പ്രവാസികളെ തിരി​െകകൊണ്ടുവരണം; മുസ്​ലിം ലീഗ് എം.പിമാര്‍ പ്രധാനമന്ത്രിക്ക് കത്തെഴുതി

മലപ്പുറം: പ്രവാസി ഇന്ത്യക്കാരെ ജന്മനാട്ടിലേക്ക് തിരികെ കൊണ്ടുവന്ന് മതിയായ ചികിത്സ ഉറപ്പാക്കാൻ നടപടിയുണ്ടാ വണമെന്ന് ആവശ്യപ്പെട്ട്​ മുസ്​ലിംലീഗ് എം.പിമാരായ പി.കെ. കുഞ്ഞാലിക്കുട്ടി, ഇ.ടി. മുഹമ്മദ് ബഷീര്‍, പി.വി. അബ്​ദുൽ വഹാബ് എന്നിവര്‍ പ്രധാനമന്ത്രിക്ക് കത്തയച്ചു.

ഇന്ത്യയില്‍ നിന്നുള്ള ഗള്‍ഫ് പ്രവാസികളില്‍ മഹാഭൂരിഭാഗവും കേരളത്തില്‍ നിന്നുള്ളവരാണ്. അതിനാല്‍തന്നെ കേരളത്തില്‍ നിന്നുള്ള ഗള്‍ഫ് പ്രവാസികളുടെ കാര്യം പ്രത്യേകമായി പരിഗണിക്കണമെന്നും എം.പിമാര്‍ ആവശ്യപ്പെട്ടു.

ദുബൈ പോലുള്ള പ്രദേശങ്ങളില്‍ ഐ​െസാ​േലഷന്‍ കേന്ദ്രങ്ങള്‍ തിങ്ങിനിറഞ്ഞതായ റിപ്പോര്‍ട്ടുണ്ട്. ഇത് സാമൂഹിക വ്യാപനത്തിനും ഭക്ഷണം, ചികിത്സ എന്നിവയും മറ്റ് അടിയന്തര സേവനങ്ങളും ലഭ്യമാവാത്ത സ്ഥിതിയുമുണ്ടാക്കുമെന്നും എം.പിമാര്‍ ചൂണ്ടിക്കാട്ടി.