കന്യാസ്ത്രീകളും സമരത്തില്‍ പങ്കുചേരാന്‍ ഇന്നെത്തുമെന്നാണ് സൂചന. ഇന്ന്​ രാവിലെ മുതൽ നൂറ്​ കണക്കിന്​ ആളുകളാണ്​ സമരത്തിന്​ ​​െഎക്യദാർഢ്യം ​പ്രഖ്യാപിച്ച്​ എത്തുന്നത്​.