മെറ്റൽ ഇൻഡസ്ട്രീസ് എം.ഡി സ്ഥാനം വിജിലൻസ് ഡയറക്ടറുടേതിന് തുല്യമായി –ജേക്കബ്​ തോമസ്

ഷൊ​ർ​ണൂ​ർ: നൂ​റ്റൊ​ന്ന് വെ​ട്ട് വെ​ട്ടി​യാ​ലും വാ​യ്ത്ത​ല കേ​ടാ​കാ​ത്ത മൂ​ർ​ച്ച​യേ​റി​യ വാ​ക്ക​ത്തി​യും അ​രി​വാ​ളും ഉ​ണ്ടാ​ക്കു​ക​യാ​ണ് ഇ​നി​യു​ള്ള ല​ക്ഷ്യ​മെ​ന്ന് ജേ​ക്ക​ബ് തോ​മ​സ്‌. വാ​ക്ക​ത്തി​യും അ​രി​വാ​ളും കൈ​ക്കോ​ട്ടു​മെ​ല്ലാം നി​ർ​മി​ക്കു​ന്ന പൊ​തു​മേ​ഖ​ല സ്ഥാ​പ​ന​മാ​യ ഷൊ​ർ​ണൂ​ർ മെ​റ്റ​ൽ ഇ​ൻ​ഡ​സ്ട്രീ​സ്​ എം.​ഡി​യാ​യി ചു​മ​ത​ല​യേ​റ്റ ശേ​ഷം മാ​ധ്യ​മ​പ്ര​വ​ർ​ത്ത​ക​രോ​ട് സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

വി​ജി​ല​ൻ​സ് ഡ​യ​റ​ക്ട​റു​ടേ​തി​ന് ത​ത്തു​ല്യ​മാ​യ ത​സ്തി​ക​യാ​യി മെ​റ്റ​ൽ ഇ​ൻ​ഡ​സ്ട്രീ​സ് എം.​ഡി സ്ഥാ​നം ഉ​യ​ർ​ത്ത​പ്പെ​ട്ടു​വെ​ന്നാ​ണ് ത​​െൻറ നി​യ​മ​ന​ത്തി​ൽ​നി​ന്ന്​ മ​ന​സ്സി​ലാ​ക്കേ​ണ്ട​ത്. ഇ​നി മെ​റ്റ​ൽ ഇ​ൻ​ഡ​സ്ട്രീ​സ് എം.​ഡി പ​ദ​വി​ക്കാ​യി ഐ.​പി.​എ​സു​ള്ള സീ​നി​യ​ർ ഓ​ഫി​സ​ർ​മാ​ർ ത​മ്മി​ൽ​ പി​ടി​വ​ലി ഉ​ണ്ടാ​യേ​ക്കാം. താ​ൻ വി​ജി​ല​ൻ​സ് ഡ​യ​റ​ക്ട​റാ​യി നി​ര​വ​ധി കേ​സു​ക​ൾ അ​ന്വേ​ഷി​ക്കാ​ൻ ഉ​ത്ത​ര​വി​ട്ടി​രു​ന്നു.

അ​പ്പോ​ൾ സം​സ്ഥാ​ന​ത്ത് വി​ജി​ല​ൻ​സ് രാ​ജ് ആ​ണെ​ന്നാ​ണ് പ​ല നേ​താ​ക്ക​ളും പ​റ​ഞ്ഞ​ത്. അ​രി​വാ​ൾ കൂ​ടി​യു​ണ്ടാ​ക്കു​ന്ന ക​മ്പ​നി​യു​ടെ സ്ഥാ​പ​ന മേ​ധാ​വി​യാ​യ​തി​നാ​ൽ ഇ​നി ‘അ​രി​വാ​ൾ രാ​ജ്’ എ​ന്ന് പ​റ​ഞ്ഞാ​ലും അ​ത്ഭു​ത​പ്പെ​ടാ​നി​ല്ല. ‘ക​ത്തി’​യു​ടെ മൂ​ർ​ച്ച കൂ​ടി​യെ​ന്ന് പ​റ​ഞ്ഞ് മാ​ത്ര​മെ ഈ ​ക​മ്പ​നി​യി​ൽ​നി​ന്ന്​ ത​ന്നെ പു​റ​ത്താ​ക്കാ​നാ​കൂ. ക​ത്തി​ക്ക് മൂ​ർ​ച്ച കു​റ​വാ​ണെ​ന്ന ആ​ക്ഷേ​പം ഉ​ണ്ടാ​വി​ല്ല.

ഏ​ത് പൗ​ര​നും അ​ഭി​പ്രാ​യ​ത്തി​നും സ​ഞ്ചാ​ര​ത്തി​നും തൊ​ഴി​ൽ തെ​ര​ഞ്ഞെ​ടു​ക്കു​ന്ന​തി​നും സ്വാ​ത​ന്ത്ര്യ​മു​ണ്ട്. ആ ​സ്വാ​ത​ന്ത്ര്യം ഇ​നി​യും ആ​സ്വ​ദി​ക്കും. ഭ​ര​ണ​പ​ക്ഷം ന​ല്ല​ത് മാ​ത്രം ചെ​യ്താ​ൽ പ്ര​തി​പ​ക്ഷം ഉ​ണ്ടാ​വു​ക പോ​ലു​മി​ല്ല. പ്ര​തി​പ​ക്ഷം ശ​ക്തി പ്രാ​പി​ച്ചാ​ൽ ഭ​ര​ണ​പ​ക്ഷം ഇ​ല്ലാ​താ​വു​ക​യും ചെ​യ്യു​മെ​ന്ന് ജേ​ക്ക​ബ് തോ​മ​സ് ഓ​ർ​മി​പ്പി​ച്ചു.