സദാചാര ഗുണ്ടായിസത്തിലൂടെ പണം തട്ടിയ കേസ്: ജയ്സൽ താനൂർ ഒളിവിലെന്ന് പൊലീസ്

താനൂർ: യുവാവിനെയും യുവതിയെയും ഭീഷണിപ്പെടുത്തി സദാചാര ഗുണ്ടായിസത്തിലൂടെ പണം തട്ടിയ കേസി​െല പ്രതി ജയ്സൽ താനൂർ ഒളിവിലെന്ന് പൊലീസ്. ജയ്സലി​െൻറ കൂടെയുണ്ടായിരുന്ന കൂട്ടാളിയും ഒളിവിലാണ്​. ഇവർക്കായി തിരച്ചിൽ ഊർജിതമാക്കിയതായി താനൂർ സി.ഐ ജീവൻ ജോർജ് പറഞ്ഞു. ​

2018ലെ പ്രളയകാലത്ത് വീട്ടിൽ അകപ്പെട്ടവർക്ക് തോണിയിൽ ചവിട്ടി കയറാൻ സ്വന്തം മുതുക്​ കാട്ടിക്കൊടുത്ത് ശ്രദ്ധേയനായ സാമൂഹിക പ്രവർത്തകനാണ്​ ജയ്‌സൽ. ഏപ്രിൽ 15നാണ് കേസിനാസ്​പദമായ സംഭവം. താനൂർ ഒട്ടുംപുറം തൂവൽതീരം ബീച്ചിലെത്തിയ യുവതിയുടെയും യുവാവി​െൻറയും ചിത്രങ്ങൾ പകർത്തിയ ​ജയ്‌സൽ ഒരു ലക്ഷം രൂപ തന്നില്ലെങ്കിൽ ചിത്രം മോർഫ് ചെയ്ത് പ്രചരിപ്പിക്കുമെന്ന് ഭീഷണിപ്പെടുത്തിയെന്നാണ്​ പരാതി. തുടർന്ന്​ യുവാവ് സുഹൃത്തി​െൻറ ഗൂഗിൾ പേ വഴി 5000 രൂപ നൽകി ബാക്കി പണം പിന്നീട് നൽകാമെന്ന് പറഞ്ഞ് രക്ഷപ്പെടുകയായിരുന്നു. ഇതിനുശേഷം പൊലീസിൽ പരാതി നൽകി. കേസിന്​ പിറകെ ​ജയ്​സലിനെ മലപ്പുറം ട്രോമ കെയറിൽ നിന്ന്​ പുറത്താക്കിയതായി​ ജില്ല ഭാരവാഹികൾ അറിയിച്ചു.