പൊലീസിനെതിരായ കേസ്​ പൊലീസ്​ തന്നെ അന്വേഷിക്കുന്നത്​ ശരിയല്ല -ഹൈകോടതി

കൊച്ചി: വരാപ്പുഴയിൽ ശ്രീജിത്തി​​​​െൻറ കസ്​റ്റഡി മരണം പൊലീസ്​ തന്നെ അന്വേഷിക്കുന്നത്​ ശരിയല്ലെന്ന്​ ഹൈകോടതി. പൊലീസുകാർ പ്രതികളായ കേസ്​ ​െപാലീസ്​ തന്നെ അന്വേഷിക്കുന്നത്​ ശരിയായ രീതിയല്ലെന്ന്​ കോടതി നിരീക്ഷിച്ചു. കേസ്​ സി.ബി.​െഎ അന്വേഷിക്കുന്നത്​ സബന്ധിച്ച്​ വിശദമായ സത്യവാങ്​മൂലം സമർപ്പിക്കാർ കോടതി സർക്കാറിനോടും പൊലീസിനോടും ആവശ്യപ്പെട്ടു. കസ്​റ്റഡി മരണത്തിൽ സി.ബി.​െഎ അ​േന്വഷണവും നഷ്​ടപരിഹാരവും ആവശ്യപ്പെട്ട്​ ശ്രീജിത്തി​​​​െൻറ ഭാര്യ സമർപ്പിച്ച ഹരജി പരിഗണിക്കവെയാണ്​ കോടതിയുടെ പരാമർശം. 

കേസ്​ ഫയലിൽ സ്വീകരിച്ച കോടതി വിഷയത്തിൽ സർക്കാറിനോട്​ വിശദീകരണം തേടി. കേസന്വേഷണം ശരിയായ രീതിയിലാണെന്നും നാലു പേരെ കേസുമായി ബന്ധപ്പെട്ട്​ അറസ്​റ്റ്​ ചെയ്​തുവെന്നും സർക്കാർ കോടതിയെ അറിയിച്ചു. എന്നാൽ ഇൗ കേസ്​ മെയ്​ നാലിന്​ കോടതി വീണ്ടും പരിഗണിക്കും. 

അന്വേഷണം ഫലപ്രദമല്ലെന്നും പൊലീസ്​ കസ്​റ്റഡിയിൽ മരിച്ചതിനാൽ നഷ്​ടപരിഹാരത്തിന്​ അർഹതയുണ്ടെന്നും ചൂണ്ടിക്കാട്ടിയാണ്​ മരണപ്പെട്ട ശ്രീജിത്തി​​​​െൻറ ഭാര്യ അഖില ഹരജി നൽകിയിരുന്നത്​. സംഭവവുമായി ബന്ധപ്പെട്ട  ഗൂഡാലോചനക്കാരെ പുറത്തുകൊണ്ടുവരാൻ ഒരു നടപടിയുമുണ്ടായിട്ടില്ല. സംഭവത്തിന്​ ഉത്തരവാദികളായ റൂറൽ എസ്​.പിയും സി.​ഐയും ഉൾപ്പെടെയുള്ള ഉന്നതർക്കെതിരെ നടപടിയില്ല. പൊലീസുകാർ പ്രതിയായ കേസ്​ പൊലീസ്​ തന്നെ അന്വേഷിക്കുന്നത്​ ഫലപ്രദമാകില്ല. അതിനാൽ, സി.ബി.​െഎക്ക് അന്വേഷണം കൈമാറണമെന്നും ഒരു കോടി നഷ്ടപരിഹാരം നൽകാൻ  ഉത്തവിടണമെന്നും​ ഹരജിയിൽ ആവശ്യപ്പെടുന്നു.

പൊലീസുകാർക്കെതി​രായ കേസ്​ പൊലീസ്​ തന്നെ അന്വേഷിക്കുന്നത്​ ശരിയല്ലെന്ന്​ മനുഷ്യാവകാശ കമീഷൻ ആക്​ടിങ്​ ചെയർമാർ പറഞ്ഞിരുന്നു. എന്നാൽ കമീഷൻ കേസിൽ രാഷ്​ട്രീയം കളിക്കുകയാണെന്നും അദ്ദേഹം അദ്ദേഹത്തി​​​​െൻറ പണിയെടുത്താൽ മതിയെന്നുമായിരുന്നു മുഖ്യമന്ത്രിയുടെ വിമർശനം. സി.പി.എം സംസ്​ഥാന സെക്രട്ടറി കൊടിയേരി ബാലകൃഷ്​ണനും കമീഷനെതിരെ രംഗത്തെത്തിയിരുന്നു.