You are here

മുഖ്യമന്ത്രിക്ക്​ പകരം ചുമതല നൽകാത്തത്​ ചട്ടലംഘനം -കെ.സി. ജോസഫ്​ 

12:47 PM
03/09/2018
KC-Joseph

കണ്ണൂർ:  മുഖ്യമന്ത്രി പിണറായി വിജയൻ ചികിത്സക്കായി അമേരിക്കയിലേക്ക്​ പോയപ്പോൾ പകരം ചുമതല നൽകാത്തത് ചട്ടലംഘനവും കീഴ്​വഴക്കത്തിന്​ എതിരുമാണെന്നും കെ.സി. ജോസഫ്​ എം.എൽ.എ. സഹമന്ത്രിമാരെ മുഖ്യമന്ത്രിക്ക്​ വിശ്വാസമില്ലാത്തത്​ കൊണ്ടാണോ ചുമതല ആർക്കും കൈമാറാതിരുന്നതെന്ന്​ സംശയിക്കേണ്ടിയിരിക്കുന്നുവെന്നും അദ്ദേഹം വാർത്തസമ്മേളനത്തിൽ പറഞ്ഞു. 

സംസ്ഥാനത്ത്​ 20 ദിവസം ഭരണസ്​തംഭനമാണ്​ ഉണ്ടാകാൻ പോകുന്നത്​. 27 വകുപ്പുകളുടെ ചുമതല വഹിക്കുന്ന മുഖ്യമന്ത്രി ആർക്കും ചുമതല ഏൽപിക്കാതെ ഇത്രയും ദിവസം മാറിനിൽക്കുന്നത്​ ​ തെറ്റാണ്​. ഇ-ഫയലിങ്​​ വഴി ചുമതല നിർവഹിക്കുമെന്നത്​ വിശ്വാസയോഗ്യമല്ല. ആശുപത്രിയിൽ ചികിത്സയിലുള്ള ഒരാൾ എങ്ങനെയാണ്​ ഇത്​ ചെയ്യുക.  1994ൽ ഇ.കെ. നായനാർ അഞ്ച്​  ദിവസം വിദേശത്ത്​ പോയപ്പോൾ ടി. കെ. രാമകൃഷ്​ണനും 2006ൽ ഉമ്മൻ ചാണ്ടി പോയപ്പോൾ വക്കം പുരുഷോത്തമനും പകരം ചുമതല കൈമാറിയിരുന്നു. വിദേശത്തുനിന്ന്​ വീണുപരിക്കേറ്റ ഉമ്മൻ ചാണ്ടി തിരി​െക എത്തിയപ്പോഴും ചുമതല വക്കത്തിന്​ തന്നെ നീട്ടി നൽകുകയായിരുന്നു. രാജ്യത്തിന്​ പുറത്ത്​ പോകു​േമ്പാൾ 19ാം വകുപ്പ് പ്രകാരം ചുമതല മറ്റൊരു മന്ത്രിയെ ഏൽപിക്കുകയും ഗവർണ​െറ അറിയിച്ച്​ സർക്കാർ ഉത്തരവ്​ പുറപ്പെടുവിക്കുകയും വേണമെന്നാണ്​ ചട്ടം. 

പ്രളയം കാരണം സംസ്ഥാനത്തെ ജനങ്ങൾ ദുരിതമനുഭവിക്കു​േമ്പാൾ പണം പിരിക്കാൻ  ​മന്ത്രിമാരെ വിദേശത്ത്​ അയക്കുന്നത്​ ശരിയല്ല. സർക്കാറി​​​​െൻറ ശ്രദ്ധ ഇപ്പോൾ ദുരിതാശ്വാസ പ്രവർത്തനങ്ങൾക്ക്​ പകരം പണപ്പിരിവിലാണോ എന്ന് സംശയി​േക്കണ്ടിയിരിക്കുന്നു. പ്രത്യേക നിയമസഭ സമ്മേളനം പാഴാ​െയന്ന വിമർശനം ശരിയല്ല. വീട്ടിലേക്ക് മടങ്ങുന്നവർക്ക് 25,000 രൂപയെങ്കിലും ധനസഹായം നൽകണമെന്നും ആദ്ദേഹം ആവശ്യപ്പെട്ടു. 
 

Loading...
COMMENTS