Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightജേക്കബ്​ തോമസിനെതിരായ ...

ജേക്കബ്​ തോമസിനെതിരായ ഹരജികൾ തള്ളി

text_fields
bookmark_border
ജേക്കബ്​ തോമസിനെതിരായ ഹരജികൾ തള്ളി
cancel

എറണാകുളം: വിജിലൻസ്​ ഡയറക്​ടർ ജേക്കബ്​ തോമസിനെതിരായ മൂന്ന്​ ഹരജികൾ വിജിലൻസ്​ കോടതി തള്ളി. മൂവാറ്റുപുഴ വിജിലൻസ്​ കോടതിയാണ്​ ഹരജികൾ തളളിക്കൊണ്ടുള്ള വിധി പുറപ്പെടുവിച്ചത്​.

തുറമുഖ ഡയറക്​ടറായിരിക്കെ ഡ്രെഡ്​ജർ വാങ്ങിയതിൽ 15 കോടി രൂപ നഷ്​ടമുണ്ടാക്കിയെന്ന ഹരജിയും കുടകിലെ അനധികൃത ഭൂമി ഇടപാട്​ സംബന്ധിച്ച ഹരജിയുമാണ്​ തള്ളിയത്​. അവധിയെടുത്ത്​ കോളജിൽ പഠിപ്പിച്ച്​ പണമുണ്ടാക്കിയെന്ന​ ഹരജിയും തള്ളിയിട്ടുണ്ട്​. മറ്റൊരു ഹരജി പരിഗണിക്കുന്നത്​ മാർച്ച്​ 15 ലേക്ക്​ ​കോടതി മാറ്റി.

ജേക്കബ് തോമസിനെതിരെ അന്വേഷണം ആവശ്യപ്പെട്ട് ചേർത്തല സ്വദേശിയും ക്രൈം ഇൻവെസ്റ്റിഗേഷൻ എന്ന മാസികയുടെ ചീഫ് എഡിറ്ററുമായ മൈക്കിളാണ് മുവാറ്റുപുഴ വിജിലൻസ് കോടതിയിൽ ഹരജി നൽകിയത്.

14 ഒാഫീസുകളിൽ സോളാർ പാനൽ സ്ഥാപിച്ചതിൽ ഒരിടത്ത് മാത്രമാണ് പാനൽ ഭാഗികമായി പ്രവർത്തിക്കുന്നത്​. ഇതിന് പിന്നിൽ ജേക്കബ് തോമസിന് സാമ്പത്തിക ലക്ഷ്യങ്ങളുണ്ട്​. സർവീസിൽ നിന്ന് അവധിയെടുത്ത് അനുമതിയില്ലാതെ കൊല്ലം ടി.കെ.എം എൻജിനീയറിങ് കോളജിൽ പഠിപ്പിക്കാൻ പോയി. കർണാടകയിലെ കൂർഗിൽ 151 ഏക്കർ വനഭൂമി കൈയ്യേറി ജേക്കബ് തോമസും ഭാര്യയും 50 കോടി രൂപ സ്വന്തമാക്കി എന്നിങ്ങനെയായിരുന്നു മൈക്കിളി​​െൻറ ആരോപണം.

 

 

 

 

Show Full Article
TAGS:jacob thomas 
News Summary - jacob thomas
Next Story