ആർ.എസ്​.എസ് നേതാവിന്റെ കാലുകൾ വെട്ടിയ കേസ്​: എട്ട്​ സി.പി.എമ്മുകാരുടെ തടവുശിക്ഷ ശരിവെച്ചു

കൊ​ച്ചി: മ​ട്ട​ന്നൂ​രി​ൽ ആ​ർ.​എ​സ്.​എ​സ് നേ​താ​വും അ​ധ്യാ​പ​ക​നു​മാ​യ സി. ​സ​ദാ​ന​ന്ദ​ന്റെ കാ​ലു​ക​ൾ വെ​ട്ടി​മാ​റ്റി​യ കേ​സി​ൽ എ​ട്ട്​ സി.​പി.​എം പ്ര​വ​ർ​ത്ത​ക​ർ​ക്ക്​ വി​ധി​ച്ച ഏ​ഴു​വ​ർ​ഷ​ത്തെ ക​ഠി​ന ത​ട​വു​ശി​ക്ഷ ഹൈ​കോ​ട​തി ശ​രി​വെ​ച്ചു. 1994 ജ​നു​വ​രി 25ന്​ ​ആ​ർ.​എ​സ്.​എ​സ് ജി​ല്ല സ​ഹ​കാ​ര്യ​വാ​ഹ​കാ​യ സ​ദാ​ന​ന്ദ​ന്റെ കാ​ലു​ക​ൾ വെ​ട്ടി​മാ​റ്റി​യ കേ​സി​ൽ ത​ല​ശ്ശേ​രി പ്രി​ൻ​സി​പ്പ​ൽ അ​സി. സെ​ഷ​ൻ​സ് കോ​ട​തി വി​ധി​ച്ച ശി​ക്ഷ​യാ​ണ്​ ജ​സ്​​റ്റി​സ്​ സി.​എ​സ്. സു​ധ ശ​രി​വെ​ച്ച​ത്.

പ്ര​തി​ക​ളാ​യ ഉ​രു​വ​ച്ചാ​ൽ കു​ഴി​ക്ക​ൽ കെ. ​ശ്രീ​ധ​ര​ൻ, മാ​ത​മം​ഗ​ലം നാ​ണു, പെ​രി​ഞ്ചേ​രി പു​തി​യ വീ​ട്ടി​ൽ മ​ച്ചാ​ൻ രാ​ജ​ൻ, കു​ഴി​ക്ക​ൽ പി. ​കൃ​ഷ്‌​ണ​ൻ എ​ന്ന കു​ഞ്ഞി​കൃ​ഷ്‌​ണ​ൻ, മ​ന​ക്ക​ൽ ച​ന്ത്രോ​ത്ത് ര​വീ​ന്ദ്ര​ൻ എ​ന്ന ര​വി, ക​രേ​റ്റ പു​ല്ലാ​ഞ്ഞി​യോ​ട​ൻ സു​രേ​ഷ്‌​ബാ​ബു എ​ന്ന ബാ​ബു, പെ​രി​ഞ്ചേ​രി മൈ​ല​പ്ര​വ​ൻ രാ​മ​ച​ന്ദ്ര​ൻ, കു​ഴി​ക്ക​ൽ കെ. ​ബാ​ല​കൃ​ഷ്‌​ണ​ൻ എ​ന്ന ബാ​ല​ൻ എ​ന്നി​വ​ർ ന​ൽ​കി​യ ഹ​ര​ജി ത​ള്ളി​യാ​ണ്​ ഉ​ത്ത​ര​വ്. സ​ദാ​ന​ന്ദ​ൻ ന​ൽ​കി​യ ക്രി​മി​ന​ൽ റി​വി​ഷ​ൻ അ​പ്പീ​ലും​ പ​രി​ഗ​ണി​ച്ചു.

മൃ​ഗീ​യ​മാ​യ ആ​ക്ര​മ​ണ​മാ​ണ്​ ന​ട​ത്തി​യ​തെ​ന്നും പ്ര​തി​ക​ൾ ദ​യ അ​ർ​ഹി​ക്കു​ന്നി​ല്ലെ​ന്നും കോ​ട​തി വ്യ​ക്ത​മാ​ക്കി. അ​തേ​സ​മ​യം, ഇ​വ​ർ ഓ​രോ​രു​ത്ത​രും സ​ദാ​ന​ന്ദ​ന്​ 25,000 രൂ​പ വീ​തം ന​ഷ്​​ട​പ​രി​ഹാ​രം ന​ൽ​ക​ണ​മെ​ന്ന വി​ചാ​ര​ണ​ക്കോ​ട​തി ഉ​ത്ത​ര​വി​ൽ ഭേ​ദ​ഗ​തി വ​രു​ത്തി​യ ഹൈ​കോ​ട​തി, പി​ഴ​സം​ഖ്യ 50,000 രൂ​പ വീ​ത​മാ​യി വ​ർ​ധി​പ്പി​ച്ചു. 2007 ഫെ​ബ്രു​വ​രി ഏ​ഴി​ന്​​ പ്ര​തി​ക​ളെ ശി​ക്ഷി​ച്ച്​ പു​റ​പ്പെ​ടു​വി​ച്ച​ത്​ ത​ല​ശ്ശേ​രി സെ​ഷ​ൻ​സ് കോ​ട​തി ശ​രി​വെ​ച്ചി​രു​ന്നു. ഇ​തി​നെ​തി​രെ​യാ​ണ്​ സ​ദാ​ന​ന്ദ​നും പ്ര​തി​ക​ളും ഹൈ​കോ​ട​തി​യെ സ​മീ​പി​ച്ച​ത്.