സഭ തർക്കം: യാക്കോബായ വിഭാഗം 52 പള്ളികൾ കേന്ദ്രീകരിച്ച് റിലേ സത്യഗ്രഹം തുടങ്ങി

കോലഞ്ചേരി: മലങ്കര സഭ തർക്കവുമായി ബന്ധപ്പെട്ട്​ യാക്കോബായ വിഭാഗം സമരമുഖത്തേക്ക്. ഓർത്തഡോക്സ് പക്ഷം പിടിച്ചെടുത്ത പള്ളികൾ കേന്ദ്രീകരിച്ച് സമരം തുടങ്ങി. ഞായറാഴ്​ച രാവിലെ കുർബാനക്ക് ശേഷമാണ് നഷ്​ടമായ 52 പള്ളികൾ കേന്ദ്രീകരിച്ച് റിലേ സത്യഗ്രഹ സമരം ആരംഭിച്ചത്.

നഷ്​ടമായ മുഴുവൻ പള്ളികളിലും അടുത്ത ഞായറാഴ്ച പ്രകടനമായെത്തി ആരാധനക്കായി പ്രവേശിക്കാനും യാക്കോബായ വിശ്വാസികൾ തീരുമാനിച്ചു. സഭ തർക്കത്തിൽ സർക്കാർ നിയമ നിർമാണം നടത്തണമെന്നാവശ്യപ്പെട്ടാണ് സമരം. ഇതി​െൻറ ഭാഗമായി ഈ മാസം 15ന് തോമസ് മാർ അലക്സാന്ത്രയോസ് മെത്രാപ്പോലീത്തയുടെ നേതൃത്വത്തിൽ വയനാട് നിന്നും തിരുവനന്തപുരത്തേക്ക് അവകാശ സംരക്ഷണ ജാഥ നടത്തും.

സർക്കാർ ഇടപെടലുണ്ടായില്ലെങ്കിൽ ജനുവരി ഒന്ന്​ മുതൽ സെക്ര​േട്ടറിയറ്റിന് മുന്നിൽ സഭയുടെ മെത്രാപ്പോലീത്തമാരും വൈദീകരുമടക്കം അനിശ്ചിതകാല സമരം നടത്തും.