രഞ്ജിത്തി​െൻറ മരണം: സി.പി.എം ബ്രാഞ്ച് സെക്രട്ടറി സരസന്‍പിള്ള അറസ്​റ്റിൽ

ചവറ: വീടുകയറി മര്‍ദിച്ചതിനെ തുടര്‍ന്ന് പരിക്കേറ്റ് ചികിത്സയിലിരുന്ന ഐ.ടി.ഐ വിദ്യാര്‍ഥി രഞ്ജിത്ത് (18) മരിച്ച കേ സില്‍ ഒരാൾ കൂടി അറസ്​റ്റിൽ. സി.പി.എം തേവലക്കര അരിനല്ലൂര്‍ സൗത്ത് ബ്രാഞ്ച് സെക്രട്ടറി ക്രിസ്ത്യന്‍ പള്ളിക്ക്​ സ മീപം മല്ലകത്ത് കിഴക്കതില്‍ വീട്ടില്‍ സരസന്‍പിള്ള(51) യെയാണ് അറസ്​റ്റ്​ ചെയ്തത്. ഫെബ്രുവരി 28ന് രഞ്ജിത്ത് മരിച്ചത ിനെ തുടര്‍ന്ന് ഇയാള്‍ ഒളിവിലായിരുന്നു. ഇയാളുടെ അറസ്​റ്റ്​ വൈകുന്നെന്നാരോപിച്ച് പൊലീസിനെതിരെ വ്യാപക പ്രതി ഷേധം ഉണ്ടായിരുന്നു. വ്യാഴാഴ്ച ഉച്ചക്ക്​ 12.30ന് വീടിനു സമീപത്തുനിന്നാണ് അറസ്​റ്റ്​ ചെയ്തതെന്ന് ചവറ സി.ഐ പറഞ്ഞു.

ഫെബ്രുവരി 14 നാണ് കേസിനാസ്പദമായ സംഭവം നടന്നത്. സരസന്‍പിള്ളയുടെ മകളെ കളിയാക്കിയത് ചോദിക്കാനായി രാത്രി 10 മണിയോടെ രഞ്ജിത്തി​​െൻറ വീട്ടില്‍ എത്തിയ ഏഴംഗ സംഘം മുറിക്കകത്തുകയറി രഞ്ജിത്തിനെ മര്‍ദിക്കുകയായിരുന്നെന്നാണ് കേസ്. ഗുരുതരമായി പരിക്കേറ്റ രഞ്ജിത്ത്​ തിരുവനന്തപുരം മെഡിക്കല്‍ കോളേജ് ആശുപത്രിയില്‍ ചികിത്സയിലിരിക്കെയാണ് മരിച്ചത്.

സരസന്‍പിള്ളയുടെ സഹോദര​​െൻറ മകനും ജില്ല ജയില്‍വാര്‍ഡനുമായ അരിനല്ലൂര്‍ മല്ലകത്ത് വീട്ടില്‍ വിനീതി (30) നെ നേരത്തേ അറസ്​റ്റ്​ ചെയ്തിരുന്നു. വിനീത് ഒന്നാംപ്രതിയും സരസന്‍പിള്ള രണ്ടാം പ്രതിയുമാണ്. മൂന്നാംപ്രതി അരിനല്ലൂര്‍ പാറയില്‍ പടിഞ്ഞാറ്റതില്‍ മനു എന്ന മിഥുന്‍ ഒളിവിലാണ്. കണ്ടാലറിയാവുന്ന നാലുപേരാണ് മറ്റു പ്രതികള്‍. തുടക്കത്തില്‍ തെക്കുംഭാഗം പൊലീസ് കേസ് ഒതുക്കിത്തീര്‍ക്കാന്‍ ശ്രമിച്ചെന്ന് രഞ്ജിത്തി​​െൻറ മാതാപിതാക്കളായ രാധാകൃഷ്ണപിള്ളയും രജനിയും ആരോപിച്ചിരുന്നു.

രഞ്ജിത്തി​​െൻറ മൃതദേഹവുമായി കോണ്‍ഗ്രസി​​െൻറ നേതൃത്വത്തില്‍ തെക്കുംഭാഗം പൊലീസ് സ്​റ്റേഷനു മുന്നില്‍ പ്രതിഷേധവും നടന്നിരുന്നു. തെക്കുംഭാഗം പൊലീസിനെതിരെ കേസ് അന്വേഷണവുമായി ബന്ധപ്പെട്ട് പരാതികള്‍ ഉയര്‍ന്ന സാഹചര്യത്തിലാണ് കരുനാഗപ്പള്ളി എ.സി.പി അരുണ്‍രാജ് അന്വേഷണച്ചുമതല ചവറ സി.ഐ ചന്ദ്രദാസിന് കൈമാറിയത്. സരസന്‍പിള്ളയെ വൈദ്യപരിശോധനക്കുശേഷം ചവറ കോടതിയില്‍ ഹാജരാക്കി റിമാൻഡ്​ ചെയ്തു.