ജേക്കബ് തോമസിന് വീണ്ടും നിയമനം

തിരുവനന്തപുരം: കേന്ദ്ര ട്രൈബ്യൂനൽ വിധിയിലൂടെ സർവീസിലേക്ക്​ തിരിച്ചെത്തുന്ന ഡി.ജി.പി ഡോ. ജേക്കബ് തോമസിന് വ്യ വസായ വകുപ്പിലെ അപ്രധാന തസ്തികയില്‍ നിയമനം നല്‍കാന്‍ സര്‍ക്കാര്‍ തീരുമാനം. ഷൊര്‍ണൂരിലെ ദി മെറ്റൽ ഇൻഡസ്ട്രീസ് ലിമിറ്റഡിലെ എം.ഡി ആയാണ് നിയമനം. ആദ്യമായാണ് ഒരു ഐ.പി.എസ് ഉദ്യോഗസ്​ഥനെ ചെറുകിട വ്യവസായ സ്​ഥാപനത്തി‍​െൻറ തലപ്പത്ത ് നിയമിക്കുന്നത്​. നിയമന ഉത്തരവ് മുഖ്യമന്ത്രി ഒപ്പിട്ടു. നിയമനം ജേക്കബ് തോമസ് അംഗീകരിക്കുമോ എന്ന കാര്യത്തിൽ വ്യക്​തതയില്ല.

2017 ഡിസംബർ മുതൽ വിവിധ കാരണങ്ങളാൽ സസ്പെൻഷനിലായിരുന്നു ജേക്കബ് തോമസ്. കേന്ദ്ര അഡ്മിനിസ്ട്രേറ്റീവ് ട്രൈബ്യൂനലിൽ കേസ് നടത്തിയാണ്​ അനുകൂല വിധി അദ്ദേഹം നേടിയത്​. എന്നാൽ അനുകൂല വിധി വന്നിട്ടും അദ്ദേഹത്തിന്​ നിയമനം നൽകിയിരുന്നില്ല. സംസ്​ഥാനത്തെ എറ്റവും മുതിർന്ന ഐ.പി.എസ് ഉദ്യോഗസ്ഥനാണ് താനെന്നും അങ്ങനെ ഒരാളെ തിരിച്ചെടുക്കുമ്പോൾ പാലിക്കേണ്ട കാര്യങ്ങൾ സർക്കാരിനറിയാമെന്നുമായിരുന്നു നേരത്തെ ജേക്കബ് തോമസ് പ്രതികരണം. അപ്രധാനമായ ഒരു പൊതുമേഖലാ സ്​ഥാപനത്തി‍​െൻറ എം.ഡിയായിരിക്കാൻ അദ്ദേഹം തയ്യാറാകുമോയെന്നാണ്​ ഇനി കാണേണ്ടത്​.

മെറ്റല്‍ ഫര്‍ണിച്ചറുകള്‍, ചെറിയകാര്‍ഷിക ഉപകരണങ്ങള്‍ എന്നിവ നിര്‍മിക്കുന്ന സ്ഥാപനത്തി‍​െൻറ ചരിത്രത്തില്‍ ആദ്യമായാണ് ഒരു ഐ.പി.എസ് ഉദ്യോഗസ്ഥനെ എം.ഡിയായായി നിയമിക്കുന്നത്. വ്യവസായവകുപ്പിലെ മധ്യനിര ഉദ്യോഗസ്ഥരാണ് ഈ തസ്തികയിലിരുന്നിട്ടുള്ളത്. ദീര്‍ഘകാലമായി നഷ്​ടത്തില്‍ പ്രവര്‍ത്തിക്കുന്ന സ്ഥാപനത്തി ല്‍ആകെ നാല്‍പ്പതോളം ജീവനക്കാർ മാത്രമേയുള്ളൂ.